Tigranocerta

Tigranocerta
Alministración
Ashkharh (en)	Aghdznik (en)
Tipu d'entidá	ciudá antigua
Xeografía
Coordenaes	38°08′32″N 41°00′05″E
Tigranocerta Tigranocerta (Turquía)
Más información
Fundación	78 edC

Tigranocerta (n'armeniu, Տիգրանակերտ, treslliteráu como "Tigranakert" o tamién "Dikranagerd" n'armeniu occidental; Tigranocerta ye la forma llatina) yera una ciudá que posiblemente s'atopaba cerca de l'actual Silvan (Turquía), al este de Diyarbakır. Foi fundada pol emperador armeniu Tigranes el Grande nel sieglu primeru e.d.C. Tigranocerta foi fundada como capital del Imperiu armeniu con vistes a qu'ocupara una posición central al empar que la estensión del imperiu diba aumentando. Foi una de les cuatro ciudaes d'Armenia que tomaron el nome de Tigranocerta.

Tigranes espulsó a munchos habitantes de los sos llares p'aumentar la población de la ciudá. Naquel tiempu Armenia estendiérase hasta'l Mar Caspiu pel este, escontra Capadocia central pel oeste, y escontra Xudea pel sur, llegando a rexones tan alloñaes como'l llugar nel que na actualidá s'atopa'l Krak des Chevaliers. Un exércitu romanu empobináu por Luciu Liciniu Lúculu ganó a Tigranes na batalla de Tigranocerta nes proximidaes de la ciudá nel añu 69 enantes de nuesa yera, dempués d'ello saquió la ciudá unviando a los sos habitantes de vuelta a los sos llugares d'orixe. Mientres les conquistes orientales de Pompeyu'l Grande, Tigranocerta foi prindada de nuevu anque por poco tiempu por Roma, que la volvió a perder cuando foi devuelta a Tigranes el Grande en cuenta de una indemnización de 6.000 talentos. Roma volvió tomar la ciudá cuando Corbulón, mandáu a la cabeza d'una lexón romana, ganó a Tiridates mientres la rebelión armenia del añu 64 d.C. Mientres el periodu otomanu, los armenios que vivíen en Diyarbekir denomaben a la so ciudá "Dikranagerd" y el xentiliciu qu'usaben pa sigo mesmos yera "Dikranagerdtsi". En realidá entá s'alderica l'allugamientu de l'antigua Tigranocerta, pero nun ye probable que tuviera en Diyarbekir, una ciudá que na Antigüedá foi conocida como Amida.

Historia

Los mercaos de la ciudá enllenáronse de mercaderes de tol mundu antiguu que trataben colos sos productos. Tigranocerta convirtióse llueu nun importante centru comercial y cultural del Oriente Próximu. L'emperador fixo construyir un teatru nel qu'actores tanto griegos como armenios representaben traxedies y comedies. La cultura helenística mientres la Dinastía Artáxida exerció una fuerte influencia na ciudá, el griegu yera la llingua oficial de facto na ciudá. Tigranes estremó la Gran Armenia, nucleu del Imperiu, en cuatro rexones o virreinatos principales, en función de criterios estratéxicos. Tres el saquéu, nel que se destruyeron estatues y templos, la ciudá foi afarada. Una importante cantidá d'oru y plata foi conducida a Roma como botín de guerra. Lúculu tomó la mayor parte de los metales preciosos de les estatues fundíes, lo mesmo que de vasos, copes y otros bienes de valor. Mientres, el pillaxe la mayoría de los habitantes fuxó de la ciudá. Tamién el teatru foi campera de les llapaes. La ciudá nunca se recuperó de la devastación.

Enllaces esternos

• Ancient and premodern Armenia.
• "Armenia's 12 Capital Cities" Exhibition Opened in Paris.

• Datos: Q720583