Fate/stay night: Heaven's Feel II. lost butterfly
Fate/stay night: Heaven's Feel II. lost butterfly (azərb. Tale/gecə mübarizəsi: Cənnət hissi II. itmiş kəpənək) – Ufotable studiyası tərəfindən Tomonori Sudonun rejissorluğu və Akira Hiyamanın ssenaristliyi ilə 2019-cu ildə istehsal olunmuş fentezi anime filmi.[1] "Fate/stay night" vizual romanının üçüncü və sonuncu hekayəsindən bəhs edən "Heaven's Feel" film trilogiyasının ikinci filmidir. Əvvəlki filmdə Müqəddəs qədəh döyüşündən kənar qalan və xidmətçisini itirən baş qəhrəman Şiro Emiya onun üçün dəyərli insan olan Sakura Mato və digər iştirakçılar üçün həll yolu axtarmağa çalışır.
Fate/stay night: Heaven's Feel II. lost butterfly | |
---|---|
![]() Filmin posteri. | |
Janr | fentezi |
Rejissor | Tomonori Sudo |
Prodüser | Hikaru Kondo |
Əsərin müəllifi | Type-Moon şirkətinin "Fate/stay night" oyunu |
Ssenari müəllifi | Akira Hiyama |
Baş rollarda |
Noriaki Suqiyama Noriko Şitaya Yuu Asakava May Kadovaki Kana Ueda Ayako Kavasumi |
Bəstəkar | Yuki Kaciura |
İstehsalçı | Ufotable |
Distribütor | Aniplex |
İlk baxış tarixi | 12 yanvar 2019 |
Filmin növü | anime |
Müddət | 117 dəq. |
Gəlir | 19,8 milyon $ |
Ölkələr |
![]() |
Dil | yapon |
Əvvəlki film | Fate/stay night: Heaven's Feel I. presage flower |
Sonrakı film | Fate/stay night: Heaven's Feel III. spring song |
IMDb | ID8091892 |
Filmin Yaponiyada premyerası 12 yanvar 2019-cu ildə ildə baş tutmuşdur. Film tənqidçilərin müsbət rəylərini almış və uğurlu olmuşdur. Davam filmi "Fate/stay night: Heaven's Feel III. spring song" 15 avqust 2020-ci ildə buraxılmışdır.
Məzmun
redaktəSeyberin kölgə tərəfindən udulması və öldürülməsindən sonra Şiro Emiya Müqəddəs qədəh müharibəsindən kənar qalır və evinə məğlubiyyətlə qayıdır. Lakin döyüşməyə davam etmək qərarına gəlir. Rin Tosaka ilə görüşdən qayıdandan sonra Şiro başa düşür ki, Sakura Mato qardaşı Şinci tərəfindən qaçırılıb və Şinci ilə döyüşə girişir. Sakura hamıdan dayanmağı xahiş edir və Rayder onun çağırışına qulaq verir. Rayderin əsl ustasının Sakura olduğu məlum olur. Artıq Rayderi idarə edə bilməyəcəyini başa düşən Şinci insanın idarəetməsini itirməsinə səbəb olan eleksirlə Sakuranı zəhərləyib qaçır. Arçer və Rin Sakuraya hücum edirlər, lakin Rayder onu müdafiə edir və Meduza şəxsiyyətini üzə çıxararaq onları daşa çevirməyə başlayır. Lakin Şiro yaralananda və şüurunu itirəndə Sakuranın kədəri özünün də yaralanmasına səbəb olur, nəticədə, Rayder dayanmağa məcbur olur.
Şiro Fuyuki kilsəsində oyanır. Kirey Kotomine onun yaralarını sağaldır və Sakuranı əməliyyat edir. Kotomine başa salır ki, Sakuranın bədəni Zoken Matonun möhür qurdları ilə dolub və onun manası ilə qidalanırlar. Rin Sakuranı öldürməyə gedəndə Kotomine Şiroya izah edir ki, əslində Rinlə Sakura doğma bacıdılar, Sakura Mato ailəsinə övladlıq kimi verilib. Sakura Şironu özündən uzaq tutmaq istəsə də, Şiro onu daim qoruyacağına söz verir. Sakura və Rayder Şironun evinə köçürlər.
Şiro və Rin müttəfiq tapmaq üçün İlyasvil fon Aynzbernin yanına gedirlər, lakin onun Zoken və kölgə ilə döyüşdüyünə şahidlik edirlər. Kölgə qaranlıq tərəfini üzə çıxaran Dəyişmiş Seyberi Berserkerlə döyüşə göndərir. Dəyişmiş Seyber Berserkeri öldürür və kölgə onu da udur. Zoken Assassini göndərsə də, hücumu effektiv olmur, əvəzində kölgə Şironun sol qolunu ölümcül yaralayır və Arçer ali fantazmı ilə kölgəni uzaqlaşdırır. Arçer öz həyatını qurban verərək sol qolunu kəsir və Şiroya köçürür. Xidmətçilərini itimiş Rin və İlyasvil Emiyanın evinə köçürlər. Şiro Arçerin gücünə hələlik nəzarət edə bilmədiyindən yeni qolunu müqəddəs parça ilə möhürləyirlər. Rinin Şiroya yaxınlaşdığını görən Sakura onları qısqanmağa başlayır və Şirodan onu sevib-sevmədiyini soruşur. Şiro müsbət cavab verir və sekslə məşğul olurlar.
