Enrique de Huntingdon

Enrique de Huntingdon
Vida
Nacimientu	Huntingdonshire (en) , 1080 (greg.)
Nacionalidá	Inglaterra
Muerte	Inglaterra, 1160 (greg.) (79/80 años)
Estudios
Llingües falaes	llatín
Oficiu	cronista, escritor, sacerdote católicu, historiador
Llugares de trabayu	Inglaterra
Trabayos destacaos	Historia Anglorum (en)
Creencies
Relixón	Ilesia Católica

Enrique de Huntingdon (1080 ^(greg.), Huntingdonshire ^(en)  – 1160 ^(greg.), Inglaterra) foi un historiador inglés del sieglu XII y archidiácono de Huntingdon.

A Enrique conózse-y principalmente pol so trabayu llamáu Historia Anglorum (Historia de los Ingleses), que toma dende la conquista romana del añu 43 e.C. hasta la entronización d'Enrique II en 1154. Envalórase que'l setenta per cientu d'esti trabayu foi estrayíu direutamente d'otros testos al traviés de cites direutes, traducciones y resumes. De dichu porcentaxe, aproximao'l cuarenta per cientu provién del Historia ecclesiastica gentis Anglorum de Beda. Los datos pertenecientes al periodu 1126-1154 son orixinales. El mesmu Enrique foi testigu de dellos fechos importantes que se desenvolvieron mientres dichu periodu, como son el reináu d'Enrique I y Enrique II y l'anarquía del reináu d'Esteban I. Los sos rellatos tán llenos d'hestories dramátiques, siendo bien popular na so dómina ya influyó a otros historiadores. La so popularidá, nun evitó que se siga creyendo que "Historia de los Ingleses" ye un trabayu rigorosu, nin tampoco la so contribución a los alderiques políticos actuales alrodiu de la pertencia étnica, nacionalidá y la xustificación del gobiernu sobre Inglaterra y Gales.

Enrique estremó la Historia inglesa según los cinco grandes invasiones sufiertes nes islles: la de romanos, pictos y escotos, anglosaxones, viquingos y normandos. "Historia de los Ingleses" taba estructurada, na versión de 1135, en siete libros titulaos:

1. La dominación de los romanos en Britania
2. La llegada de los anglos
3. La conversión de los anglos
4. El dominiu anglu #

Les guerres daneses

1. La llegada de los normandos
2. El dominiu normandu

Posteriores versiones incluyeron tres libros más, sobre la vida de los santos y otros milagros (incluyendo una espectacularmente sangrienta descripción de la descomposición del cuerpu d'Enrique I), y un resume de delles partes de Historia Regum Britanniae de Godofredo de Monmouth.

Enrique foi'l precursor de la periodización del términu Heptarquía.

Fuentes

• Diana Greenway (traductora) Henry, Archdeacon of Huntingdon: Historia Anglorum - The History of the English People 1000-1154 (Oxford World's Classics), Oxford University Press, 2002, ISBN 0-19-284075-4.

• Thomas Forester (traductor), The Chronicle of Henry of Huntingdon, London: Henry G. Bohn, 1853; George Bell and Sons, 1876.

• The Chronicle of Henry of Huntingdon, n'inglés.

Enllaces esternos

• Latin Chroniclers from the Eleventh to the Thirteenth Centuries: Henry of Huntingdon de The Cambridge History of English and American Literature, Volume I, 1907–1921.

• Datos: Q1235472