pardu

Asturianu

El pelo d'esti osu ye pardo.

Pronunciación

• [ ˈpaɾ.ðu ]

«pardu»

(rexistru)

Sustantivu (1)

masculín singular pardu ensin plural

1. Color marrón con della tonalidá bermeya, como'l de la corteya d'una castaña o'l pelo d'un osu d'Asturies.
2. Color gris, con della tonalidá escura.

Pallabres rellacionaes

• [1] marrón, castañu
• [2] gris, buxu

Traducciones y equivalencies

«pardu»: tonalidá de marrón

«pardu»: tonalidá de gris

Sustantivu (2)

masculín singular pardu; plural pardos

1. (Ornitoloxía) Páxaru pequeñu de campu, de colores pardos y bermeyos, domesticable, de nome científicu Carduelis cannabina.
2. (Ornitoloxía) Páxaru de picu fuerte curtiu y forma cónica, de cabeza grande y rabu curtiu, y con plumaxe diferente según el sexu, el del machu de color verde con zones marielles nes ales y nel rabu, y el de la fema en tonos apardaos, tamién con bandes marielles, de nome científicu Chloris chloris.

• 
  Pardu Carduelis cannabina machu.
• 
  Pardu Carduelis cannabina fema.
• 
  Un pardu Chloris chloris machu.
• 
  Un pardu Chloris chloris fema.

Sinónimos

• [1] pardiellu, pardal, pardu coloráu
• [2] verderón, verderina, pardu blancu

Traducciones y equivalencies

«pardu»: Carduelis cannabina → ver traducciones na entrada pardiellu

ver traducciones na entrada pardiellu

«pardu»: Chloris chloris → ver traducciones na entrada verderón

ver traducciones na entrada verderón

Consulta na Wikipedia l'artículu tocante a «pardu».

Axetivu

singular masculín pardu, femenín parda, neutru pardo; plural masculín pardos, femenín pardes

1. De color marrón con della tonalidá bermeya, como'l de la corteya d'una castaña o'l pelo d'un osu d'Asturies.
2. De color gris, con della tonalidá escura, de color gris escuro.

Pallabres rellacionaes

• [1] marrón, castañu, morenu
• [2] gris, buxu, cenicientu

Traducciones y equivalencies

«pardu»: de la tonalidá de marrón

«pardu»: de la tonalidá de gris

Referencies

• Diccionariu de la Llingua Asturiana; Academia de la Llingua Asturiana, 2000, Uviéu; ISBN: 84-8168-208-X. Versión on-line.
• Diccionario General de la Lengua Asturiana; Xosé Lluis García Arias, Editorial Prensa Asturiana, 2002-2004, Uviéu; ISBN: 84-87730-86-8. Versión on-line.