احداث ثيرميدور
احداث ثيرميدور او "الثوره على روبسبير" كانت ثوره على النظام اللى ماسك الحكم فى وقت الثوره الفرنساويه و كانت ضد حكم الارهاب حصلت فى سنة 1794 . بعد السيطره على الحكم طلع قرارات باعدام كل المسؤلين عن حكم الارهاب و على اول اللسته روبسبير و سان چست و منعت حزب الجاكوبين و لغت قوانين الحكومه القديمه كان عاملها . الاحداث دى خلصت على المرحلة التانيه من الثوره الفرنساويه اللى كان التيار الثورى المتطرف بقيادة الجاكوبين مسيطر على الحكومه و على كل حاجه فى فرنسا.الثوره دى حصلت فى 27 يوليه 1794 ( 9 ثيرميدور من السنة 2 بالتقويم الفرنساوى الثورى ).
الوضع قبل الاحداث
[تعديل]بقى حزب الجاكوبين مسيطر على كل حاجه فى فرنسا بعد ما قضى على معظم المعارضين ليه , و بقى روبسبير اقوى سياسى فى فرنسا و مسيطر على كل حاجه ( بعد اغتيال جان بول مارات و اعدامه لزميله دانتون , بعد ما عارض شويه من افكاره و قال ان حكم الارهاب قضى دوره و لازم يوقف ), و اعدامه سياسين كبار تانين من احزاب تانيه و من حزب الجاكوبين نفسه عشان شاف انهم بيعادوا الثوره و كانو مختلفين معاه.
المؤامره على روبسبير
[تعديل]![](http://upload.wikimedia.org/wikipedia/commons/thumb/2/21/Execution_robespierre%2C_saint_just....jpg/300px-Execution_robespierre%2C_saint_just....jpg)
زاد عدد المعدومين فى فرنسا لحد ما وصل عددهم فى ست اسابيع بس لست الاف واحد. و كان روبسپير بيروح البرلمان كل مرة يقول اسامى ناس بيتهمهم انهم اعداء الثوره ويروح عادمهم تانى يوم. و بقى متسلط وديكتاتور بشكل مش طبيعى بعد ما كان بيطالب بالديموقراطيه. و فى مره دخل البرلمان و قال ان معاه لسته جديده باسامى اعداء الثوره بس مرداش يقرا الاسامى , وقتها اللى اتبقى من مؤيدينه و زماليه خافوا ليكون ناوى يعدمهم هما كمان زى ما عمل مع دانتون وناس تانيه كتيره وقالوا كفايه كدا قوى وراحوا منظمين لمجموعات من المعارضين اللى كانو بينظموا انقلاب و اتجمعوا فى يوم 9 ثيرميدور (الموافق 27 يوليه 1794 ) و راحوا قابضين عليه وعلى المساعدين بتوعه و المسؤلين فى الحكومة و اعضاء فى حزب الجاكوبين .
قرارات الاعدام
[تعديل]بعد السيطره على الحكم و القبض على روبسيبير طلعت قرارات اعدام ليه و ل21 من المسؤلين فى فترة حكم الارهاب فى 10 ثيرميدور (28 يوليه 1794 ) و اتعدموا كلهم ب الجيلوتين فى ميدان عام قدام الناس.