كارين ارمسترونج
كارين ارمسترونج Karen Armstrong ( اتولدت فى وايلدمور، ورسيستيرشاير، انجلترا فى 14 نوفمبر 1944 ) ، باحثه تاريخ و أديان انجليزيه كبيره قبل ما تتجه للكتابه عاشت راهبه كاتوليكيه لمدة 7 سنين من 1969 ل1969 اشتغلت بعدها مدرسه للأدب الحديث فى جامعة لندن و مديرة قسم الانجليزى فى مدرسة بنات و بعد كده من سنة 1982 ابتدت تكتب و تعمل برامج تلفزيونيه و فى سنة 1983 شاركت فى دوكومينت من 6 حلقات اتصور فى الشرق الاوسط عن حياة القديس بولس ، و عملت افلام تسج بعديه تانيه كان منها " اختلافات فى الخبرات الدينيه Virieties of Religious Experience " ، و " لسنة النار Tongues of Fire " و كان عن الخبرات الدينيه و نجح نجاح كبير. فى 1996 شاركت فى سلسله تلفزيونيه عنوانها " التكوين Genesis ".
كارين ارمسترونج كتبت مقالات و دراسات كتيره فى الجرانيل و المجلات و ألفت كتب مهمه و شيقه عن الحروب الصليبيه و الأديان من اشهرها " تاريخ الرب History of God " و " معركة الرب Battle of God " و " الاسلام: تاريخ موجز Islam: A Short History " ، و " بوذا Buddha " و " محمد Muhammad " و " الحرب المقدسه: الحروب الصليبيه و أثرها على عالم النهارده Holy War: The Crusades and Their Impact on Today's World " اللى نال شهره كبيره و عمل رقم قياسى فى المبيعات و ناقشت فيه تاريخ الحروب الصليبيه و الصراع فى الشرق الوسطانى فى العصر الحديث. بتتميز كارين ارمسترونج بشرح المواضيع باسلوب جميل و مفهوم للقارى العادى و بحياديتها الكبيره فى مناقشة المواضيع التاريخيه.
كارين ارمستروج درست فى فى كلية ليو بيك للدراسات اليهوديه و تدريب الحاخامات و المدرسين Leo Baeck College for the Study of Judaism and the Training of Rabbis and Teachers. فى سنة 1999 خدت جايزة الجمعية الاسلاميه للشئون العامه Muslim Public affairs Council.
من مؤلفاتها
[تعديل]- تاريخ الرب - History of God
- معركة الرب - Battle of God
- الاسلام: تاريخ موجز - Islam: A Short History
- الحرب المقدسه: الحروب الصليبيه و أثرها على عالم النهارده Holy War: The Crusades and Their Impact on Today's World
- المسيحى الأول: أثر القديس بولس على المسيحيه - The First Christian: St.Paul's Impact on Christianity
- محمد: سيرة النبى - Muhammad: A Biography of the Prophet
- الانجيل بالاستناد على النسا - The Gospel According to Women
- رؤى الرب - God's Visions
- فى البوابه الضيقه - Through the Narrow Gate
- بداية العالم - Beginning the World
- اورشليم: مدينه واحده و تلت ديانات - Jerusalem: One City, Three Faithes