Ignaciu Llope
Ignaciu Llope | |
|---|---|
 | |
| Vida | |
| Nacimientu | Cuideiru, 1962 (61/62 años) |
| Nacionalidá |
 España |
| Estudios | |
| Llingües falaes |
castellanu asturianu |
| Oficiu | políticu, escritor, psiquiatra |
 | |
Xuan Ignaciu Llope Fernande (1962, Cuideiru) ye un políticu, escritor en llingua asturiana y médicu siquiatra asturianu.
Tien destacao, per un llau, como poeta, ensayista y columnista (en medios como Les Noticies); y per otru, como miembru activu d'organizaciones como'l Conceyu d'Estudiantes Nacionalistes, la Fundación Belenos o la plataforma ciudadana SOS Cuideiru; amás de la so militancia política nel partíu Izquierda Asturiana, nel que desempeñó'l cargu de portavoz nacional los últimos años.
N'abril de 2007, foi presentáu como candidatu principal a la Xunta Xeneral del Principáu d'Asturies nes eleiciones autonómiques de mayu pola coalición Unidá.
Nos años 2011 y 2012 Ignaciu asoleyó los dos volúmenes de la so obra d'ensayu De les coses del mundu (Suburbia Ediciones). El primer volume recueye tolos escritos sobre celtismu y música folk, arriendes de los ensayos y artículos publicaos sobre'l paisaxe y la historia del conceyu de Cuideiru. El segundu volume ta dedicáu a los ensayos sobre política y lliteratura, con un llugar mui destacáu nél pal análisis de los problemes relativos a la identidá cultural na zona Navia-Eo[1].
Referencies
[editar | editar la fonte]- ↑ [1] Asturnews, Ignaciu Llope completa los sos ensayos cola segunda parte de "Les coses del mundu", consultao'l 18 d'abril de 2012
