Musca
La Mosca Musca | ||
---|---|---|
![]() Carta celeste de la constelación de la Mosca na qu'apaecen les sos principales estrelles. | ||
Nomenclatura | ||
Nome n'asturianu | La Mosca | |
Nome en llatín | Musca | |
Xenitivu | Muscae | |
Abreviatura | Mus | |
Descripción | ||
Introducida por |
Pieter Dirkszoon Keyser y Frederick de Houtman | |
Superficie |
138,4 graos cuadraos 0,335 % (posición 77) | |
Ascensión reuta |
Ente 11 h 19,43 m y 13 h 51,13 m | |
Declinación | Ente -75,68° y -64,64° | |
Visibilidá |
Completa: Ente 90° S y 14° N Parcial: Ente 14° N y 25° N | |
Númberu d'estrelles | 62 (mv < 6,5) | |
Estrella más brillante | Alfa Muscae (mv 2,69) | |
Oxetos Messier | Nengunu | |
Oxetos NGC | 6 | |
Oxetos Caldwell | 2 | |
Lluvies de meteoros | Nenguna | |
Constelaciones colindantes | 5 constelaciones | |
Meyor mes pa ver la constelación Hora llocal: 21:00 | ||
Mes | Mayu | |
[editar datos en Wikidata] |
Musca («Mosca» en llatín) ye una de les constelaciones menores del sur. La constelación creada por Pieter Dirkszoon Keyser y Frederick de Houtman ente 1595 y 1597, y apaeció per primer vegada nel llibru Uranumetria de Johann Bayer de 1603.
Historia
[editar | editar la fonte]Nel sieglu XVII, Johann Bayer introduz la constelación de Apis (abeya) pa cubrir una área del polu sur celeste hasta entós non cartografiada. Dada la so tardida introducción escarez de base mitolóxica. En 1752, Nicolas Louis de Lacaille camuda'l nome de Apis a Musca Australis (Mosca Austral) que yera la contrapartida de la sumida constellación de Musca Borealis (Mosca Boreal), que componíase d'unes poques estrelles na constelación d'Aries. Anguaño, esta constelación conozse a cencielles como Musca.[1]
Carauterístiques destacables
[editar | editar la fonte]Alfa Muscae, la principal estrella, ye una variable Beta Cephei con una variación de rellumu de 0,05 magnitúes al respective de la so magnitú media (2,69). Otru oxetu d'interés na constelación ye Gliese 440, la cuarta nana blanca más cercana al Sistema Solar, asitiada a 15 años lluz de distancia.
Musca contién el transiente de rayos X blandios Nova Muscae 1991, un sistema binariu formáu por una estrella y un furacu negru. Mientres la esplosión de 1991, que dio llugar al so descubrimientu, detectóse radiación producida por aniquilación positrónica.
Estrelles
[editar | editar la fonte]Estrelles principales
[editar | editar la fonte]- α Muscae, la estrella más brillosa de la constelación con magnitú 2,69 tien color blancu-azuláu y ye una variable Beta Cephei.
- β Muscae, estrella binaria de magnitú 3,04 formada por dos componentes blancu-azulaes con un periodu orbital de 383 años.
- γ Muscae, estrella blancu-azulada de magnitú 3,84.
- δ Muscae, estrella xigante naranxa de magnitú 3,61 a 91 años lluz de la Tierra.
- ε Muscae, xigante colorada y variable semirregular que'l so rellumu bazcuya ente magnitú 3,99 y 4,31.
- λ Muscae, estrella binaria que les sos componentes, separaes 36 segundos d'arcu, tienen magnitúes 3,63 y 12,8.
Otres estrelles con denominación de Bayer
[editar | editar la fonte]Otres estrelles
[editar | editar la fonte]- R Muscae, variable cefeida que'l so rellumu varia ente magnitú 5,93 y 6,73 nun periodu de 7,51 díes.
- S Muscae, tamién variable cefeida con rellumu variable ente 5,89 y 6,49 nun periodu de 9,66 díes.
- EZ Muscae, variable Alfa2 Canum Venaticorum de magnitú 6,19.
- HD 111232, nana mariella con un planeta estrasolar.
- HD 115226, estrella Ap de rápides oscilaciones (roAp) con una de les mayores amplitúes conocíes ente les estrelles d'esti tipu.
- HD 115585, estrella mariella de magnitú 7,42 d'elevada metalicidá.
- Gliese 440 (LHS 43), nana blanca asitiada a 15 años lluz del Sistema Solar.
Oxetos de cielu fondu
[editar | editar la fonte]![](http://upload.wikimedia.org/wikipedia/commons/thumb/3/34/MyCn18-crop.png/220px-MyCn18-crop.png)
- NGC 5189, nebulosa planetaria con una estraña forma en "S".
- Nebulosa Reloj de Sable (MyCn 18), nebulosa planetaria distante 8000 años lluz del Sistema Solar.
- Cúmulos globulares NGC 4372 y NGC 4833.
Referencies
[editar | editar la fonte]- ↑ Shane Horvatin. «Obsolete Constellations: Apis» (inglés). Archiváu dende l'orixinal, el 2017-05-03. Consultáu'l 9 de payares de 2007.
Enllaces esternos
[editar | editar la fonte]
Wikimedia Commons tien conteníu multimedia tocante a Musca.