Biblioteca de Celsu

Biblioteca de Celsu
	biblioteca, xacimientu arqueolóxicu, atraición turística y monumento sepulcral (es)
Llocalización
País	Turquía
Provincia	provincia d'İzmir
Distritu	Selçuk
Coordenaes	37°56′21″N 27°20′27″E / 37.93914°N 27.34075°E
	Biblioteca de Celsu Biblioteca de Celsu (Turquía)
Historia y usu
Construcción	135 (Gregorianu)
Dedicación	Tiberio Julio Celso Polemeano (es)

La Biblioteca de Celsu, n'Éfesu, Asia Menor (anguaño parte de Turquía), foi construyida n'honor a Tiberiu Xuliu Celsu Polemeanu (completada nel añu 135)^[1] pol fíu de Celsu, Tiberiu Xuliu Águila Polemeanu (cónsul, añu 110). Celsu fuera cónsul nel añu 92, gobernador d'Asia nel añu 115, y un ciudadanu romanu de la rexón popular y adineráu.

La biblioteca construyóse p'almacenar 12 000 rollos y pa sirvir como tumba monumental pa Celsu. Nun yera costume que daquién se fixera soterrar nuna biblioteca o inclusive dientro de les llendes d'una ciudá, lo que foi un honor especial pa Celsu.

Historia

L'edificiu tien importancia como unu de los escasos restos de lo que yera una biblioteca nos tiempos de l'anticua Roma. Tamién ye un exemplu de como les biblioteques públiques nun yá construyíense na mesma Roma, sinón a lo llargo de tol Imperiu romanu.

Ente los añu 1970 y 1978 realizóse una restauración importante qu'anguaño se considera como abondo fiel al edificiu históricu, nel que la fachada frontera sirve d'exemplu d'arquiteutura romana pública, ya inclusive sirve d'exemplu pa otres biblioteques peor calteníes d'otres zones del imperiu, porque ye posible que s'allugaren coleiciones de lliteratura n'otres ciudaes romanes pa beneficiu de los estudiosos y de los viaxeros.

L'edificiu ye de planta única que da al este pa que, como dixo Vitruviu, beneficiara a los madrugadores. Ta construyida sobre una plataforma sobre nueve gradies, y con trés accesos. La entrada central ye más grande que les dos llaterales y toes elles tán afataes con ventanes asitiaes sobre'l cargaderu.

La biblioteca foi amburada polos godos nel 263.

Ver tamién

Referencies

↑ Molina Sánchez, César Antonio (2012). Donde la eternidad envejece. Barcelona: Círculo de Lectores. ISBN 978-84-672-5312-2.

Bibliografía

Boethius, Axel; J.B. Ward-Perkins (1970). Etruscan and Roman Architecture: The Pelican History of Art. Harmondsworth: Penguin, páx. 397. ISBN 978-0300052909.
Grant, Michael (1995). Art in the Roman Empire. Londres: Routledge, páx. 48–50. ISBN 978-0415120319.
Robertson, D. S. (1964). Greek and Roman Architecture. Londres: Cambridge University Press, páx. 289–290. ISBN 978-0521094528.
Scarre, Christopher (1995). The Penguin Historical Atlas of Ancient Rome. Londres: Penguin, páx. 76. ISBN 978-0140513295.
«Greece and Asia Minor», Greece and Asia Minor, XI, The High Empire AD 70-192, Cambridge University Press, ISBN 978-0521263351
«Library, Rome», Library, Rome, 7, K-LYC, Brill Leiden, 2005, ISBN 978-9004122598

Enllaces esternos

Imáxenes de la biblioteca de Celsu • Fotopedia.com (en inglés). (enllaz rotu disponible n'Internet Archive; ver l'historial y la última versión).

[1] Molina Sánchez, César Antonio (2012). Donde la eternidad envejece. Barcelona: Círculo de Lectores. ISBN 978-84-672-5312-2.

[1]