Hubert Cecil Booth

Hubert Cecil Booth
Vida
Nacimientu	Gloucester, 4 de xunetu de 1871
Nacionalidá	Reinu Xuníu
Muerte	Croydon, 14 de xineru de 1955 (83 años)
Estudios
Llingües falaes	inglés
Oficiu	inventor, inxenieru, empresariu, inxenieru civil

Hubert Cecil Booth (4 de xunetu de 1871, Gloucester – 14 de xineru de 1955, Croydon) foi un inxenieru d'Inglaterra inventor de l'aspiradora. Tamién diseñó pontes colgantes y fábriques.

Nació en Gloucester, Inglaterra. Ingresó na Escuela de Gloucester y na Universidá del mesmu condáu. En 1889 ingresó nel Colexu Téunicu Central de Londres. Dempués de pasar el so exame d'ingresu, completó un cursu de tres años n'inxeniería civil y mecánica col profesor WC Unwin. Llogró'l so Diploma de Miembru Asociáu (AGCI), nel departamentu d'inxeniería. Dempués convirtióse n'estudiante de la Institución d'Inxenieros Civiles.

Carrera ya inventos

N'avientu de 1892 asistió a la oficina de los señores Maudslay & Field, Lambeth en Londres, sol cargu del Sr. Charles Sells, como inxenieru civil. Ellí Cecil diseñó pontes colgantes pa les feries en Londres, París y Viena.

Booth trabayó diseñando motores pa barcos de guerra de l'Armada Real. Dempués de ver una demostración en llugar d'un sistema d'aire basáu na llimpieza de vagones de ferrocarril na estación de St. Pancras, Booth razonó qu'aspirar aire al traviés d'un filtru podría ser un sistema meyor y polo tanto inventó la so primer versión de l'aspiradora que foi fabricada por Fielding & Platt de Gloucester. El so enfoque yera más afayadizu pal usu industrial que pa usu nes cases, y la so compañía foi superada pol so principal competidor, Hoover. Cecil recibió les patentes britániques pol so trabayu'l 18 de febreru y 30 d'agostu de 1901 y la so compañía siguió especializándose nes aspiradores industriales. Toles aspiradores modernes básense nel principiu de Booth.

Vida personal

Booth xunió la so vida con una de les fíes de Francisco Tring Pearce, direutor de la Priday, Metford & Co. Ltd. Cecil morrió'l 14 de xineru de 1955 en Croydon, Inglaterra.

Enllaces esternos

[1].