Lev Yashin
![](http://upload.wikimedia.org/wikipedia/commons/thumb/a/a3/RR5110-0100R.png/255px-RR5110-0100R.png)
Lev Ivanovich Yashin (21 d'ochobre de 1929, Moscú – 20 de marzu de 1990, Moscú) foi un futbolista soviéticu que xugó como guardameta. Yera conocíu popularmente como «l'araña negra» y ta consideráu como'l meyor porteru de tolos tiempos.[4][5]
Carrera
[editar | editar la fonte]Entamó la so carrera nun club de ḥoquei como porteru, pero a los 14 años tuvo que reemplazar al porteru del equipu de fútbol, dando ellí los sos primeros pasos n'esti deporte. En 1949 ingresó nel Dínamo de Moscú, club nel que desendolcó tola so carrera, ganando 5 Lligues Soviétiques y tres Copes.
Participó cola seleición de so país en tres mundiales: Suecia 1958 (cuartos de final), siendo el xugador más destacáu del so equipu, Chile 1962 (cuartos de final) ya Inglaterra 1966 (semifinales). Disputó y ganó la primer Copa Europea de Naciones (Eurocopa), en 1960. Representó a la so patria en 78 ocasiones. Foi designáu meyor futbolista européu en 1963. Retiróse a los 42 años.
Tien el récor de partíos xugaos na Lliga Soviética, con 326. Nesos 326 partíos que xugó, 270 acabó cola porteria a cero y dizse[¿quién?] que torgó 150 penaltis en toa so carrera. En 1963 recibió el Balón d'Oru, troféu col que se premia al meyor futbolista d'Europa, siendo el primer y únicu porteru hasta'l momentu que ganó esti premiu.
Clubs
[editar | editar la fonte]Club | País | Año |
---|---|---|
Dinamo Moscú | ![]() |
1947 - 1971 |
Trunfos
[editar | editar la fonte]Copes de la Xunión Soviética
[editar | editar la fonte]Títulu | Club | País | Añu |
---|---|---|---|
Copa de la XRSS | Dinamo Moscú | ![]() |
1953 |
Primera División de la XRSS | 1954 | ||
1955 | |||
1957 | |||
1959 | |||
1963 | |||
Copa de la XRSS | 1967 | ||
Copa de la XRSS | 1970 |
Distinciones individuales
[editar | editar la fonte]- Meyor porteru del sieglu xx según la IFFHS[6]
- Balón d'Oru (1963)
- Once históricu del Balón d'Oru (2020)
Referencies
[editar | editar la fonte]- ↑ 1,0 1,1 Afirmao en: Gran Enciclopedia Soviética (1969–1978). Sección, versículu o párrafu: Яшин Лев Иванович. Data de consulta: 28 setiembre 2015. Editorial: Большая Российская энциклопедия. Llingua de la obra o nome: rusu. Data d'espublización: 1969.
- ↑ Afirmao en: Enciclopedia Brockhaus. Llingua de la obra o nome: alemán.
- ↑ Identificación warheroes.ru: 9057.
- ↑ MARCA.COM, La humillación al mejor portero del mundo
- ↑ ADNRADIO.CL, Lev Yashin: El mejor portero del siglo XX
- ↑ The International Federation of Football History and Statistics (ed.): «El mejor portero mundial del siglo». Consultáu'l 14 d'avientu de 2020.
Enllaces esternos
[editar | editar la fonte]- «Lev Yashin». en Find a Grave. (n'inglés)
- Ficha de Lev Yashin na FIFA
- Lev Yashin na BDFA (castellán)
- Lev Yashin en Soccerway (n'inglés)
- Lev Yashin en Transfermarkt (n'inglés)
- Lev Yashin en National-Football-Teams (n'inglés)
- Lev Yashin en L'Équipe (en francés)