Bandera d'Escocia
 Bandera d'Escocia | |
|---|---|
 | |
| Datos | |
| Entidá | Escocia |
| Fecha d'adopción | sieglu de XV (Error d'espresión: Pallabra "sieglu" non reconocida. años) |
| Colores | azul y blancu |
| Elementos representaos |
campo (es)  (azul)Cruz de San Andrés (blancu) |
 | |
La Bandera d'Escocia, tamién conocida como Saltire o como Cruz de San Andrés, ta compuesta por un aspa blanca sobre fondu azul.
Descripción
[editar | editar la fonte]L'aspa blanca ye'l símbolu de San Andrés l'Apóstol, patronu d'Escocia. El color del fondu de la bandera yera variable, dende'l azul celeste hasta'l azul marín, dependiendo, al paecer, del tipu de tinte disponible en cada zona y dómina. Cuando foi incorporada a la bandera del Reinu Xuníu, emplegóse l'azul marín como color de fondu. Sicasí, en 2003, una comisión del Parllamentu d'Escocia estableció que'l color oficial del fondu de la bandera ye'l Pantone 300 (esto ye, 0, 114, 198 nel modelu de color RGB o #0072C6 en códigos de colores HTML), un color daqué más claru que'l Pantone 280 de la bandera de Reinu Xuníu.[1]
Les dimensiones de la bandera nun tán oficialmente establecíes, magar que suelen ser 4:5, 3:5 o 2:3. Les barres cruciaes tienen de tener un anchor de 1/5 (esto ye, un 20%) del altor de la bandera.
Historia
[editar | editar la fonte].svg)
Según la lleenda, nel 832 el rei Angus II de los Pictos dirixó a los escotos na so batalla escontra los anglos, comandaos por Aethelstan de East Anglia, cerca del actual conceyu d'Athelstaneford, en East Lothian. El rei Angus y los sos homes viéronse arrodiaos, y rezaron poles sos vides. Pela nueche, San Andrés apaecióse-y al rei y prometió-y la victoria. Yá pela mañana, dambos exércitos vieron apaecer sobre'l cielu azul una cruz blanca, representando la cruz sobre la que fuera martirizáu San Andrés. Esta apaición dio coraxe a los escoceses, ente que los anglos desmoralizáronse y perdieron el combate.
Les evidencies históriques del usu de la Cruz de San Andrés como símbolu d'Escocia son abondo posteriores a esta lleenda. En 1385, el Parllamentu d'Escocia decretó que los soldaos escoceses teníen de llevar el saltire como una marca de distinción. La primer bandera escocesa caltenida consistente namái nuna cruz blanca data de 1503, magar que'l fondu ye coloráu, non azul. Escontra 1540 la lleenda del rei Angus modificóse, hasta la so versión actual, incluyendo la visión d'una aspa blanca nun cielu azul, polo qu'a partir d'esi momentu esi foi'l diseñu de la bandera nacional d'Escocia.
Ver tamién
[editar | editar la fonte]Referencies
[editar | editar la fonte]Enllaces esternos
[editar | editar la fonte]
Wikimedia Commons acueye conteníu multimedia sobre Bandera d'Escocia.- Bandera d'Escocia en Flags of the World
| Control d'autoridaes |
|
|---|
Datos: Q102392- Multimedia: Flags of Scotland