Joseph R. Gannascoli
Joseph R. Gannascoli | |
|---|---|
 | |
| Vida | |
| Nacimientu | Brooklyn[1], 15 de febreru de 1959[1] (65 años) |
| Nacionalidá |
 Estaos Xuníos |
| Llingua materna | inglés |
| Estudios | |
| Llingües falaes | inglés |
| Oficiu | actor, cocineru |
| IMDb | nm0304430 |
| josephrgannascoli.com | |
 | |
Joseph R. Gannascoli (15 de febreru de 1959, Brooklyn) ye un actor d'Estaos Xuníos, conocíu pola so interpretación de Vito Spatafore na serie The Sopranos.
Primeros años
[editar | editar la fonte]Gannascoli nació y creció en Brooklyn, Nueva York.[2] Asistió a la Universidá St. John's mientres dos años y especializóse en comunicación.[2][3] Esta casáu con Diana Gannascoli y tien la so propia marca de mueyu marinara. N'entrevistes describióse a sigo mesmu como "psicóticu", y de cutiu bromia alrodiu del so pesu.
Carrera
[editar | editar la fonte]Gannascoli aprendió arte culinario y abrió un restorán, el Soup As Art Restaurant en Brooklyn. Trabayó en New Orleans, Los Angeles y Nueva York.[2][3]
Como actor, trabayó en películes como Ed Wood, Blowfish, Mickey Blue Eyes y 976-Wish. En televisión, formó parte del repartu de The Sopranos en 30 capítulos.
The Sopranos
[editar | editar la fonte]Antes d'empezar la sesta temporada de The Sopranos, Gannascoli pasó a ser un miembru fixu del repartu. Antes d'interpretar al gángster Vito Spatafore per primer vegada na segunda temporada, interpretó al veceru d'una repostería llamáu Gino nel capítulu "La lleenda de Tennessee Moltisanti" de la primer temporada. Más tarde, camudó de papel y sería presentáu formalmente como'l sobrín de Richie Aprile, Vito Spatafore, nel capítulu "The Happy Wanderer" de la segunda temporada.
Nuna entrevista pa AventuraUSA.com en mayu de 2008, Gannascoli comentó que nun principiu fizo una audición pal papel de Bobby Baccalieri, pero nun lu consiguió. Esi papel sería para Steve Schirripa. Tamién dixo que foi él quien propunxo la idea d'un gángster homosexual a dos de los guionistes pa tar más arreyáu na serie.
Amás publicó una novela policiaca llamada A Meal To Die For, en parte basada na so vida.
Referencies
[editar | editar la fonte]- ↑ 1,0 1,1 «Famous Birthdays». Consultáu'l 29 agostu 2021.
- ↑ 2,0 2,1 2,2 "Sopranu’s Cast Member in Town to Promote Cigar Line and Chat About Film and Food", Chicago Press Release Services, May 11, 2010
- ↑ 3,0 3,1 Joseph Gannascoli: Biography, TMZ.com, June 7, 2011.
Enllaces esternos
[editar | editar la fonte]- Joseph R. Gannascoli na Internet Movie Database (n'inglés)
- Perfil de Gannascoli AventuraUSA.com (enllaz rotu disponible n'Internet Archive; ver l'historial y la última versión).
- Entrevista en World Talk LIVE! (n'inglés)
- Sitiu oficial
| Control d'autoridaes |
|
|---|
Datos: Q1367775
Multimedia: Joseph Gannascoli