Cruz d'Occitania

La Cruz d'Occitania - tamién Cruz Occitana, Cruz de Languedoc, Cruz de Forcalquier o Cruz de Toulouse - ye'l símbolu d'Occitania. Utilizóse per primer vegada como tal, probablemente, nel escudu d'armes de los condes de Forcalquier na Provenza, y depués polos condes de Toulouse nel territoriu tradicional de Languedoc y más tarde estendióse a otres provincies d'Occitania, esto ye, la Provenza, Guyenne, Gascuña, Delfinado, Auvernia y Lemosín. Una cruz occitana mariella con fondu coloráu xunto a una estrella de siete puntes d'oru de la Félibrige constitúin el pabellón anguaño d'Occitania. Tamién puede atopase nos emblemes de Midi-Pyrénées, Languedoc-Rosellón, Alto Alpes y el Valle d'Arán, ente munchos otros, según en campusantos y en cruceros de caminos.

La Cruz d'Occitania ye téunicamente descrita como "tricúspide, vacida y pometeada d'oru", esto ye, una cruz curvillinia que los sos brazos terminen en tres puntes, representada namái pola so contorna y terminada en círculos rellenos. Ye entá oxetu de discutiniu ente los espertos tocantes a si la so primer apaición en Occitania foi nel Languedoc o la Provenza.

Referencies

Enllaces esternos