Segunda Guerra Mundial
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Segunda Guerra Mundial | ||
---|---|---|
![]() | ||
Fecha | 1r setiembre 1939 → 2 setiembre 1945[1] | |
Llugar |
Rusia, Europa, África, Océanu Pacíficu, mar Mediterraneu, Asia, Océanu Atlánticu, Oriente Mediu, Sureste Asiáticu, Escandinavia, Guerra del Pacíficu, Batalla del Atlánticu, Océanu Índicu, Asia Meridional, Asia del Norte (es) ![]() | |
[editar datos en Wikidata] |
La Segunda Guerra Mundial foi una guerra que tuvo llugar nel sieglu XX ente los años 1939 y 1945 y na que participó un gran númberu de países. Foi la mas cruenta y destructiva guerra hasta güei, onde morrieron mas de 50 millones de persones.
Les causes
[editar | editar la fonte]El desenrollu de polítiques totalitaries n'Italia y Alemaña constituyeron una amenaza constante n'Europa. La política non intervencionista de los Estaos Xuníos, dexó a les grandes potencies europees como los únicos alversarios escontra estos países totalitarios. La incompetencia de la Sociedá de Naciones pa resolver los problemes desencadenó que los estaos practicasen sistemes d'aliances y una carrera de rearme.
Los bloques
[editar | editar la fonte]- L'exe
- En 1937 Mussolini y Hitler firmaron un pactu defensivu, qu'en 1939 tresformóse nel pactu d'aceru, xuniéndose-yos poco dempués Xapón.
- Los Aliaos
- El bloque aliáu taba formáu d'aniciu por Gran Bretaña y Francia, xuniéndose-yos dempués la Xunión Soviética y los Estaos Xuníos. Anque estos países foron los principales países implicaos na guerra, munchos otros viéronse involucraos, yá fora voluntariamente o por mor d'invasiones.
- Países neutrales
- N'Europa seis países caltuviéronse oficialmente neutrales: España, Irlanda, Portugal, Suiza, Suecia y Turquía.
El desarrollu de la guerra
[editar | editar la fonte]![](http://upload.wikimedia.org/wikipedia/commons/thumb/d/d2/Yalta_summit_1945_with_Churchill%2C_Roosevelt%2C_Stalin.jpg/200px-Yalta_summit_1945_with_Churchill%2C_Roosevelt%2C_Stalin.jpg)
![](http://upload.wikimedia.org/wikipedia/commons/thumb/e/e2/News._V.E._Day_BAnQ_P48S1P12270.jpg/200px-News._V.E._Day_BAnQ_P48S1P12270.jpg)
El 1 de setiembre de 1939 Alemaña invadió Polonia achaplando l'exercitu polacu en 18 díes. Polonia foi repartida ente Alemaña y la Xunión Soviética.
La nueva táctica alemana conoceráse a partir d'aquella como "guerra rellampu". Taba basada na rapidez y eficacia del exércitu, dotáu d'armamentu de gran calidá y cantidá, asina como un númberu importante de tropes acorazaes (les divisiones Panzer). N'abril de 1940 Alemaña invadió Noruega y Dinamarca y en mayu Holanda, Bélxica, y Luxemburgu, siendo esto clave na invasión de Francia. La invasión de Francia fízose peles Ardenes belgas evitando asina la llinia Maginot principal defensa de los franceses. Esto obligó a los ingleses a embarcase en Dunquerke. El 14 de xunu los alemanes tomen París, llevando a Henri Pétain a solicitar un armisticiu, el cual significó la dixebración de Francia en dos zones, la Francia ocupada y la Francia llibre, con capital en Vichy. En Gran Bretaña Charles de Gaulle creó'l movimientu de resistencia Francesa.
Tres cayer Francia, Gran Bretaña quedose sola na llucha escontra Alemaña. Hitler intentó l'aniquilación inglesa al traviés de la Lufwaffe na batalla d'Inglaterra (agostu - ochobre de 1940). La violenta ofensiva aérea foi repelida peles fuercies aérees ingleses. Ante esti fracasu Hitler optó por bloquiar la islla colos famosos U-Boot (somarínos), tando a puntu d'algamalo, pero les nueves táctiques antisubmarines asina como los conwois ganaron la batalla nel Atlánticu. Italia entró en guerra en xunu de 1940, del llau Alemán. N'ochobre de 1940 invadió Grecia siendo derrotá. Los alemanes tuvieron que dir a socorrer al so aliáu invadiendo ellos con ésitu Grecia y Yugoslavia. Nel norte d'África los ingleses vencieron a los italianos en Libia, y en 1941 espulsáronlos d'Eritrea, Somalia y Abisinia. De nuevu Alemaña viose obligá a mandar refuerzos n'ayuda de los italianos, mandando al norte d'África a tropes esperimentaes en combate nel desiertu, el nomáu Africa Korps, al mandu del xeneral Erwin Rommel, entrando en marzu de 1941 victoriosos n'Exiptu y recuperando'l dominiu del norte d'África.