Növbəti gecə Sakura yuxulu halda şəhərdə gəzir və bir neçə insanı öldürür. Xidmətçi Qilqameş ona hücum etsə də, kölgə onu da udur. Sakura Emiyanın evinə qayıdır və Şiro kölgənin onu izlədiyini başa düşür. Qilqameşdən aldığı yaralara görə Sakura bütün günü çarpayıda uzanır və İlyasvil ona deyir ki, o, Müqəddəs qədəh üçün yaradılan bir alətdir və az ömrü qalıb. Şiro Zoken ilə görüşür və məlum olur ki, kölgə 10 il əvvəlki Müqəddəs qədəhin bir parçasıdır və onu Sakuranın bədəninə özü yerləşdirib. Kölgə elə Sakuranın özüdür və Zokenin müttəfiqi deyil. Zoken Şiroya bildirir ki, kölgəni dayandırmağın yeganə yolu Sakuranı öldürməkdir və onun güvəndiyi yeganə şəxs Şirodur. Lakin Şiro bunu etməyi bacarmır.
Şiroya yük olduğunu görən Sakura Rayderə onu qorumaq əmri verir və Mato malikanəsinə qayıdır. Şiro Sakuranı evdə tapmayanda onun dalınca qaçır. Şinci Sakuraya təcavüz etməyə çalışır və illərlə onu zorladığını Şiroya deməklə hədələyir. Sakura panikaya düşür və ögey qardaşını öldürür. Kölgə üzə çıxır və Sakuranın qaranlıq tərəfini üzə çıxarır.
İstehsal
redaktəFilm ilk dəfə 2018-ci ilin mayında anons edilib.[2] Rejissor Tomonori Sudo filmi istehsal etməyin çətin, lakin əyləncəli olduğunu bildirib. Sudo daha sonra bildirmişdi ki, müəyyən səhnələrdə Şiro ilə Sakuranın şəxsiyyətinin inkişafına kömək edib. İstehsalçı heyətin digər üzvləri filmin təsiredici sonluğunun olduğunu vurğulayıblar.[3]
Filmin personaj səsləndiriciləri əvvəlki filmdə olduğu kimidir. Noriaki Suqiyama Şiro personajına daha fərqli prizmadan yanaşdığını bildirib. Noriko Şitaya Sakuranın hislərinin Şiro tərəfindən başa düşülməsindən zövq aldığını ifadə edib. Ayako Kavasumi Seyberin yeni şəxsiyyəti haqqında qarışıq fikirlərdə olub, lakin fanatların onun personajını döyüşərkən görməsini istədiyini bildirib.[4] Rin Tosakanın aktrisası Kana Ueda personajı səsləndirərkən özünü çox emosional hiss edib və hətta ağlayıb.[5] Şinci Matonu səsləndirən Hiroşi Kamiya personajının franşiz boyunca qaranlıqlaşdığını və filmin əsas mənfi obrazı olduğunu bildirib.[6]
1 noyabr 2018-ci ildə filmin əsas mahnısının "I beg you" adlanacağı anons edilib. Mahnı Yuki Kaciura tərəfindən bəstələnib və Aimer tərəfindən ifa edilib.[7] Mahnı Şiro ilə Sakuranın münasibətlərinə köklənib və Aimer mahnıda Sakuranın qaranlıq tərəfini və sirlərini göstərmək istəyib.[8]
Buraxılış
redaktəFilm Yaponiyada 12 yanvar 2019-cu ildə buraxılmışdır. 2018-ci ildə Aniplex of America filmi ABŞ-da buraxacağını açıqlamışdır. Filmin ABŞ premyerası 23 fevral 2019-cu ildə Los-Ancelesdə baş tutmuş, kinoteatrlarda nümayişi isə 14 mart 2019-cu ildə başlamışdır.[9][10] 14 martda Kanadada ekranlaşdırılmışdır.[11] Avstraliya və Yeni Zelandiyada 16 mart 2019-cu ildə,[12] Malayziyada isə 18 aprel 2019-cu ildə kinoteatrlarda buraxılmağa başlamışdır.[13]
Filmi reklam etmək üçün Pizza Hut şirkəti ilə əməkdaşlıq edilib.[14] Filmin bəzi personajları Puzzle & Dragons oyununa əlavə edilib.[15] DVD və Blu-ray buraxılışlar Yaponiyada 21 avqust 2019-cu ildə buraxılıb.[16]
İstinadlar
redaktə- ↑ "2nd Fate/stay night Heaven's Feel Anime Film Reveals January 12 Opening, New Visual". Anime News Network. July 28, 2018. July 28, 2018 tarixində arxivləşdirilib. İstifadə tarixi: January 11, 2019.
