Iván V de Rusia
Iván V de Rusia (Iván Alekséievich, rusu: Ива́н Алексе́евич) (6 de setiembre de 1666 — 29 de xineru de 1696 foi zar de Rusia xunto col so mediohermanu Pedro) los cualos gobernaron Rusia ente 1682 y 1696. Foi'l más nuevu de los fíos d'Alejo I de Rusia y María Miloslávskaya. El so reináu foi formal por cuenta de les sos incapacidaes físicu y mental.
Una socesión incierta
[editar | editar la fonte]Iván yera'l segundu fíu del zar Alejo I y de la so primer muyer María Miloslávskaya. A la muerte en 1682 del so hermanu mayor, el zar Fiódor III ensin dexar descendencia, Iván que cuntaba entós con 15 años tenía d'asocede-y nel tronu. Al ser física y mentalmente menguáu, la Duma de Boyardos decide, tres la suxerencia del Patriarca Joaquín, nomar zar al so mediohermanu Pedro de 10 años, fíu de la segunda muyer d'Alejo I.
Los mediu hermanos Iván y Pedro, frutu de dos matrimonios distintos d'Alejo I, yeren bien nuevos pa enfrentase. Entós fueron les families de la so primer muyer, María Miloslávskaya, y de la segunda, Natalia Narýshkina, les que combatieron por tolos medios p'asegurar la socesión al tronu del so propiu pariente. Jurídicamente nun podía faese nada pa llograr invalidar a Iván, yá que nun esistía una norma que torgara qu'un discapacitáu fuera zar.
Los Streltsí
[editar | editar la fonte]Alredor de 1540 la fidelidá al zar per parte de los Streltsí taba poniéndose a prueba. Ellos yeren consideraos la élite de la milicia del Zar, anque teníen fama de borrachos y susceptibles de corrupción.
Na engarradiella pola socesión, aliar con Sofía Alekséyevna Románova, hermana d'Iván y la so mayor defensora, según la más grande enemiga del so mediohermanu Pedro. Empezó, asina, una brutal y sangrienta aición de llimpieza mientres la revolución moscovita de 1682, na que cerca de 70 partidarios de la familia contraria fueron axusticiaos nun bañu de sangre.
Un compromisu pa la socesión
[editar | editar la fonte]De siguío de la revuelta de los parientes d'Iván, conducida pola so hermana, la Duma de Boyardos definió a Iván como'l Zar Mayor, a Pedro como Zar Menor y a la zarevna Sofía como Rexente. Iván y Pedro fueron coronaos coles mesmes el 25 de xunetu de 1682 na Catedral de la Dormición nel Kremlin.
Pero Iván, por causa de la so condición de salú tan deteriorada nun tuvo un rol real nel gobiernu del país.
== Matrimoniu y fíos Iván casó l'añu 1684 con Praskovia Saltykova, quien-y dio cinco fíos.
- Maria (24 de marzu de 1689 – 14 de febreru de 1692)
- Feodosia (4 de xunu de 1690 – 12 de mayu de 1691)
- Catalina Ivanovna de Rusia (24 d'ochobre de 1691 – 14 de xunu de 1733) – casada en 1716 col duque Carlos Leopoldo de Mecklemburgu-Schwerin y madre d'Ana Leopóldovna;
- Ana, futura emperatriz (28 de xineru de 1693 – 17 d'ochobre de 1740) – casada en 1710 con Federico Guillermo, Duque de Curlandia, futura Zarina dende 1730 a 1740;
- Praskovia (24 de setiembre de 1694 – 8 d'ochobre de 1731)
Referencies
[editar | editar la fonte]- ↑ 1,0 1,1 1,2 1,3 1,4 1,5 Nikolaĭ Pavlovich Pavlov-Silʹvanskiĭ (1897). «Q20830034» (en rusu). Russian Biographical Dictionary, Volume 8.
- ↑ Nikolaĭ Pavlovich Pavlov-Silʹvanskiĭ (1897). «Q20830034» (en rusu). Russian Biographical Dictionary, Volume 8.
- ↑ Nikolaĭ Pavlovich Pavlov-Silʹvanskiĭ (1897). «Q20830034» (en rusu). Russian Biographical Dictionary, Volume 8.
- ↑ Nikolaĭ Pavlovich Pavlov-Silʹvanskiĭ (1897). «Q20830034» (en rusu). Russian Biographical Dictionary, Volume 8.
Enllaces esternos
[editar | editar la fonte]- «Iván V de Rusia». en Find a Grave. (n'inglés)
Predecesor: Fiódor III |
![]() Zar de Rusia 1682 - 1696 con Pedru I hasta 1696 |
Socesor: Pedru I |