Rostok

Rostok Almaniyanın şimal-şərqində yerləşən Meklenburq-Ön Pomeraniya əyalətində yerləşən ən böyük şəhərdir. Şəhərin əhalisi 200.000 nəfərə yaxındır. Almaniya Demokratik Respublikası dağılmazdan öncə şəhərin əhalisi 260.000 nəfərdən çox olsa da, Almaniyanın birləşməsindən sonra əhalinin bir çoxu işsizlik və aşağı həyat səviyyəsi səbəbi ilə Almaniyanın qərb əyalətlərinə köç edib. Rostok şəhəri Baltik dənizi sahilində yerləşir və hər il buraya çoxlu sayda turist gəlir. Varnov çayı şəhərin ortasından axaraq şəhəri iki yerə bölür. Şəhərin ən sıx infrastruktur olan bölgəsi çayın qərb sahilində yerləşir. Şəhərin ən sıx əhali olan bölgələri şəhərin qərbi və cənub-qərbindədir. Rostok şəhəri liman şəhəri olaraq tanınmaqdadır və şəhərin beynəlxalq limanı şəhərin şərqində yerləşir. Bundan başqa Rostokda Avropanın ən qədim universitetlərindən biri olan Rostok Universiteti yerləşir.

Rostok
Rostock
Bayraq[d] Gerb[d]
54°05′ şm. e. 12°08′ ş. u.
Ölkə	Almaniya Federativ Respublikası
Tarixi və coğrafiyası
Əsası qoyulub	XIII əsr
İlk məlumat	1161
Sahəsi	181,36 km² (2016, 31 dekabr 2017)
Mərkəzin hündürlüyü	18 m
Saat qurşağı	UTC+01:00 UTC+02:00
Əhalisi
Əhalisi	204 260 nəfər (2011)
Rəqəmsal identifikatorlar
Telefon kodu	+49 381
Poçt indeksi	18001, 18181, 18059
Nəqliyyat kodu	HRO
Digər
rostock.de
Rostok
Vikianbarda əlaqəli mediafayllar

Tarixi

11-ci əsrdə Polabiya slavyanları Varnov çayı sahilində Roztok adlı yaşayış məskəninin əsasını qoyublar, şəhərin Rostok adı da buradan qaynaqlanır. 1161-ci ildə Danimarka kralı Valdemar I şəhəri tamamilə yandırdı. Daha sonra bu ərazidə alman ticarətçiləri məskən saldılar. İlkin olaraq burada üç ayrı şəhər var idi. 1218-ci ildə Meklenburq şahzadəsi tərəfindən Rostoka şəhər statusu verildi. 1251-ci ildə şəhər Hanza Liqasının üzvü oldu. 14-cü əsrdə bu şəhər 12000 nəfər əhalisi olan böyük bir şəhərə və Meklenburq ərazisindəki ən böyük liman şəhərinə çevrildi.