- ↑ "2nd Fate/stay night Heaven's Feel Film's Key Visual Revealed". Anime News Network. 2021-11-08 tarixində arxivləşdirilib. İstifadə tarixi: January 12, 2018.
- ↑ 須藤友徳監督&下屋則子の対談が実現!大ヒット公開中の『Fate/stay night[HF]』第二章を語る. MOVIE WALKER PRESS (Japanese). January 20, 2021 tarixində arxivləşdirilib. İstifadə tarixi: March 21, 2019.
- ↑ "Fate/stay night: Heaven's Feel Movie Premiere Stage Greeting Report". Manga.Tokyo. February 19, 2019 tarixində arxivləşdirilib. İstifadə tarixi: February 18, 2019.
- ↑ "劇場版「Fate/stay night [Heaven's Feel]」Ⅱ.lost butterfly 下屋則子さん×川澄綾子さん×植田佳奈さんインタビュー|10数年待って、やっと士郎がこっちを見てくれた【連載第5回】". Animate Times. September 20, 2021 tarixində arxivləşdirilib. İstifadə tarixi: May 26, 2019.
- ↑ "劇場版ならではの「Heaven's Feel」". Natalie. June 23, 2022 tarixində arxivləşdirilib. İstifadə tarixi: May 26, 2019.
- ↑ Sherman, Jennifer. "Aimer Performs Theme Song for 2nd Fate/stay night Heaven's Feel Anime Film — News". Anime News Network. October 31, 2018. January 14, 2022 tarixində arxivləşdirilib. İstifadə tarixi: November 1, 2018.
- ↑ "【Aimer/I beg you】歌詞の意味を徹底解釈!Fateの主題歌で間桐桜の暗くも切ない思いを描く!?" (Japanese). Salute Project. November 21, 2021 tarixində arxivləşdirilib. İstifadə tarixi: March 16, 2019.
- ↑ Antonio Pineda, Rafael. "2nd Fate/stay night Heaven's Feel Film Screens in U.S. Theaters in 2019". Anime News Network. July 6, 2018. November 9, 2021 tarixində arxivləşdirilib. İstifadə tarixi: July 16, 2018.
- ↑ Ressler, Karen. "2nd Fate/stay night Heaven's Feel Film Opens in U.S. on March 14 (Updated)". Anime News Network. January 15, 2019. July 2, 2022 tarixində arxivləşdirilib. İstifadə tarixi: January 16, 2019.
- ↑ "2nd Fate/stay night Heaven's Feel Film to Also Open in Canada on March 14". Anime News Network. 2021-11-05 tarixində arxivləşdirilib. İstifadə tarixi: January 26, 2019.
- ↑ Madman Anime Festival [MadFest]. "✨Summon up your excitement! ✨ Fate/stay night [Heaven's Feel] Ⅱ.lost butterfly will premiere at #MadFest Sydney 2019. Be among the first in Australia to see the film before it hits cinemas nationwide! Tickets are now available ✨ http://mad.mn/madsydticks" (Tweet). January 16, 2019. İstifadə tarixi: January 16, 2019.
- ↑ "2nd Fate/stay Night: Heaven's Feel Opens in Malaysia on April 18". Anime News Network. 2021-06-28 tarixində arxivləşdirilib. İstifadə tarixi: February 15, 2019.
- ↑ "Win a Signed Heaven's Feel Pizza Tray in Fate/Pizza Hut Collaboration". Anime News Network. 2021-06-29 tarixində arxivləşdirilib. İstifadə tarixi: January 20, 2019.
- ↑ "Fate/stay night [Heaven's Feel] Collab Arrives!". Puzzle & Dragons. February 14, 2019 tarixində arxivləşdirilib. İstifadə tarixi: January 28, 2019.
- ↑ "Fate/stay night: Heaven's Feel II DVD/Blu-ray Set to Be Released on August 21, 2019". Crunchyroll. June 27, 2022 tarixində arxivləşdirilib. İstifadə tarixi: May 26, 2019.
Xarici keçidlər
redaktə- fatestaynightusa.com — Animenin rəsmi saytı
- Fate/stay night: Heaven's Feel II. lost butterfly — Internet Movie Database saytında
- Fate/stay night: Heaven's Feel II. lost butterfly Rotten Tomatoes saytında (ing.)
- Fate/stay night: Heaven's Feel II. lost butterfly (anime) Anime News Network Ensiklopediyasında