Piqueta

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo tracta sobre as piquetas que son acumulacions chiquetas de melanina en a piel. Ta la ferramienta se veiga Piqueta (ferramienta).

As piquetas u piguetas (en terminolochía dermatolochica Efélides) son acumulacions pigmentarias (picas) chiquetas en a piel que gosan apareixer, mes que mes, en grant numer en as personas de fenotipo cutanio claro, en arias concretas d'o cuerpo como pueden estar a cara, os huembros u lo peito. Apareixen en os ninos, persistindo en a mayoría d'a vida, y se gosan ausudir con os anyos, con tendencia a desapareixer en as personas d'a tercera edat. L'adchectivo que s'aplica en as personas con picas ye «picuto» u «pecuto»,^[1] anque se fa lochico pensar que en as variants dialectals aragonesas que sonorizan as consonants oclusivas xordas intervocalicas i podese estar «pecudo» y «picudo»,^[2] u dica «pigudo»^[3] en as zonas en dó que se i diz «piga».

A predesposición a tener-ne ye chenetica, y s'ha quiesto relacionar-la con a presancia d'una variant d'o chen d'o receptor d'a melanocortina-1, MC1R. Amaneixen con a exposición a lo sol en as personas con a dita variant chenica, en seguindo lo mesmo proceso que en a producción de moreno común en a resta d'as personas.

Se veiga tamién

Vinclos externos

Se veigan as imáchens de Commons sobre piquetas.

Referencias

↑ (es) ELCOCK, William Dennis, Algunas afinidades fonéticas entre el aragonés y el bearnés (traducción de l'orichinal de 1938); Xordica Editorial. Zaragoza, 2005. ISBN 978-84-96457-09-5
↑ Bariant conoixida en A Buerda (val d'a Cinca, Sobrarbe), en dó que se diz o castellanismo «peca» (no ye una parola guaire antiga en Sobrarbe, probablement perque sostituye a la forma autoctona «pica» que se documenta en altros lugars d'a comarca), pero encara se i dicen «piquetas» as efélides.
↑ Variant que podría conoixer-se, anque ofreix dudas, en a val d'A Fueba (Sobrarbe), en dó que i dicen tamién «piga» y «pigueta», y no pas «pica» y «piqueta».

Datos: Q187882
Multimedia: Freckles / Q187882

[ELCOCK-1] (es) ELCOCK, William Dennis, Algunas afinidades fonéticas entre el aragonés y el bearnés (traducción de l'orichinal de 1938); Xordica Editorial. Zaragoza, 2005. ISBN 978-84-96457-09-5

[2] Bariant conoixida en A Buerda (val d'a Cinca, Sobrarbe), en dó que se diz o castellanismo «peca» (no ye una parola guaire antiga en Sobrarbe, probablement perque sostituye a la forma autoctona «pica» que se documenta en altros lugars d'a comarca), pero encara se i dicen «piquetas» as efélides.

[3] Variant que podría conoixer-se, anque ofreix dudas, en a val d'A Fueba (Sobrarbe), en dó que i dicen tamién «piga» y «pigueta», y no pas «pica» y «piqueta».

[1]

[2]

[3]