Club de Fútbol Asturias

Club de Fútbol Asturias
Situación
Estáu	Méxicu
Datos
Tipu	equipo de fútbol desaparecido (es)
Fundáu en	1918
Categoría	Primer División de Méxicu
Instalaciones
Estadiu	Parque Asturias (es)
Uniforme
Titular	Alternativu
	;

El Club de Fútbol Asturias foi un equipu de fútbol que xugó na Lliga Mayor de Fútbol y que tuvo como sede la Ciudá de Méxicu. Al coronase na temporada 1943-1944, l'Asturias convirtióse nel primer campeón del fútbol mexicanu na so era profesional. Superaría al poderosu Real Club España nel que xugó n'aquella dómina'l míticu delanteru Lángara enantes de tornar al Real Uviéu. En temporada regular dambos equipos quedaríen empataos na tabla xeneral polo que se tuvo que xugar un desempate que dio como resultáu un trunfu de 4-1 del Asturies sobro l'España, dando asina al primer campeón del fútbol mexicanu profesional. L'equipu yera dirixíu pol austriacu Ernesto Pauler. Amás de ostentar l'honor de ser el primer campeón profesional de Méxicu, l'Asturies guarda un record nes sos vitrines, y ye'l de ser el mayor ganador de torneos de Copa hasta anguaño, con 8 títulos.

Historia

El Centru Asturianu de Méxicu naz el 7 de febreru de 1918, cuando un grupu d'asturianos, encabezaos por José Menéndez Aleu, Ángel H. Díaz y Antonio Martínez Cuétara axuntárase pa fundar el club na Ciudá de Méxicu.

La idea principal pa la creación del Club, foi faer un equipu de fútbol qu'unificara a tolos asturianos qu'emigraren d'Asturies a Méxicu, ye asina que l'equipu empecipia la so participación n'actividaes deportives nel mesmu añu de la so fundación en 1918. Nos últimos años de la década de los 30 l'Asturies FC representaría'l sentimientu antifascista de la mayoría de los exiliaos del estáu español en Méxicu.^[1]

A mediaos de xunetu de 1918, l'equipu intenta entrar a la Lliga Amateur que nesi entós yera xugada namái por equipos de la Ciudá de Méxicu y conocíase-y como "Lliga Mexicana Amateur d'Asociación Foot-Ball". La lliga pidió-y xugar trés partíos contra rivales pertenecientes a l'Asociación; pa ello l'Asturies xugó escontra'l Germania, l'América y el Tigres de Méxicu. Llograría vencer al Germania 3-0 y al Tigres 1-0, ente que col América empató a 3, sicasí la so solicitú foi refugada, polo que'l club decide formar la so propia lliga llamada "Unión Nacional de Association Foot-Ball".

La lliga xuégase nel campu Asturies construyíu en Paséu de la Reforma, na Ciudá de Méxicu. Dexábase'l pasu de baldre p'asistir a los partíos lo qu'afectó a los partíos de la Lliga Mexicana, polo que decidieron finalmente l'aceptar al club na temporada 1919. En 1920 contrátase como direutor téunicu al escocés Gerald Brown, y l'equipu llogra ganar la so primer copa, la Copa Cuadonga. Pa 1921, l'equipu de fútbol de lliga profesional queda como seición deportiva del Centru Asturianu.

Esti equipu llogró trunfos tan importantes como la Copa Centenariu de 1921, y sería Campeón de Lliga y de Copa en bien de veces, lo mesmo a nivel Amateur como a nivel Profesional. Al Asturies conocióse-y como l'equipu de "La Casona"; foi bautizáu asina porque la so sede, que s'atopaba na esquina de Orizaba y Puebla na Colonia Roma, yera una casona pimpana.

Estadiu

El 1 de marzu de 1936, siendo presidente José Díaz Bernardo, inaugúrase'l Campu Asturies, depués "Parque Asturies". Con un partíu ente l'Asturies y el Botafogo de Brasil. Esti estadiu, con capacidá pa 25,000 espectadores, marcó toa una dómina nel deporte en Méxicu. Construyóse na güei llamada Calzada de Chabacano.

El Parque Asturies yera un complexu deportivu que cuntaba con trés campos de fútbol, seis canches de voleibol, trés con forga de madera y trés con tarmac, banzáu olímpicu y fuesa de clavaos, cuatro boleres, doce meses de tenis (10 de magre y 2 sintétiques), seis frontones, cuatro canches de squash, tres gimnasio, tres canches de basquetbol, trés restoranes, meses de boliche, sales tipu cine y estenses árees verdes. Celebraba delles fiestes al añu, ente elles les conocíes como Romeríes, de Cuadonga, en setiembre, del Sociu (la más grande), n'ochobre y la Jira Asturiana n'abril.

El 29 de marzu de 1939, nun alcuentru bien importante ente'l Necaxa y el llocal Asturies, les graes de madera del inmueble fueron amburaes por aficionaos necaxistes por cuenta del son enfadu énte un error arbitral en contra de l'equipu roxiblancu; les llapaes arrobináronse, dexando al estadiu en povisa.

Inauguración del Parque Asturies

Data: Domingu 1 de marzu de 1936 Árbitru: A. Fernández Resultáu: Asturies FC 4 - Botafogo 2 Goles: Ruiz 30', 79'; Frade 67', Argüelles 86' (Asturies) / Leite 49' y 59' (Botafogo)

Alliniaciones

ASTURIES FC: Alfonso Riestra; Benjamín Alonso y José Ramón Ballina; Baca, Sergio Alonso y Justo Sansebastián; Fernando García Frade, Francisco Argüelles, Efraín Ruiz, Donato Alonso y Antonio Huitt.

BOTAFOGO: Aymoré Morera; Otacilio y A. López Concado "Ñariz"; Alphonso de Silva "Alfonsinho", Zeccone "Martim" Silveira y Heitor Canale; Russo, Leónidas da Silva, Carvalho Leite, Alvaro y Rodolfo Barteczko "Patesko".

↑ [https://web.archive.org/web/20121121163137/http://www.lne.es/secciones/noticia.jsp?pRef=1778_47_563157__Deportes-Asturias-primer-campeon-mexicano Archiváu 2012-11-21 en Wayback Machine

[test-1] [https://web.archive.org/web/20121121163137/http://www.lne.es/secciones/noticia.jsp?pRef=1778_47_563157__Deportes-Asturias-primer-campeon-mexicano Archiváu 2012-11-21 en Wayback Machine

[1]