ৰঞ্জিত দত্ত

ৰঞ্জিত দত্ত
দত্ত ২০১৬ চনত
কেবিনেট মন্ত্ৰী, অসম চৰকাৰ
কাৰ্যকাল ২৪ মে' ২০১৬ – ১০ মে' ২০২১
মুখ্যমন্ত্ৰী	সৰ্বানন্দ সোণোৱাল
দায়িত্বসমূহ	* ৰেচম হস্ততাঁত আৰু বস্ত্ৰশিল্প সিঞ্চন (২০১৬ – ২০১৮) সংখ্যালঘু কল্যাণ (২০১৮ – ২০২১)
পূৰ্বসূৰী	বিস্মিতা গগৈ (ৰেচম, হস্ততাঁত আৰু বস্ত্ৰশিল্প) চন্দন কুমাৰ সৰকাৰ (সিঞ্চন) সৰ্বানন্দ সোণোৱাল (সংখ্যালঘু কল্যাণ)
উত্তৰসূৰী	উৰ্খাও গৌৰা ব্ৰহ্মা (চাৰিকালচাৰ, হেণ্ডলুম আৰু টেক্সটাইল) ভবেশ কলিতা (সিঞ্চন) চন্দ্ৰ মোহন পাতোৱাৰী (সংখ্যালঘু কল্যাণ)
সমষ্টি	তেজপুৰ, অসম
সভাপতি,অসম প্ৰদেশ,ভাৰতীয় জনতা পাৰ্টী
কাৰ্যকাল ২০১০ – ২০১২
উত্তৰসূৰী	সৰ্বানন্দ সোণোৱাল
সদস্য, অসম বিধানসভা
পদাধিকাৰ
কাৰ্যভাৰ গ্ৰহণ ১৯ মে' ২০১৬
পূৰ্বসূৰী	পল্লৱ লোচন দাস
সমষ্টি	বেহালী
কাৰ্যকাল ২০০১ – ২০১১
উত্তৰসূৰী	পল্লৱ লোচন দাস
সমষ্টি	বেহালী
ব্যক্তিগত তথ্য
জন্ম	২৪ জানুৱাৰী, ১৯৫৭ (৬৭ বছৰ) হাতিবন্ধা, বিশ্বনাথ জিলাৰ, অসম
ৰাজনৈতিক দল	ভাৰতীয় জনতা পাৰ্টী
দাম্পত্যসঙ্গী	গীতা দত্ত (বি. )
পিতৃ-মাতৃ	কুলধৰ দত্ত (পিতা) লাবণ্য দত্ত (মাতা)
শিক্ষানুষ্ঠান	দৰং কলেজ

ৰঞ্জিত দত্ত (জন্ম ২৪ জানুৱাৰী ১৯৫৭) এজন ৰাজনৈতিক তথা লোকসভাৰ এগৰাকী সাংসদ। তেওঁ ২০০১ চনৰ পৰা ২০১১ চনলৈকে বিহালী সমষ্টিৰ বিধায়ক হিচাপে কাৰ্যনিৰ্বাহ কৰে। ২০১৬ চনৰ পৰা ২০২১ চনলৈ দত্ত সৰ্বানন্দ সোণোৱাল নেতৃত্বাধীন চৰকাৰৰ মন্ত্ৰী আছিল। ২০২৪ চনৰ দেশৰ সাধাৰণ নিৰ্বাচনত তেওঁ তেজপুৰ সমষ্টিৰ পৰা লোকসভালৈ নিৰ্বাচিত হয়।

প্ৰাৰম্ভিক জীৱন আৰু শিক্ষা

১৯৫৭ চনৰ ২৪ জানুৱাৰীত বিশ্বনাথৰ হাতিবন্ধাত ৰঞ্জিত দত্তৰ জন্ম হয়। তেওঁৰ পিতৃ কুলধৰ দত্ত আৰু মাতৃ লাবণ্য দত্ত। তেওঁ ১৯৭৪ চনত তেজপুৰৰ দৰং কলেজৰ পৰা উচ্চ মাধ্যমিক সম্পূৰ্ণ কৰে।

ৰাজনৈতিক জীৱন

ৰঞ্জিত দত্তই বিজেপিৰ প্ৰাৰ্থী হিচাপে বিহালী সমষ্টিৰ পৰা ২০০১ চনৰ অসম বিধানসভা নিৰ্বাচনত প্ৰতিদ্বন্দিতা কৰে। তেওঁ নিৰ্বাচনত মুঠ ভোটৰ ৫০.৬৫% ভোট (৩৩৩৪৮টা)লাভ কৰি বিজয় সাব্যস্ত কৰে।

২০০৬ চনৰ অসম বিধানসভা নিৰ্বাচনত দত্ত পুনৰ বিহালী সমষ্টিৰ পৰা নিৰ্বাচনত অংশ লয়। ২৮৬৩৩ ভোট লাভ কৰি তেওঁ নিকটতম প্ৰাৰ্থী, ৮৯৭৯ ভোটত পৰাস্ত কৰে।

২০১১ চনৰ অসম বিধানসভা নিৰ্বাচনত দত্তই পুনৰ বিহালী সমষ্টিৰ পৰা প্ৰাৰ্থিতা আগবঢ়ায় যদিও তেওঁ ২২৬৬২ ভোট লাভ কৰি সেই সময়ৰ কংগ্ৰেছ প্ৰাৰ্থী পল্লৱ লোচন দাসৰ বিৰুদ্ধে ১৮১৩৬ ভোটত পৰাস্ত হয়।

২০১৬ চনৰ অসম বিধানসভা নিৰ্বাচনত দত্তই ৫২১৫২ ভোট লাভ কৰি নিকটতম প্ৰতিদ্বন্দ্বীক ২৩৬০১ ভোটত পৰাস্ত কৰিছিল। দত্ত সৰ্বানন্দ সোণোৱাল নেতৃত্বাধীন চৰকাৰৰ কেবিনেটত ৰেচম, সংখ্যালঘু কল্যাণ, হস্ততাঁত আৰু বস্ত্ৰশিল্প বিভাগৰ মন্ত্ৰী হিচাপে অন্তৰ্ভুক্ত হৈছিল। তেওঁ ২৪ মে' ২০১৬ ত কেবিনেট মন্ত্ৰী হিচাপে শপত গ্ৰহণ কৰিছিল।

২০২১ চনৰ অসম বিধানসভা নিৰ্বাচনত তেওঁ ৫৩৫৮৩ ভোট লাভ কৰি পঞ্চম বাৰৰ বাবে অসম বিধানসভালৈ নিৰ্বাচিত হয়।

ব্যক্তিগত জীৱন

ৰঞ্জিত দত্ত গীতা দত্তৰ সৈতে ১ মে' ১৯৯১ চনত বিবাহপাশত আবদ্ধ হয়। তেওঁলোকৰ এজন পুত্ৰ আৰু এগৰাকী কন্যা সন্তান আছে।