Xuegos Olímpicos de Berlín 1936
Xuegos Olímpicos de Berlín 1936![]() | ||||
---|---|---|---|---|
![]() | ||||
Xeneral | ||||
Tipu de competición | Xuegos Olímpicos de branu | |||
País | Reich alemán | |||
Historia | ||||
Desapaición | 16 d'agostu de 1936 | |||
Competición | ||||
Participantes |
49 estáu nos Xuegos Olímpicos 3963 atleta olímpicu | |||
| ||||
Web oficial | ||||
![]() |
![](http://upload.wikimedia.org/wikipedia/commons/thumb/a/a6/Bundesarchiv_Bild_183-R82532%2C_Berlin%2C_Olympia-Stadion_%28Luftaufnahme%29.jpg/250px-Bundesarchiv_Bild_183-R82532%2C_Berlin%2C_Olympia-Stadion_%28Luftaufnahme%29.jpg)
![](http://upload.wikimedia.org/wikipedia/commons/thumb/4/4c/Bundesarchiv_B_145_Bild-P017239%2C_Berlin%2C_Olympiastadion_bei_Nacht.jpg/250px-Bundesarchiv_B_145_Bild-P017239%2C_Berlin%2C_Olympiastadion_bei_Nacht.jpg)
Los Xuegos Olímpicos de Berlín 1936, oficialmente conocíos como los Xuegos de la XI Olimpiada, lleváronse a cabu en Berlín, Alemaña, ente'l 1 y el 16 d'agostu de 1936, mientres el periodu del Tercer Reich. Participaron 3.963 deportistes (3.632 homes y 331 muyeres) de 49 países, que compitieron en 19 deportes y 129 especialidaes.[1] El deportista más destacáu foi l'atleta d'Estaos Xuníos d'América Jesse Owens.
Aspeutos políticos
[editar | editar la fonte]La ciudá de Berlín foi escoyida como sede en 1931, más d'un añu enantes del nomamientu d'Adolf Hitler como Canciller d'Alemaña. Rescampla la primer intención de boicó a los xuegos per parte del equipu de los Estaos Xuníos, pero finalmente optaron por participar. Hitler aprovechó la instancia deportiva pa demostrar al mundu la "magnificencia" del nazismu y encargó un ellaboráu programa d'espardimientu al ministru de propaganda Joseph Goebbels, quien de la mesma encargó la puesta n'escena a Albert Speer y la supervisión y filmación a la fotógrafa Leni Riefenstahl.[2] El 1 d'agostu, mientres la inauguración de los Xuegos Olímpicos de Berlín, como una muestra del grandor del poderíu alemán, el célebre dirixible Hindenburg sobrevoló l'estadiu olímpicu momentos antes de l'apaición de Hitler.
España boicotió estos Xuegos y nun participó. Entamara como alternativa la Olimpiada Popular en Barcelona, pero foi suspendida por empezar la Guerra Civil el día enantes de la inauguración d'estos xuegos.
Controversies
[editar | editar la fonte]Esisten delles controversies bien estendíos sobre los Xuegos Olímpicos de Berlín. Una d'elles afirma qu'Adolf Hitler, utilizó los xuegos pa demostrar les sos teoríes sobre la presunta superioridá racial aria.
Otra refierse a unu de los atletes más populares de los xuegos que foi Jesse Owens, ganador de les pruebes de 100m, 200m, 4×100m y saltu de llonxitú. Nesti mitu afírmase que Hitler refugó dar la mano a Owens. La verdá ye que Hitler solo felicitó personalmente a los dos primeros ganadores de los xuegos, y nun repitió les felicitaciones con naide más. El mesmu Jesse Owens afirma nes sos memories que recibió una felicitación oficial por escritu del gobiernu alemán, y que sicasí'l presidente Franklin Delano Roosevelt nun convidó al atleta a les celebraciones na Casa Blanca, yá que taba somorguiáu nes eleiciones y precisaba el votu del sur d'Estaos Xuníos fuertemente racista.
![](http://upload.wikimedia.org/wikipedia/commons/thumb/2/29/Berlin36-2.jpg/200px-Berlin36-2.jpg)
Otra lleenda urbana ye que los xuegos fueron un momentu d'humildación pal réxime nazi porque dellos atletes negros consiguieron un gran númberu de medayes. En realidá, la competencia nun constituyó una humildación pa l'Alemaña Nazi, una y bones el país anfitrión llogró recoyer más medayes que los #demás países y Hitler amosóse satisfechu cola resultancia.[3]
Tamién asocedió que l'atleta alemana Gretel Bergmann, a pesar d'igualar un récor nacional en saltu d'altor un mes antes de los xuegos, foi escluyida del equipu alemán por ser xudía.[4]
Antorcha olímpica
[editar | editar la fonte]Esta olimpiada marcó la primer vegada qu'había un viaxe de relevos pa traer el fueu olímpicu al sitiu de los xuegos. La idea provieno de Carl Diem (xefe del comité organizador) creyendo que los antiguos griegos yeren antecesores arios de l'Alemaña nazi.