El 22 de xunu de 1941, los alemanes abren el frente oriental invadiendo la XRSS, rompiendo asina el pactu de non agresión firmáu en 1939. En cinco meses llegaron a 30 km de Moscú, pero'l duru iviernu rusu y les tropes de refuerzu llegaes de Siberia, acabaron coles tropes alemanes fracasando por primer vegada la táctica de "guerra relampagu" que tantos esitos-yos diera nel pasáu. A partir d'equí palantre la balanza entamó a empinase del llau de los Aliaos.
El 7 d'avientu de 1941, los xaponeses lanzaron el ataque escontra Pearl Harbour, con graves daños pa la flota de los Estaos Xuníos, obligando a estos a entrar en guerra. En 1942 les fuercies caltuviéronse estabilizaes, siendo nel fin d'esti añu cuando entamaron a llegar les victories aliaes.
Na batalla naval de Midway (4 - 7 de xunu de 1942) la flota xaponesa foi derrotada pela de los Estaos Xuníos siendo casique aniquilada. El 7 d'agostu los marines americanos desembarcaron en Guadalcanal, entamando una de les batalles mas cruentes de la guerra y que supunxo'l fin del avance xaponés nel Pacíficu.
N'ochobre de 1942 les tropes ingleses de Bernard Montgomery derrotaron a les alemanes de Rommel n'El Alamein.
El desembarcu de tropes ingleses y americanes n'Arxelia y Marruecos obligó a les fuercies del exe a retroceder hacia Tunicia, onde se rindieron.
Nel frente oriental foi decisiva la batalla de Stalingráu (setiembre de 1942 - febreru de 1943). El exércitu alemán foi sorprendíu pel iviernu, l'aviación y los tanques rusos al intentar cercar la ciudá. Les tropes alemanes sobrevivientes y les ruses, enfrentáronse nun combate practicamente cuerpu a cuerpu na ciudá, siendo la victoria pa estos últimos.
La contraofensiva soviética continuó. Los alemanes atacaron nun intentu de frenar a los rusos en Kursk y Orel, pero salieron de nuevu derrotaos. Estes victories resultaron decisives na guerra. L'avance rusu llogró ocupar Kiev, Leningráu, y Crimea en xunetu de 1944, llegando a Varsovia, onde foron frenaos pelos alemanes.
![](http://upload.wikimedia.org/wikipedia/commons/thumb/e/e0/Nagasakibomb.jpg/220px-Nagasakibomb.jpg)
A partir de 1945 los rusos entamaron la ofensiva final, tomando Hungría, Polonia, y Prusia, facilitando asina la ocupación d'Alemaña polos aliaos.
Nel frente occidental el desembarcu de Normandía nel ''dia D'' (6 de xunu de 1944) dirixíu pol xeneral Dwight Eisenhower foi un duru golpe pa los alemanes, viéndose desbordiaos al abrise un nuevu frente.
A mediaos de setiembre Francia, Bélxica, y Luxemburgu foron lliberaes, siguiendo l'avance hacia Berlín. Los aliaos cruzaron el Rin en marzu de 1945 entrando n'Alemaña. El 16 d'abril ocuparon Nuremberg, el 20 Munich y el 25 sitiaron Berlín. El 30 d'abril Hitler suicídase nel so rufuxu. El 2 de mayu Alemaña capitula y l'armisticiu foi firmáu l'8 de mayu en Berlín. La guerra n'Europa finara.
Nel Pacificu continuó la guerra. Les tropes de los Estaos Xuníos desembarcaron en Luzón, Mindanao, y Corregidor, y lliberaron les Filipines. Los soviéticos ocuparon Manchuria, y los australianos Bornéu.
A pesar de los terribles bombardeos sobre l'archipielagu, Xapón negábase a abandonar les armes, polo que'l gobiernu de los Estaos Xuníos decidió utilizar bombes atómiques escontra ellos.
El 6 d'agostu cai la primer bomba n'Hirosima y el 9 d'agostu la de Nagasaki. Xapón ríndese'l 14 d'agostu y la capitulacion firmóse'l 2 de setiembre a bordu del acorazáu Missouri.
Resoluciones
[editar | editar la fonte]Tres la conferencia de paz celebrada en París los alcuerdos foron los que siguen:
- Alemaña queda dixebrada en cuatro zones: l'oeste pa Francia, Gran Bretaña y los Estaos Xuníos y l'este pa la Xunión Soviética.
- Italia da dos tercios de la península de Istria a Yugoslavia, les islles de Dodecanesu a Grecia y renuncia a les sos colonies de Libia, Eritrea y Somalia.
- Albania algama la independencia.
- Austria queda dixebrada en cuatro hasta l'añu 1955 onde algama la independencia.
- Créase la ONX como un muérganu independiente y competente de los problemes mundiales.
Referencies
[editar | editar la fonte]- ↑ Afirmao en: The Rise of Modern China (6ª edición). Capítulo: 24. Páxina: 610. Editorial: Oxford University Press. Llingua de la obra o nome: inglés. Data d'espublización: 2000. Autor: Immanuel C.Y. Hsü.