Reserva natural integral del Monte Nimba
| Patrimoniu de la Humanidá — UNESCO | |
|---|---|
 Chimpancé na reserva del Monte Nimba. | |
| Llugar |
 Costa de Marfil Guinea |
| Criterios | Natural: ii, iv |
| Referencia | 155 |
| Inscripción | 1981 (V Sesión) |
| Estensiones | 1982 |
| En peligru | dende 1992 |
| Área | África |
 | |
El Monte Nimba, alcontráu na frontera ente Guinea, Liberia y Costa de Marfil, con una altitú de 1752 m, ta cubiertu por mestos montes, cuenta nes sos fasteres camperes de monte. Estos hábitat son especialmente ricos en flora y fauna, con delles especies reinales, como'l sapu vivíparu y el chimpancés qu'usen piedres como preseos.
La Reserva Natural Integral del Monte Nimba foi declarada en 1943 en Costa de Marfil y en 1944 en Guinea. El sector guineanu foi internacionalmente reconocíu como Reserva de la Biosfera en 1980 y, en 1981, foi inscritu pola Unesco na llista de los llugares que son Patrimoniu de la Humanidá; el sitiu foi ampliáu en 1982 pa incluyir el sector costamarfiliegu. Allegante a estes reserves, ta la de Liberia que foi propuesta pa ser igualmente incluyida.
La Reserva de la Naturaleza del llau guineanu tien 13 mil hectárees, en cuantes que'l llau costamarfiliegu tien 5 mil hectárees. La Reserva de la Biosfera (Guinea) tien 17 mil hectárees.
La Reserva foi inscrita en 1992 na Patrimoniu de la Humanidá en peligru Llista del Patrimoniu Mundial en Peligru como resultáu de dos factores: la propuesta de concesión d'una mina de fierro a un consorciu internacional[1] y la instalación d'un gran númberu de refuxaos na parte guineana del monte.[2] A pesar de que'l gobiernu de Guinea creó un "Centru de Xestión Ambiental del Monte Nimba" y de redefinir les llendes de la zona, en 1999 siguía entá en marcha'l proyeutu de mina, fora de la rexón protexida. Asegurando, tanto'l gobiernu, como los inversores, a la comunidá internacional de que van faer tolos esfuercios pa manter la integridá ecolóxica del llugar.
Ver tamién
[editar | editar la fonte]Referencies
[editar | editar la fonte]- ↑ Mining company threatens West African refuge. 30 de payares de 1991: newscientist.com
- ↑ Guinean forests of West Africa, biodiversityscience.org
Enllaces esternos
[editar | editar la fonte]- Protected Areas Programme - Reserva Integral de la Naturaleza del Monte NimbaArchiváu 1997-07-10 en Wayback Machine
- UNESCO Hombre y Biosfera - Reserva de la Biosfera del Monte Nimba
| Control d'autoridaes |
|
|---|
Datos: Q924276
Multimedia: Mount Nimba Strict Nature Reserve
- Wikipedia:Revisar traducción
- Reserves de la biosfera de Guinea
- Patrimoniu de la Humanidá en Costa de Marfil
- Patrimoniu de la Humanidá en Guinea
- Patrimoniu de la Humanidá en peligru
- Parques nacionales de Costa de Marfil
- Parques nacionales de Guinea
- Parques nacionales de Liberia
- Árees protexíes establecíes en 1943
- Costa de Marfil en 1943
- Árees protexíes establecíes en 1944
- Guinea en 1944