Klement Gottwald
Klement Gottwald (23 de payares de 1896, Dědice (en) – 14 de marzu de 1953, Praga) foi un destacáu políticu comunista checoslovacu, qu'a lo llargo de la so carrera ocupó los cargos Secretariu Xeneral y líder del Partíu Comunista de Checoslovaquia (1929-1953), Primer Ministru (1946-1948) y Presidente de la República (1948-1953).
Biografía
[editar | editar la fonte]Mientres la Primer Guerra Mundial Gottwald lluchó encuadráu nel Exércitu Austrohúngaru.[9]
Fundador del Partíu Comunista de Checoslovaquia (KSC) en 1921, hasta 1926 foi l'editor del so órganu Rudé právo y lliberáu n'Eslovaquia. Miembru del Comité Central dende 1925, foi Presidente de la Comisión Central Política y de Propaganda (1926-1929), diputáu (1929-1948) y Secretariu de la Internacional Comunista (1935-1943).
Mientres la ocupación nazi del país (1938-1945) se exilió na Xunión Soviética, dende onde siguió dirixendo'l Partíu. En marzu de 1945, Edvard Beneš, Presidente electu de Checoslovaquia (1935-1938) y líder del Gobiernu Checoslovacu nel Exiliu en Londres dende 1941, aportó a formar un gobiernu de coalición basáu nel Frente Nacional xunto a Gottwald. Electu miembru del primer gobiernu checoslovacu de posguerra tres les eleiciones de 1946, nes cualos los comunistes yeren el partíu más votáu, Gottwald foi nomáu Primer Ministru.[10]
El 9 de mayu de 1948, tres el Golpe de Praga de febreru d'esi añu que llevó al Partíu Comunista al poder, l'Asamblea Nacional aprobó una nueva carta magna (la Constitución del 9 de mayu). El Presidente Benes refugó roblar la nueva llexislación y dimitió el 7 de xunu (morrería tres meses dempués). El 14 de xunu, el parllamentu escoyó a Klement Gottwald como Presidente del país.[9] Lleal estalinista, dirigó les nacionalizaciones de la industria y la coleutivización de l'agricultura. Ante les primeres resistencies a la influencies del Partíu Comunista de la Xunión Soviética (PCUS) na política checoslovaca Gottwald socatró una serie de purgues, primero cesando a los dirixentes non comunistes y más tarde a importantes dirixentes del KSC como'l so Secretariu Xeneral, Rudolf Slansky, o'l Ministru d'Asuntos Esteriores, Vlado Clementis, executaos tres los Xuicios de Praga de 1951.
Gottwald finó en 1953,[11] tan solu cinco díes dempués d'asistir al funeral de Stalin en Moscú, el 9 de marzu. Morrió por cuenta de la obstrucción d'una arteria productu d'un enllargáu infartu. Foi releváu como Presidente de la República por Antonín Zápotocký, Primer Ministru dende 1948 y como líder del Partíu por Antonín Novotný. Darréu dar# en embalsamar el so cádaver y empezaron les obres p'alza-y un mausoléu nel llugar del monumentu a Jan Žižka nel distritu Žižkov de Praga. L'embalsamamientu nun dio resultancia y la momia descompúnxose, polo que foi encenráu en 1962.
Homenaxes póstumos
[editar | editar la fonte]![](http://upload.wikimedia.org/wikipedia/commons/thumb/6/6d/Bundesarchiv_Bild_183-R90009%2C_Budapest%2C_II._Weltfestspiele%2C_Festumzug%2C_tschechische_Delegation_%28cropped%29.jpg/220px-Bundesarchiv_Bild_183-R90009%2C_Budapest%2C_II._Weltfestspiele%2C_Festumzug%2C_tschechische_Delegation_%28cropped%29.jpg)
Dellos llugares fueron renombraos nel so honor: Zlín, ciudá de Moravia, foi renombrada Gottwaldov ente 1949 y 1990; Zmiiv, ciudá del Óblast de Kharkiv n'Ucraína, foi renombrada Hotvald (1976-1990); la Plaza de la Llibertá de Bratislava (capital de Eslovaquia) foi renombrada "Plaza de Gottwald". Tamién se renombró una condecoración, que pasó a llamase Orde de Klement Gottwald pola Construcción de la Patria Socialista.
Ver tamién
[editar | editar la fonte]- Historia de Checoslovaquia
- Orde de Klement Gottwald
- Partíu Comunista de Checoslovaquia
- República Socialista de Checoslovaquia
Referencies
[editar | editar la fonte]- ↑ «catálogu de la Biblioteca Nacional Checa». Consultáu'l 20 abril 2021.
- ↑ 2,0 2,1 Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Gemeinsame Normdatei. Data de consulta: 31 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: BillionGraves. BillionGraves grave ID: 16408446. Llingua de la obra o nome: inglés.
- ↑ «idRef» (francés). Agencia Bibliográfica de Enseñanza Superior. Consultáu'l 22 mayu 2020.
- ↑ «Čestná občanství a Ceny města Třebíče: Třebíč». Consultáu'l 16 abril 2023.
- ↑ URL de la referencia: https://www.valka.cz/Rad-25-unora-1949-t88194. Data de consulta: 22 payares 2020.
- ↑ URL de la referencia: https://www.plzen.eu/obcan/o-meste/informace-o-meste/oceneni-mesta/chap_342/oceneni-mesta.aspx.
- ↑ 9,0 9,1 Bernard A. Cook (2001). Europe Since 1945: An Encyclopedia, Volume 1, páx. 526
- ↑ Bernard A. Cook (2001). Europe Since 1945: An Encyclopedia, Volume 1, páx. 108
- ↑ Bernard A. Cook (2001). Europe Since 1945: An Encyclopedia, Volume 1, páx. 251
Enllaces esternos
[editar | editar la fonte]
Predecesor: Zdenek Fierlinger |
![]() 1946 - 1948 |
Socesor: Antonín Zápotocký |
Predecesor: Edvard Beneš |
![]() 1948 - 1953 |
Socesor: Antonín Zápotocký |
- Homes
- Persones nacíes en 1896
- Persones finaes en 1953
- Wikipedia:Revisar traducción
- Persones de Checoslovaquia
- Políticos y polítiques de la Segunda Guerra Mundial
- Presidentes de Checoslovaquia
- Comunistes de Chequia
- Secretarios xenerales de partíos comunistes
- Primeros ministros de Checoslovaquia
- Persones de Chequia