Wikipedia:Criterios d'admisibilidat d'articlos

Ista pachina describe una politica oficial de Wikipedia en aragonés.

Ha estau elaborada por a comunidat y o suyo cumplimiento ye obligatorio ta toz os editors. Puez editar-la pa amillorar a suya redacción y formato, pero si deseyas cambear a politica, caldrá consensuar-lo con a resta d'a comunidat.

Estes criterios d'admisibilidat d'articlos, prou incompletos, miran d'amostrar qué criterios s'emplegan ta determinar quan un articlo tien un puesto en a Biquipedia. Beluns d'els son descritos en Cosas que Biquipedia no ye. Son pensatos ta que s'escriban en a descripción d'as Pachinas ta suprimir.

Admisibilidat d'es articlos

No existe garra procedimiento d'admisión a priori: cada vesitant puet creyar un articlo en qualsiquier momento siga qual siga lo suyo tema. Ye siempre deseyable que sía construyito d'alcuerdo con as convencions en vigor en Wikipedia, especialment con as convencions sobre tetulos y d'a neutralidat d'o punto d'anvista.

Tant luego como s'haiga creyato l'articlo, amaneix automaticament adintro de Especial:Newpages y d'es Zaguers Cambeos. Ixas pachinas son cosiradas de contino per altros colaboradors ta proceder con as adaptacions que estasen necesarias, d'alcuerdo con es prencipios en os quals Biquipedia ye alazetata. Un articlo nuevo puet ser considerato de tres trazas:

Ye clarament beneficioso ta Biquipedia, sin garra singularidaz.
Abusa clarament de Biquipedia, ye borrato y eleminato sin demora.
Se troba en l'aria girsa d'es articlos de valura descutible. A plantilla {{destruyir}} mesa en a cabecera de l'articlo lo colocará dintro d'a categoría d'es articlos que cal suprimir.

O proceso de supresión consiste en replegar o consenso ta suprimir-lo u conservar-lo. A duración d'ixe proceso ye per un regular de una semana, anque en caso de debat, puet prorrogar-se dica dos semanas.

Criterios chenerals

Es articlos consistents en una simpla definición d'una parola d'o lenguache común, sin contenito enciclopedico, s'han de privar. A millor solución ta ixa mena d'articlos consiste en enamplar-los. O mes gran problema se perfila quan l'editor insiste en producir un gran numbro d'articlos d'ixe estilo. Se veiga tamién Wikipedia:A Wikipedia no ye pas un diccionario.

Una norma, que pareix aparent pero que sindembargo i hai editors que no respectan, ye que es articlos sían escritos en luenga aragonesa.

Biografías

Ta privar que Biquipedia esdevienga un meyo d'autopromoción ta personas encara desconoixitas, s'aconsella de dedicar-ne articlos només quan responden ta es siguients criterios:

Artistas

Un artista u colla d'artistas ye considerato como notorio quan han producito dos obras d'arte. Ta un pintor, ixo significa haber feto a lo menos dos quadros, ta una colla musical, dos discos editatos, etc.

Manimenos, es artistas que haigan plegato t'a fama sin haber acomplito garra d'ixas condicions tamien pueden ser obchectos d'un articlo. Especialment per o suyo exito en o plano artistico, historico u comercial. Asinas, a notoriedat se puede contrimostrar fendo una busca en un motor de busca.

Musicos u collas

Cal que correspondan con es motivos explicatos en a pachina Wikipedia:Notoriedat musical.

Pintors y artistas d'as artes visuals

Cal que sían reconeixitos adintro de bell museu u colección reconoixible.
Haber feito a lo menos dos exposicions personals, creticatas u presentatas a traviés d'es meyos de comunicación (televisión, radio, prensa...).

Escritors y altros artistas d'a escritura

Cal que haigan editato a lo menos dos libros.

Que sían referenciatos adintro d'una obra de referencia reconoixita (enciclopedia, diccionario, etc.)

Que haigan recibito bell premio reconoixito (Pulitzer, Nobel, etc.).

Artistas de teatro

Cal que haigan meso en scena a lo menos una pieza en un teatro de ran nacional.
Que sía actor prencipal adintro d'una pieza notoria.
Que sía actor segundario adintro de 3 piezas notorias.

Artistas de cine

Cal que sía realizador d'una cinta notoria.
Actor prencipal en una cinta notoria.
Actor segundario en 3 cintas notorias.

Artistas de televisión

Cal que sían actors prencipals en d'una serie u telefilme important (cadena de televisión, Prime Time per cable u editato en DVD -1 temporada completa u 5 telefilmes-).
Que sía presentador prencipal d'un programa de televisión notorio.
Que sía ganador d'un concurso televisato de Prime Time u de larga duración.

