Moyuela
![]() | |||||
---|---|---|---|---|---|
| |||||
| |||||
Alministración | |||||
País | ![]() | ||||
Autonomía | ![]() | ||||
Provincia | ![]() | ||||
Tipu d'entidá | conceyu d'Aragón | ||||
Alcalde de Moyuela (es) ![]() | José Antonio Crespo Martínez | ||||
Nome oficial | Moyuela (es)[1] | ||||
Códigu postal |
50143 | ||||
Xeografía | |||||
Coordenaes | 41°07′56″N 0°55′29″W / 41.1321°N 0.9247°O | ||||
Superficie | 42.759593 km² | ||||
Altitú | 750 m | ||||
Llenda con | Azuara, Moneva, Blesa, Plenes, Loscos y Villar de los Navarros | ||||
Demografía | |||||
Población |
241 hab. (2023) - 156 homes (2019) - 124 muyeres (2019) | ||||
Porcentaxe |
0.02% de provincia de Zaragoza 0% de Aragón 0% de España | ||||
Densidá | 5,64 hab/km² | ||||
Más información | |||||
Estaya horaria | UTC+01:00 | ||||
moyuela.com | |||||
![]() |
Moyuela ye un conceyu d'España, na provincia de Zaragoza, Comunidá Autónoma d'Aragón. Pol so cascu urbanu escurre'l Ríu Moyuela.
Ye un pueblu sele asitiáu a unos 75 km de Zaragoza, y enmárcase dientro de la Contorna Campu de Belchite. La situación xeográfica na que s'atopa'l pueblu fai que'l terrén sía un pocu grebu polo que predomina'l cultivu de secanu, sobremanera de la vide y la cebera.
L'actividá llaboral que predomina nesti conceyu ye l'agricultura y la ganadería, dambes dos tamién practicaes en tola contorna.
Anguaño viven pocos vecinos en Moyuela, pero en feches de les fiestes patronales (nel mes d'agostu) el pueblu enllenar de xente y de un ambiente prestoso pa toos.
Demografía
[editar | editar la fonte]Como en toos medios rurales la población va escayendo a lo llargo de los años por diversu factores.
En Moyuela puede reparase que dende 1991 foi baxando considerablemente hasta llegar a los 280 habitantes en 2015.
1991 | 1996 | 2000 | 2005 | 2010 | 2015 | |||||
---|---|---|---|---|---|---|---|---|---|---|
424 | 365 | 353 | 301 | 260 | 280 |
Historia
[editar | editar la fonte]El nome del pueblu provién del árabe polo que nos llevaría al sieglu VIII, créese que Moyuela puedo ser un asentamientu de defensa.
Anque pensemos que l'orixe d'esti pueblu sía árabe atopáronse en contorna de Moyuela restos de dos poblaos ibero-romanos, asitiaos no qu'anguaño se -y llama Arbir y la Malena. Desgraciadamente estos dos poblaos nun fueron abondo estudiaos, pero créese qu'unu d'ellos subsistió hasta l'Alta Edá Media y llamábase Bernama, por onde pasaba una vía romana.
Nel sieglu XI pasa a tar en manes cristianes y foi nesi momentu cuando apaez el primer documentu onde figura'l nome de Moyuela.
Hai de solliñar que'l pernomáu Pedro Apaolaza Ramírez (Arzobispu de Zaragoza) nació en Moyuela y foi l'autor de l'ampliación d'una de les ilesies del conceyu, onde agora los sos restos fuelguen nun sepulcru.
Política llocal
[editar | editar la fonte]Últimos alcaldes de Moyuela
[editar | editar la fonte]Periodu | Alcalde | Partíu | |
---|---|---|---|
1979-1983 | Formerio Simón Lou[2] | PAR | |
1983-1987 | Santos Pina Tirado[3] | ||
1987-1991 | |||
1991-1995 | |||
1995-1999 | |||
1999-2003 | |||
2003-2007 | PAR | ||
2007-2011 | Manuel Lázaro Dueso | ||
2011-2015 | José Antonio Crespo Martínez[4] | PSOE | |
2015-2019 |
Resultaos eleutorales
[editar | editar la fonte]Partíu | 2003 | 2007 | 2011 | 2015 | ||||
PSOE | 2 | 3 | 4 | 4 | ||||
PP | - | - | 2 | 3 | ||||
PAR | 5 | 4 | 1 | |||||
Total | 7 | 7 | 7 | 7 |
Cascu urbanu
[editar | editar la fonte]El pueblu consta de numberosos llugares que pueden visitase, a pesar de ser un pueblu pequeñu.
Tien dos ilesies: la de La nuesa Señora de la Piedá onde se celebren mises que la so torre, d'estilu mudéxar, foi declarada Bien d'Interés Cultural pol Gobiernu d'Aragón en 2001, y la de San Clemente (patrón del pueblu). Tamién tien tres ermites: la ermita de San Jorge que d'antiguo yera un castiellu pero quedó derruido y llevantóse una ermita nel so llugar, la ermita de Santa María de De cullá de estilu románicu y la ermita de la Malena asitiada n'unu de los poblaos romanos.
Dientro del pueblu podemos atopar la nevería que tenía como utilidá guardar el xelu ente capes de paya (actuaben como aislante térmicu) pa utilizalo mientres l'añu. Pueden vese les cueves de Valtierra que fueron les cases de los primeros habitantes del pueblu, anguaño tán en mala traza de caltenimientu; tamién podemos ver el llavaderu públicu qu'anguaño se sigue utilizando pa llavar prendes de vistir.
Referencies
[editar | editar la fonte]- ↑ Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.
- ↑ Ministeriu de Facienda y Alministraciones Públiques (Gobiernu d'España). «Treinta aniversario de las primeras elecciones municipales de la democracia». Archiváu dende l'orixinal, el 6 de marzu de 2014. Consultáu'l 6 de marzu de 2014.
- ↑ El Gallico de Moyuela (85). Abril de 2015.
- ↑ «Alcaldes de tolos conceyos de la provincia de Zaragoza». Heraldo.es. 14 de xunu de 2015. https://www.heraldo.es/noticias/aragon/zaragoza_provincia/2015/06/14/todos_los_alcaldes_provincia_zaragoza_366885_1101025.html.
- ↑ Gobierno d'Aragón. «Archivo Eleutoral d'Aragón». Consultáu'l 18 d'ochobre de 2012.
Enllaces esternos
[editar | editar la fonte]