Piolet
![](http://upload.wikimedia.org/wikipedia/commons/thumb/c/c2/Ice_axe.png/220px-Ice_axe.png)
1 – Fuella u folleta
2 – Cabeza u cruz
3 – Badil u axuela
4 – Acopladera
5 – Tope de l'acopladera
6 – Mango
7 – Punta u coballá
Un piolet[1] ye una ferramienta polivalent de senderismo y escalada utilizada per os montanyers mesmo en l'ascenso que en o descenso de rotas que impliquen nieu, chelo u condicions cheladas.[2][3]
Components d'un piolet
[editar | modificar o codigo]Un piolet consta de siet components:
- Cabeza u cruz (2) — normalment feito de metal y incluye la fuella y l'axuela. S'agarrapiza la cabeza usando-la pa autodetención u autoaseguramiento. Bi hai un forau en o centro d'a cabeza usau pa pasar per allí un mosquetón u atar una correya.
- Pala u hojuela (3) — a parte plana, a sección mas ampla d'a cabeza, usada pa tallar nieu dura y chelo. Beluns tienen en o suyo puesto un martiello.
- Acopladera (4) — correya con un lazo achustable pa asegurar o piolet a la man. L'acopladera ye normalment asegurada a'l mango per un aniello (5), que limita l'eslizamiento dica bella distancia de la cruz. Qualques modernas ferramientas pa escalar sobre chelo no tienen acopladera y usan formas mas ergonomicas con curvas pronunciadas y agarrapices.
- Mango (6) — normalment feito de metal, y.g., aluminio u titanio, u bel componiu como fibra de vidrio, kevlar u filamentos de carbonio. Orichinariament, los piolets teneban mangos de fusta, normalment carya, pero a liuchereza y durabilidat d'os piolets de ro, os han relegado a figuras de museu.
- Punta u coballá (7) — una punta d'acero en a parte inferior, usada pa clavar o piolet en a nieu, pa aconseguir estabilidat, equilibrio y seguridat. A vegadas s'utiliza sobre camins rocosos pa l'equilibrio, pero cal tener cudiau de no desgastar a punta.
Lo rango de los piolets va dende 40 dica 90 cm de longaria. Los piolets de 40–60 cm son millors pa l'escalada con chelo, mientres que os de mas longaria son millors pa montanyismo en cheneral. Ye común que pa l'escalada en chelo s'utilicen dos piolets de traza simultania, un en cada man, pa tener un punto d'emparo adicional y amillorar l'equilibrio. Actualment, este tipo de piolets tienen una forma curva que aduya a que as mans no tiengan contacto con o chelo de traza directa y permiten que a pica penetre en o chelo en un anglo que ye mas eficient pa sostener o peso de l'escalador.
Referencias
[editar | modificar o codigo]- ↑ (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
- ↑ "Error:
|títol=
no especificau en emplegar {{cita web}}Plantilla:Namespace detect showall". https://outder.es/como-elegir-un-piolet/. - ↑ "Error:
|títol=
no especificau en emplegar {{cita web}}Plantilla:Namespace detect showall". https://www.revistaoxigeno.es/consejos-tecnica/tecnica-basica-de-progresion-con-piolet_53299_102.html.