Cientificos u universitarios

Cal que haigan recibito un premio scientifico nacional u internacional (ta l'ixemplo, o premio Nobel, medalla d'o CNRS, etc.).
Que sían autors reconoixitos adintro d'o dominio considerato.
Que sían autors d'una teoría prou difundita.
Que sían citatos adintro d'una obra de referencia reconoixita (enciclopedia, diccionario, etc.).
Que sía un personache que amaneixca a sobén en es meyos de comunicación d'ambito nacional u internacional.

Esportistas

Cal que haigan ganato una competición u torneyo internacional u que bi haiga feito una d'as primeras posicions.
Que haigan chugato en una liga profesional u competición de ran equivalent ta un esporte profesional endividual u encara en o mes altero nivel d'un esporte amateur, encluyitas as competicions unversitarias d'es Estaus Unius. Es articlos sobre miembros d'equipos de primera que encara no haigan chugato tota una temporada con o suyo equipo tamien pueden ser apropriatos perque son chugadors ya funcionals en una competición europeya de campionato u copa.
Que haigan clamato l'atención d'os meyos per as suyas actividaz difuera d'o esporte (p. ex. O escandalo d'o dopache).
Que haigan estato seleccionatos ta una selección nacional esportiva.
Que haigan estato campions d'una federación nacional esportiva y oficial.

Personalidaz politicas

Cal que sían miembros d'un gubierno nacional u endentro d'un estato federal, miembros d'o gubierno d'una d'as entidaz federals.
Que perteneixcan a bell parlamento nacional u en un curso lechislativo de ran rechional en estatos federals (Cantons suizos, provincias canadencas, entidaz federals belgas, etc...) y mes que mes endentro d'as rechions con autonomía marcada en estatos no federals (Escocia, País Basco, etc.).
Que sían parti de l'aparato de gubierno d'un partito politico important u d'a dirección d'un partito no marchinal.
Que sían parti de l'animación d'un grupo de reflexión politica notorio (ThinkTank).
Notoriedat nacional, rechional, provincial u cantonal. O grau de notoriedat purament local ye de tot insuficient ta que s'encluya. Es alcaldes de villas u ciudaz importants chustifican a suya inclusión per a suya notoriedat de ran a lo menosp rechional.

Toz istes criterios s'habrán d'aplicar con cuenta, como sucherencias consensuatas que son y no pas regles richidas. S'habrá de veyer y argumentar escrupulosament as excepcions eventuals.

Interpresas, sociedaz y productos

As interpresas, sociedaz y productos pueden tener o suyo puesto en Biquipedia, pero siempre que es suyos articlos no sían clarament propaganderos u as interpresas u sociedaz representatas tiengan una relevancia real.

Obras de ficción y es suyos components

As obras de ficción (libros, cintas, chuegos de video, etc.) pueden tener o suyo puesto en a Biquipedia como es* suyos components (personaches, conceptos, puestos, creyaturas, etc.).

Sitios Web, Webmasters, foros y altros miembros d'una comunidat en Internet

Perque Biquipedia no ye pas un puesto d'autopromoción ta sitios d'Internet, només se recomienda a creyación d'articlos referents en es siguients casos:

Que sían conoixitos per un gran numbro de personas.
Que sían parti d'es prochectos ahuespatos per a fundación Wikimedia, sía una Wikipedia u qualsiquier altro prochecto chirmán.

Es articlos sobre Webmasters u administradors, miembros de foros, miembros de collas de descusión u aquels que perteneixen ta qualsiquier altra comunidat d'ixa mena serán, per un regular, no admesos de no ser que ixa persona haiga contribuito ta un prochecto realment significativo u sía notoriament reconoixita en altros dominios d'alcuerdo con es criterios definitos en ista pachina.

Articlos sobre es* numbros

No cal que haiga articlos sobre toz os numbros enters en a Biquipedia. Ixo tamién ye valido t'as anyadas; no cal que se i faiga un articlo sobre l'anyo -321456987.

Establimientos d'amostranza

Ista man concierne as universidaz, as grans escuelas, y as academias que como es Liceus de Francia u es Colechios/Chimnasios de Suiza tiengan importancia.

Recetas de cocina

Es articlos sobre recetas de cocina son admesos en Biquipedia siempre que contiengan información enciclopedica. Ixo quier decir que se pueden describir es ingredients, es aspectos socials, historicos, tradicionals y parellanos d'o plato, pero no cal explicar detalladament toz es aspectos tecnicos d'a suya paranza.

Qué fer quan un articlo no correponde con es criterios d'admisibilidat

Un articlo que no corresponde con es criterios d'admisibilidat tampoco no cal que s'haiga de destruir decamín.

En toz es casos, será de cortesía meter una sucherencia ta l'autor ta que enample l'articlo y lo faiga millor.