كاس العالم للشباب 2009
| ||||
|---|---|---|---|---|
| البلد |  | |||
| المكان | اسكندريه | |||
| الرياضه | كورة قدم | |||
| الموسم | 17 | |||
| تاريخ | 2009 | |||
| تاريخ الانتهاء | 16 اكتوبر 2009 | |||
| المنظم | فيفا | |||
| عدد المشاركين | ||||
| الفايز | منتخب غانا تحت 20 سنه لكره القدم | |||
| عدد المباريات | ||||
| إحداثيات | 31°11′51″N 29°53′33″E / 31.1975°N 29.8925°E | |||
| ||||
تعديل  |
||||
مصر 2009 ، بطولة العالم للشباب فى كورة القدم تحت 20 سنة FIFA U-20 World Cup Egypt 2009، نظمتها مصر بنجاح كبير من 24 سبتمبر 2009 ل16 اكتوبر 2009.
اشتركت فى البطوله منتخبات كوره من 24 بلد من اوروبا و امريكا اللاتينيه و امريكا الشماليه و افريقيا و اسيا و منطقة الباسيفيك ( المحيط الهادى ).
افتتحت البطوله السبعتاشر يوم 24 سبتمبر 2009 بحضور حسنى مبارك رئيس مصر و جوزيف س. بلاتر رئبس اتحاد الفيفا فى استاد اسكندريه اكبر استاد كوره فى افريقيا و الشرق الاوسط. و كانت اول مباراه بين منتخب مصر و منتخب ترينيداد و توباجو و كسبت مصر الماتش 4 - 1.
كسب منتخب مصر على منتخب ايطاليا اللى بيعتبر من اقوى الفرق الاوروبيه و عدى للدور الستاشر لكن خسر فى الدور ده من كوستاريكا و كانت من مفاجاءات البطوله.
اتختمت البطوله الناجحه فى استاد القاهره الضخم يوم 16 اكتوبر 2009 بحضور حوالى 61 الف مشجع و احمد نظيف رئيس وزرا مصر و جوزيف س. بلاتر رئيس الفيفا و عيسى حياتو رئيس الاتحاد الإفريقى بعد الماتش النهائى بين برازيل و غانا اللى انتهى بفوز غانا بالبلنتيات 4 - 3 بعد ما انتهى الماتش و الوقت الاضافى بالتعادل 0 - 0. و بكده كسبت غانا ببطولة العالم تحت 20 سنه كأول فريق افريقى يكسب بيها فى تاريخ البطوله و ده انجاز كبير للكوره الافريقيه و لمنتخب غانا اللى لعب قدام فريق كبير بعشر لعيبه بعد ما اخد لعيب غانى كارت احمر من الحكم البلجيكى فرانك دى بليكير Frank DE BLEECKERE فى الشوط الاولانى.
زائد كاس البطوله اخد اللعيب الغانى دومينيك اديياه Dominic Adiyiah جايزة احسن لعيب فى البطوله و جايزة هداف البطوله بعد ما دخل تمن تجوان فى الماتشات.
جنب التنظيم الرائع بتعتبر بطوله مصر 2009 من انجح بطولات العالم للشباب اللى اتعملت و اتسجل فى الماتشات اعلى عدد اجوان فى تاريخ البطوله ( 167 جون ) ، و الحضور الجماهيرى حقق رقم قياسى فى تاريخ البطوله ( مليون و 227 الف و 958 متفرج ).
أكتر فريق أخد تجوان كان فريق تاهيتى اللى اخد 21 جون فى تلت متشات. تاهيتى جزيره صغيره فى الباسيفيك ما لهاش باع كروى و جميل انها اشتركت فى البطوله و عبر لعيبتها عن فرحتهم بزيارة مصر و انهم شافو الاهرامات.
فى لفته حضاريه و عرفان بتنظيم مصر للبطوله و تشجيع المصريين للفريق الغانى رفع لعيبة غانا علم مصر على منصة استلام كاس البطوله.
جوزيف س. بلاتر رئيس الاتحاد الدولى لكرة القدم ( الفيفا ) عمل مؤتمر صحفى شكر مصر فيه و قال : " إن جودة تنظيم البطوله و الملاعب و البنيه التحتيه فى مصر كانت مدوره لأعلى المعايير على كل المستويات. و أظهر نجاح مصر فى استضافة البطولة قدرتها من غير شك على تنظيم نهائيات كاس العالم فى يوم من الايام ".
شعار البطوله :
الملاعب اللى اتلعب عليها :
- استاد اسكندريه ( البرج )
- استاد القاهره الدولى
- استاد السلام ( القاهره )
- استاد اسكندريه ( بابور المايه )
- استاد بورسعيد
- استاد الاسماعيليه
- استاد السويس
المنتخبات الفايزه :
- المركز الاول : غانا
- المركز التانى : البرازيل
- المركز التالت : المجر
- المركز الرابع : كوستاريكا
جوايز:
- احسن لعيب : دومينيك أديياه Dominic Adiyiah ( غانا )
- احسن جوين : استبان البرادو Esteban ALVARADO ( كوستاريكا)
- اكبر هداف : دومينيك أديياه Dominic Adiyiah ( غانا )
الفرق اللى شاركت :
- اوروبا : ايطاليا ، اسبانيا ، المانيا ، انجلترا ، تشيكيا ، المجر.
- افريقيا : مصر ، غانا ، الكاميرون ، نيجيريا ، جنوب افريقيا.
- اسيا : استراليا ، كوريا الجنوبيه ، الامارات ، اوزبكستان.
- امريكا اللاتينيه : البرازيل ، كوستاريكا ، هوندوراس ، ترينيداد و توباجو ،اوروجواى ، باراجواى ، فنزويلا.
- الباسيفيك ( اوشيانيا ): تاهيتى ،
- امريكا الشماليه : امريكا.
مواقع خارجيه ليها علاقه بالموضوع
[تعديل]- اشاده دوليه بمصر Archived 2009-10-18 at the Wayback Machine
- Satellites soar over Cairo Archived 2009-10-19 at the Wayback Machine
- Ghana on top of the world Archived 2009-10-20 at the Wayback Machine
- ↑ الرخصة: رخصة المشاع الإبداعي الملزِمة بالنسب لمؤلِّف العمل وبالترخيص بالمثل غير القابلة للإلغاء 3.0 و رخصة جنو للوثائق الحرة