Del 20 de xunetu al 1° d'agostu, 3422 relevistas llevaron l'antorcha olímpica nun percorríu de 3422 quilómetros que la so ruta foi (a les traces) asina:
- Grecia: Olimpia, Atenes, Tesalónica.
- Bulgaria: Sofía
- Yugoslavia: Belgráu
- Hungría: Budapest
- Austria: Viena
- Checoslovaquia: Praga
- Alemaña: Dresden, Berlín.
Un relevu secundariu llevó la llapada olímpica hasta Kiel.[5]
Deportes
[editar | editar la fonte]![]() |
Deportes nos Xuegos Olímpicos de Berlín 1936 |
Atletismu | Baloncestu | Balonmano a once | Boxéu | Ciclismu | Equitación | Remane | Fútbol | Ximnasia | Halterofilia | Ḥoquei | Llucha | Natación | Pentatlón modernu | Piragüismu | Polu | Remu | Saltos de natación | Tiru | Vela | Waterpolu |
Países participantes
[editar | editar la fonte]![](http://upload.wikimedia.org/wikipedia/commons/thumb/b/b0/1936_Summer_Olympics_countries.png/240px-1936_Summer_Olympics_countries.png)
Los siguientes países participaron nos xuegos:
Afganistán, Alemaña, Arxentina, Australia, Austria, Bélxica, Bermudes, Bolivia, Brasil, Bulgaria, Canadá, Checoslovaquia, Chile, China, Colombia, Costa Rica, Dinamarca, Exiptu, Estaos Xuníos, Estonia, Filipines, Finlandia, Francia, Grecia, Hungría, Islandia, India, Italia, Xapón, Letonia, Liechtenstein, Luxemburgu, Malta, Méxicu, Mónacu, Noruega, Nueva Zelanda, Países Baxos, Perú, Polonia, Portugal, Reinu Xuníu, Rumanía, Sudáfrica, Suecia, Suiza, Turquía, Uruguái y Yugoslavia.
España nun participó yá que'l gobiernu de la Segunda República Española taba entamando en Barcelona unes Olimpiaes paraleles col fin de nun dar ales al fascismu y boicotiar a l'Alemaña de Hitler. Nesta Olimpiada Popular diben participar más atletes que nes oficiales pero nunca se llegaron a celebrar porque'l día antes del so empiezu, el 18 de xunetu de 1936 realizóse'l golpe d'Estáu del bandu nacional sobre la República.
Referencies
[editar | editar la fonte]- ↑ «Factsheet: The Games of the Olympiad» (inglés). Comité Olímpicu Internacional (ochobre de 2013). Consultáu'l 23 de payares de 2013.
- ↑ «La musa del nazismo» (castellanu). Deutsche Welle 10.09.2003. Consultáu'l 20 d'avientu de 2007.
- ↑ «Adolf Hitler, Jesse Owens and the Olympics Myth of 1936» (inglés). History News Network 13.02.2002. Consultáu'l 20 d'avientu de 2007.
- ↑ Sandomir, Richard (7 de xunetu de 2004). «TV SPORTS; 'Hitler's Pawn' on HBO: An Olympic Betrayal» (inglés). Nueva York: The New York Times Company. Consultáu'l 23 d'abril de 2012.
- ↑ «Olympic Games Torch Relay 1936 Berlin» (inglés). Berlín: Olympic Museum. Archiváu dende l'orixinal, el 2012-03-29. Consultáu'l 5 d'abril de 2012.
Enllaces esternos
[editar | editar la fonte]- Berlín 1936 na páxina oficial del Comité Olímpicu Internacional (n'inglés).
- Xuegos Olímpicos. Berlin 1936 (Notinat)
- Film de promoción de los Xuegos en 1936
- United States Holocaust Memorial Museum — Online Exhibition: Nazi Olympics: Berlin 1936
- United States Holocaust Memorial Museum — Library Bibliography: 1936 Olympics
Predecesor:![]() |
XI Xuegos Olímpicos de branu![]() |
Socesor:![]() Non celebraos |