Ensalada rusa
Ensalada rusa | ||
---|---|---|
![]() | ||
Nome | Ensalada rusa | |
Procedencia | Rusia | |
Procedencia | Rusia | |
Detalles | ||
Ingredientes |
pataca, mayonesa, preserved peas (en) ![]() ![]() ![]() ![]() | |
Materiales usaos |
carne güevu pataca pepino (es) ![]() mayonesa cenahoria preserved peas (en) ![]() salchicha | |
Más información | ||
Gastronomía |
gastronomía de Rusia (es) ![]() ![]() | |
[editar datos en Wikidata] |
La ensalada rusa, tamién conocida como ensalada Olivier, ye un plato típico m de Rusia. Ellaborase con pataques y puede combinase con otres verdures, atún o pollu. Según cuenta la so hestoria, la receta orixinal foi ellaborada nel añu 1860 por Lucien Olivier, el chef del restorán Hermitage, bien conocíu en Moscú daquella.[1]
Historia
[editar | editar la fonte]Magar la popularidá de la ensalada n'España, Méxicu y el Conu Sur, el so orixe ye realmente rusu; foi creada nos años 1860 por Lucien Olivier, chef del restorán Hermitage (en rusu: Эрмитаж), unu de los restoranes más conocíos de Moscú, que llueu fixo d'esti platu la so seña d'identidá, y por esta razón denomínase n'otros países ensalada Olivier (en rusu: Салат Оливье), n'honor al so inventor.[2] La versión orixinal sirvíase fría y llevaba una especie de vinagreta. Los ingredientes qu'emplegaba la receta orixinal d'Olivier yeren caros (por casu emplegaba carne de venado) y la so composición según la so preparación yeren un secretu ocultu tantu por Olivier como pola familia que rexentaba'l Hermitage . Cuando'l Hermitage cerró en 1905 la receta orixinal perdióse inexorablemente, siendo imposible reproducila anguaño por cuenta de la inesistencia de documentu o receta que describa la so ellaboración exacta.
El platu trescendió más allá de los Urales, y espandióse a Ucraína onde se-y amestaron ingredientes más baratos tales como arbeyos tienros y pepinillos, y el venado foi sustituyíu por pollu. Anguaño ye unu de los platos que más se peracaben en Rusia, quiciabes por non ser un platu aballador y del cual puede quitase la sede suficientes comensales nes festividaes familiares. El platu tien distintes variantes. Nes ciudaes cercanes al estremu oriente de Rusia amiésten-y sardina y tamién pepinos non encurtidos. Nel sur de Rusia, na redoma de Volgogrado, añaden vinagreta y cenahoria.
Acordies con l'antropóloga Anna Kushkova, la ensalada yera «un platu d'igualdá y hermandá universal que nun reconocía (...) nin les convenciones nin les fronteres impuestes por clase social o propiedá...».[3]
Los ingredientes
[editar | editar la fonte]Los ingredientes principales son: la pataca (primeramente cocida nuna salmoria) y cortada en cubos d'un centímetru de grosez (anque en casu de nun ser conxelada puede dase cualquier midida) entemecíos cola mayonesa. Nes variantes mediterránees (pero nunca en Rusia) suel añadise una cierta cantidá d'atún en conserva d'aceite, amás de delles verdures cocíes, principalmente daos de cenahoria y arbeyos. El restu de los ingredientes ye importante, pero depende de los cocineros, y suelen ser: unos güevos duros, güevu arralláu (en delles zones estos son ingredientes fundamentales), espárragos, pimientos del piquillo (pimientu coloráu o en llata), opcionalmente ayu, gambes; tamién suelen contener dalgún tipu d'ingrediente qu'acentúe la so acidez: aceitunes enteres ensin güesu o picaes, pepinillos en vinagre picaos. Menos tradicional, anque tamién con ciertu ésitu na receta actual, ye añader surimi.