انسانيه
![](http://upload.wikimedia.org/wikipedia/commons/thumb/b/bd/ARZWikify.png/40px-ARZWikify.png)
| ||||
---|---|---|---|---|
![]() | ||||
![]() | ||||
تعديل ![]() |
الانسانية (انجليزى: Humanism; فرنساوى: Humanisme) هى مجموعة فلسفات ، او طريقة تفكير ، بتقول ان كل الناس تستحق الاحترام والكرامة ، وان الناس لازم يقدرو يحددو بنفسهم ازاى يعيشو حياتهم. الانسانيين بيقولو ان الناس لازم تختار معتقداتها عن طريق انهم يفكرو كويس قوى ويستخدمو العقل والمنطق بدل من الاعتماد على حاجات زى الدين او المعتقدات اللى مفيش دليل على صحتها. الانسانيين بيقولو كمان ان ممكن الانسان يعرف الصح والغلط عن طريق التفكير والوصول لقرارات سليمة وان الانسان مش محتاج دين عشان يكون انسان كويس.
الانسانيين عايزين يشوفو كل الناس ناجحين وسعيدين فى حياتهم ومحققين ذاتهم. فى الفكر الانسانى القرار او الاختيار السليم هو القرار اللى يخلى حياة الناس افضل، ولما تحصل مشكله سواء على المستوى الفردى او الجماعى بيكون مهم جدا اننا نحلها عن طريق استخدام العلم والمنطق.