تعذيب الخدامين

تعذيب الخدامين
تعذيب الخدامين
بيتكون من	جلد (تعذيب)
مختلف عن	اعدام
	تعديل

تعذيب الخدامين هو الاعتداء الجسدى او النفسى على الخدامه او الخدام عن طريق المخدوم عن طريق الضرب او عن طريق ادوات . انتشرت ظاهرة تعذيب الخدامين فى منطقة الخليج العربيه و بقت حاجه ملفته لمنظمات حقوق الانسان. بعد ازدهار المنطقه الاقتصادى فى النص التانى من القرن العشرين بفضل زيادة الدخل من تصدير البترول اللى بيعتبر تقريباً السلعه التصديريه الوحيده فى البلاد دى اتحسنت احوال الناس المعيشيه و اتغيرت حياتهم من الناحيه الماديه و بقوا بيسكنوا فى شقق و عمارات و بيستوردوا منتجات اجنبيه و ناس من بلاد فقيره بالخصوص من اسيا عشان يخدموهم فى بيوتهم لكن بيتم استغلال الخدامين دول بطريقه وحشه و بترتكب ضدهم جرايم فظيعه لما بتكتشف بتعلن عنها اجهزة الاعلام و منظمات حقوق الانسان. الست اللى بتروح البلاد دى بحسن نيه عشان تشتغل خدامه للقمة العيش بتقع بطبيعة الحال وسط ثقافه ليها نظره دونيه للستات ، و فى احيان كتيره من جهه بتقع تحت سطوة حاجه بيسموها هناك " الكفيل " و من جهه تانيه تحت ايدين مخدومين فيهم قدر كبير من النزعات الساديه و الاستبداديه و عدم احترام الانسان و المشاعر البشريه فبتتعرض لاهانات و تنكيل و اغتصاب و ساعات لحد بتتقتل او بتتعدم.

عنف و تعذيب و قتل

حوادث تعذيب و قتل و اغتصاب الخدمات بتحصبل بطريقه نادرة فى منطقة الخليج ، و من اشهر الحوادث دى حادثة سريلانكيه اسمها تى ارياواثى سنة 2010.

الحالات دي نادرة جدا جدا وقليلة الحدوث لكن قولنا نوضحها برده للعلم بالشيء و استناداً على العربيه.نت ، فى نوفمبر 2010 ظهرت حالة تعذيب تانيه لمواطنه اندونيسيه عمرها 23 سنه اسمها سومياتى بينتى سالان مصتبا ، و اتقتلت خدامه تانيه عمرها 36 سنه و اسمها كيكيم كومالاسارى و بينت دخليقات ان حصل اعتداء جسدى عليها. و ذكرت الجرانيل ان الخدامين الاجانب فى دول الخليج بيتعرضوا لأنواع كتيره من العنف و الاضطهاد و التعذيب و ان الظاهره بقت منتشره فى المنطقه دى و ان هناك قضايا كتيره قدام المحاكم. فى نوفمبر 2010 طالب الرئيس الاندونيسى " سوسيلو بامنانج " بفتح ملف تعذيب الخدمات فى دول الخليج و طالب بتحقيق العداله فى قضية التعذيب " الغير عادى " للخدامه سومياتى اللى اتعذبت بوحشيه كبيره كان من نتايجها اصابتها بجروح كبيره فى منطقة رقبتها و نواحى جسمها ، و قالت الجرانيل إن الخدامين فى دول الخليج بيتعرضوا لكل انواع التعذيب و الاضطهاد و العنف.

و ذكرت الجرانيل البلجيكيه ان القضاء البلجيكى بيحاكم اشخاص من الخليج منهم 8 "اميرات" بتهمة الاتجار فى البشر و احتجاز خدامات فى اوتيل فخم فى بروكسل سنة 2008 و طلبت النيابه العامه تحويل المتهمين لمحكمة الجنح بتهمة الاحتجاز و المعامله الغير انسانيه و الاتجار بالبشر.

فى اواخر نوفمبر 2010 قبضت السلطات فى البحرين على راجل و ست بتهمة الاعتداء بالضرب على خدامتين من اسيا و حبسهم فى حمام لمدة 6 ايام.

فتح ملف تعذيب الخدمات

فى اواخر يونيه 2011 استنكرت اندونيسيا المظالم اللى بتتعرض ليها الخدامات الإندونيسيات فى منطقة الخليج ، و أعلن الرئيس الإندونيسى سوسيلو يوديونو بامنانج عن فتح ملف الخدمات فى دول الخليج كرد فعل لقضية اعدام خدامه اندونيسيه من غير تبليغ بلدها ، و طالب بإعادة النظر فى كل اتفاقيات التعاون مع البلاد التانيه. و طلب الرئيس فتح ملفات تحقيق عاجله للعماله فى دول الخليج ومتابعة أحوالهم و قال ان فيه اتجاه لوقف أرسال خادمات لكن بعد فترة الدنيا ظبطت أوي ومبقاش فى اى مشكلة بعد محكم القضاء علي الشخص اللى أعتدي علي الخدامة ب 3 سنين سجن وبكده رجعت الدنيا ميه ميه بعد متدخل القانون عشان يحل المشاكل الفردية دي والمهم الدنيا ظبطت وبقت زي الفل .

لينكات برانيه و مصادر