Pirita
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Pirita | ||
|---|---|---|
 Cristals cubicos de pirita | ||
| Categoría: | Sulfuros | |
| Clase: | 2.EB.05a (Strunz) | |
| Formula quimica: | FeS2 | |
| Color: | Amariella latón | |
| Raya: | Negra verdenca - negra marrón | |
| Lustre: | Metalico | |
| Transparencia: | Opaca | |
| Habito: | Cubico. Tamién puet presentar-se en octaedros y piritoedros. A vegadas radial. | |
| Macla: | Cruz de fierro | |
| Trencadura: | Poco regular, a vegadas concoidal | |
| Dureza: | 6 - 6,5 | |
| Tenacidat: | Fráchil | |
| Densidat: | 4,95 – 5,10 g/cm3 | |
A pirita ye un mineral con formula FeS2, d'a clase d'os sulfuros que cristaliza en o sistema cubico. A pirita s'espleitaba d'antes pa obtener acido sulfurico pero a desulfuración d'o petrolio pa evitar a contaminación con oxidos de zufre ha feito cayer muito o pre suyo.[1]
En o Pireneu a pirita se presenta de diferents trazas: en forma de nodulos, en forma de fanerocristals u en forma de chicotas masas.[2] Puet trobar-se nodulos en losetas en puestos como o puent de Cuberre a l'este de Sarllé, en a val de Castanesa u en Sallent de Galligo.
En o Sistema Iberico a pirita se puet trobar en a formación arenas d'Utriellas asociada a lo lignito d'unas cuantas formas: fanerocristals, nodulos, masiva, granuda u dica fibrosa-radiada. Tamién bi ha pirita en as menas de fierro de Uellos Negros y ammonites piritizaus en determinaus chacimientos d'Ambel, Ricla y Sant Martín de la Virchen de Moncayo.[2] Cerca de Purroi bi ha una mena abandonada de pirita.
Referencia
[editar | modificar o codigo]- ↑ Francisco Anguita Virella, Fernando Moreno Serrano: Procesos Geológicos Internos. Editorial Rueda. Madrit 1991, pp 203-204.
- ↑ 2,0 2,1 Josefina Besteiro, Miguel Calvo, Andrés Pocoví, Emilia Sevillano: Minerales de Aragón. Mira Editores S.A, 1988, pp 37-39
Bibliografía
[editar | modificar o codigo]- Olaf Medenbach, Cornelia Sussieck-Fornefeld: Minerales Guías de la naturaleza Blume. 1990.
- Josefina Besteiro, Miguel Calvo, Andrés Pocoví, Emilia Sevillano: Minerales de Aragón. Mira Editores S.A, 1988.
- Francisco Anguita Virella, Fernando Moreno Serrano: Procesos Geológicos Internos. Editorial Rueda. Madrit 1991.
| Control d'autoridaz |
|
|---|
