Begoña Vila
Begoña Vila![]() | |
---|---|
![]() | |
Vida | |
Nacimientu | Vigo[1], 1963[1] (60/61 años) |
Nacionalidá |
![]() |
Residencia | Washington DC |
Estudios | |
Estudios |
Universidá de Santiago de Compostela Manchester University (en) ![]() Institutu d'Astrofísica de Canaries Universidá de Manchester |
Llingües falaes |
castellanu inglés gallegu |
Oficiu | astrofísica, inxeniera |
Premios |
ver
|
![]() |
Begoña Vila Mariñes (1963, Vigo) ye una astrofísica española especializada nel estudiu de galaxes espirales. Na actualidá mora en Washington DC y trabaya como inxeniera de sistemes nel centru de vuelu espacial Goddard. Ye inxeniera de sistemes na NASA del GSFC (Programa Xeofísicu, Xeodinámicu y d'Espaciu Xeodésicu de la NASA)[6] del Fine Guidance Sensor (FGS), sensor que va llevar el telescopiu espacial James Webb, amás de ser la encargada de la prueba fría final del grupu de preseos antes de la so integración col telescopiu.[7] En 2016 foi premiada pola NASA cola medaya "Exceptional Public Achievement Medal" que concede a les persones ayenes a la organización pero que contribúin, de forma relevante, a la misión de l'axencia espacial d'Estaos Xuníos.[8] Vila ye la encargada de controlar que'l telescopiu espacial James Webb -socesor del "Hubble"- tenga la máxima precisión en tomar d'imáxenes cuando se produza'l so llanzamientu nel 2018.
Trayeutoria
[editar | editar la fonte]![](http://upload.wikimedia.org/wikipedia/commons/thumb/5/50/James_Webb_Space_Telescope.jpg/220px-James_Webb_Space_Telescope.jpg)
Estudió astrofísica na Universidá de Santiago de Compostela y l'Institutu d'Astrofísica de Canaries (1981-1986) y doctoróse n'astrofísica nel Centru Jodrell Bank pa Astrofísicos de la Universidá de Manchester (1989).[9] Trabayó nel diseñu y la construcción del Fine Guidance Sensor (FGS) que va llevar el telescopiu espacial James Webb, nuna empresa canadiense so direición de l'Axencia Espacial Canadiense y cuando s'apurrió en 2012 a la NASA y fíxose la primer prueba fría pa ellos, decidieron contratala al traviés d'una compañía esterna como inxeniera de sistemes d'esti preséu.
Dende 2013 ye 'FGS lead systems engineer', la persona de referencia a la de decidir les pruebes del sensor, les sos operaciones n'órbita, llimitaciones, componentes del 'software', etc. amás de coordinadora de tolos preseos científicos xuntos (integraos nel módulu ISIM, 'Integrated Science Instrument Module') pa realizar les pruebes fríes.[9]
Ye miembru de ECUSA-DC que engloba a la comunidá científica española de les árees de Washington DC, Maryland y Virxinia.[7]
En 2016 foi condecorada pola NASA cola medaya “Exceptional Public Achievement” pelos sos años de lideralgu y llogros escepcionales”, según el diseñu y desarrollu del “Fine Guidance Sensor (FGS)”, un preséu añadíu al telescopiu espacial James Webb y que funciona como un sensor ultra-estable que va dexar, ente otres coses, analizar exoplanetes y la so composición, o conocer cómo se formaron les primeres galaxes y estrelles tres el Big Bang.[8]
Referencies
[editar | editar la fonte]- ↑ 1,0 1,1 URL de la referencia: https://www.elperiodico.com/es/sociedad/mujeres-lideres-espana-sh/index.html#section-Investigadoras-y-cientificas-VlkRi5WZ7S.
- ↑ URL de la referencia: https://www.elconfidencial.com/tecnologia/ciencia/2016-08-22/la-nasa-premia-a-una-astrofisica-gallega_1249656/.
- ↑ URL de la referencia: https://www.lavozdegalicia.es/noticia/sociedad/2017/10/28/astrofisica-viguesa-begona-vila-gana-premio-wonenburger/0003_201710G28P31993.htm.
- ↑ URL de la referencia: https://es.linkedin.com/posts/bego%C3%B1avilacostas_such-an-honor-to-receive-the-nasa-exceptional-activity-7067500104538075136-1V6S.
- ↑ URL de la referencia: https://www.marcasrenombradas.com/ehmes/begona-vila-2/.
- ↑ «Work in Action – NASA GSFC – SGT». Consultáu'l 3 de setiembre de 2016.
- ↑ 7,0 7,1 «ECUSA-DC». Consultáu'l 3 de setiembre de 2016.
- ↑ 8,0 8,1 «L'astrofísica viguesa premiada pola NASA, Begoña Vila, visita "A Revista"» (26 d'agostu de 2016). Consultáu'l 3 de setiembre de 2016.
- ↑ 9,0 9,1 «nasa-premia-a-una-astrofisica-gallega_1249656/ La NASA premia a una astrofísica gallega pol so trabayu nel mayor telescopiu espacial. Noticies de Teunoloxía». Consultáu'l 3 de setiembre de 2016.