Terremotu de Tangshan de 1976
| Terremotu de Tangshan de 1976 | |
|---|---|
 | |
| Xeneral | |
| Tipu | terremotu |
| País | República Popular China |
| Sede | Tangshan |
| Fecha | 28 de xunetu de 1976[1] |
| Coordenaes | 39°39′50″N 118°24′04″E / 39.664°N 118.401°E |
  Terremotu de Tangshan de 1976 Terremotu de Tangshan de 1976 (República Popular China) | |
 | |
| Otros datos | |
| Magnitú na escla Richter | 7,4 |
 | |
El terremotu de Tangshan de 1976 tuvo llugar na ciudá de Tangshan, China, el 28 de xunetu de 1976 y tuvo una magnitú de 7.5 graos na escala de Richter. Foi'l más grave terremotu que tuvo'l mundu modernu en rellación de vides perdíes, matando (según datos oficiales) 242 419 persones, pero delles fontes non oficiales indiquen que la cifra podría ser hasta tres veces mayor.
El terremotu principal asocedió a les 3:52 hores de la mañana y munches de les persones que sobrevirían a ésti fueron preses de los edificios que nun aguantaron al segundu terremotu qu'asocedió 15 hores dempués y tuvo una magnitú de 7,1, siguíu de munchos retruques de magnitú 5,0 y 5,5. Munches persones afirmaron ver lluces estrañes la nueche anterior al terremotu que fueron conocíes como les lluces del terremotu.
El 78% de los edificios industriales, el 93% de los edificios residenciales, el 80% de les estaciones de bombéu d'agua y 14 llinies d'alcantarelláu fueron destruyíes o gravemente estropiaes. Les ondes sísmiques llegaron a algamar a construcciones que s'atopaben a 140 km del epicentru.
El Terremotu de Tangshan foi'l segundu más mortíferu rexistráu en tola historia. El primeru, asocedió nel añu 1556 en Shanxi, tamién en China, onde fueron rexistraos más de 830 000 muertos.
Nel añu 2010 el direutor de cine Feng Xiaogang realizó a manera d'homenaxe a les víctimes de la catástrofe, la película Aftershock (Tangshan Dadizheng).
Ver tamién
[editar | editar la fonte]Referencies
[editar | editar la fonte]- ↑ Afirmao en: The Rise of Modern China (6ª edición). Capítulo: 32. Páxina: 766. Editorial: Oxford University Press. Llingua de la obra o nome: inglés. Data d'espublización: 2000. Autor: Immanuel C.Y. Hsü.
Enllaces esternos
[editar | editar la fonte]| Control d'autoridaes |
|
|---|
Datos: Q462195
Multimedia: 1976 Tangshan earthquake