The Accidental Tourist

The Accidental Tourist
Datos
Títulu orixinal	The Accidental Tourist (en)
Xéneru	cine románticu, cine dramáticu y película basada nuna obra lliteraria
País d'orixe	Estaos Xuníos
Estrenu	1988 25 mayu 1989 (Alemaña)
Idioma orixinal	inglés
Duración	121 min
Llugar de la narración	París
Rodaxe	París y Baltimore
Color	en color
Ficha téunica
Direición	Lawrence Kasdan
Guión	Frank Galati Lawrence Kasdan
Música	John Williams
Fotografía	John Bailey
Edición	Carol Littleton
Repartu	William Hurt, Kathleen Turner, Geena Davis, Amy Wright, Bill Pullman, David Ogden Stiers, Ed Begley Jr. (es) , Robert Hy Gorman, Jake Kasdan, Jon Kasdan, Walter Sparrow, Peggy Converse (en) y Paul Williamson
Ver llista completa
Compañíes
Productora	Warner Bros. y Warner Bros. Pictures (en)
Distribuidora	Warner Bros. y Netflix
Premios y nominaciones
Premios	ver Óscar a la meyor actriz de repartu (1987)
Nominaciones	ver Óscar a la meyor película (1989) Óscar a la meyor actriz de repartu (1989) Óscar al meyor guión adautáu (1989) Óscar a la meyor banda sonora (1989)
Calificaciones
CNC	tolos públicos
FSK	FSK 12
Medierådet	apto para una audiencia general (es)
Enllaces esternos
Ficha n'IMDb
Ficha en FilmAffinity

The Accidental Tourist ye un drama de 1988 dirixida por Lawrence Kasdan. El guión ye una adautación de Kasdan y Frank Galati sobre la novela homónima d'Anne Tyler. Foi nomada a distintos premios, ente ellos cuatro nominaciones a los Oscar.

Un matrimoniu intentando superar la muerte d'un fíu nun paez ufiertar a güeyu un bon xuegu pa un guión cinematográficu, pero'l mesmu Kasdan supo cómo afaer esa hestoria pa la gran pantalla y consiguió asina unes merecíes nominaciones al guión adautáu, y la principal: la nominación a la meyor película. Anque nun consiguió nenguna d'estos dos estauínes a la qu'hai que sumar la nominación pola bellu partitura musical del escelente John Williams, foi Geena Davis, entós daquella práuticamente desconocida, quien recibió'l Óscar por unu de los sos más senciellos pero sinceros trabayos.

Argumentu

William Hurt ye un home aburríu qu'escribe guíes de viaxe pa homes de negocios, p'aquelles persones que realmente odien viaxar, pero que por motivos llaborales nun-yos queda otru remediu. Pa esos turistes, Hurt pasa la so vida visitando ciudaes, encamentando llugares por que la xente siéntase como en casa. Tou lo qu'un turista accidental precisa, ta na guíes d'esti personaxe.

Kathleen Turner ye la esposa, tamién aburrida, porque nun ye capaz de llevantar un matrimoniu que día tres día va somorguiándose nun abismu que lu dixebra del so home, porque nun ye capaz d'encarar el fechu de que'l so fíu finó, de que-y queda una vida que tien de consiguir sobrollevar. Ensin intentar pescudar cómo ta llevando'l so maríu esti duru trauma, anúncialu que decidió dixebrase d'él.

Ye a partir d'esti momentu, cuando empieza una hestoria, conmovedora, onde los sentimientos de los personaxes ocupen el papel protagonista, pos cobren una fondura casi real, afigurando les sensaciones de murnia y murria nel espectador. La apatía, la soledá, l'arrenunciu a la busca de la felicidá... esi pequeñu mundu nel que Hurt pretende vivir el restu de la so vida, va vese invadíu pola presencia d'una cacipladora adiestradora de perros. Geena Davis encarna a esti encantador personaxe, una chica totalmente opuesta a tou lo qu'arrodia a Hurt: optimista, dulce, faladora... con un calter incompatible al de Hurt, una persona senciello y humilde que va espertar nél eses ganes por siguir viviendo, el demostrase a sigo mesmu, que nun ye necesariu escaecer les males alcordances pa siguir alantre, sinón que ye posible vivir con ellos y ser feliz de nuevu.

Los singulares personaxes secundarios qu'apaecen na película, realicen un trabayu estupendu: los hermanos de Hurt, que nun saben vivir ensin la presencia de la hermana, unos neños atrapaos nel cuerpu de persones adultes con un nulu o escasu sentíu de la orientación, yá que al tar acostumaos a vivir zarraos mientres años nuna casa de la que nunca salen, nun conocen los encantos de la gran ciudá.

Bill Pullman, editor de Hurt, ye'l cobarde mozu que se namora de la hermana d'ésti. Tamién cabe facer mención al perru, esti pequeñu animal que va ser el desencadenante de que les vides de los protagonistes xúnanse. Hurt va vese somorguiáu nuna difícil dulda. Él nun ye un home que sepa tomar decisiones y plantégase-y un importante retu, del que va depender el so destín: volver cola so esposa ya intentar encarar los sos mieos y esmoliciones, procurando ser los dos más comprensivos y comunicativos, o per otra parte, enfusase nesti nuevu mundu qu'hasta agora desconocía, y que una probe moza de los barrios baxos, amosólu.

Enllaces esternos

• Un psicoanalista nel cine - Comentarios sobre la película

• Datos: Q248289