Pene
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
![](http://upload.wikimedia.org/wikipedia/commons/thumb/d/db/Penis_Anatomy.gif/250px-Penis_Anatomy.gif)
O pene ye un organo externo de l'aparato reproductor masculín, propio de toz os mamifers y belatros animals, tanto vertebratos como invertebratos.
Denominacions populars
[editar | modificar o codigo]I hai una gran variedat de parolas emplegadas popularment pa referir-se a lo pene en aragonés. Estes son cualques eixemplos:[1][2]
- pa lo pene adulto: gaita, chuflaina, guía, mingorra, picha, pichador, pichorra, pichorro, pixador, pixón, pixorra, mingola, tranca, faba, minga, pistoled, rabaned, picholota, chiflo, ceringallo, ciringallo, chuzo, cuca, minga, mingarra, mingola, mindorra, minyona, moixona, pendol, pendola, pendula, ravanet, verga, zarangallo.
- pa lo pene d'o nino: cuqueta, minina, pechín, coseta, mingoleta, cucona, cucolona, mingoleta, mingolona, minina, minona, mixinina, mixolona, moixoneta, pixoneta, pixorreta, pixorrón, pixorrona, pixarrona, rapiz.
Consideracions chenerals
[editar | modificar o codigo]En os mamifers ye situato internament debant d'a simfisi d'o pubis, a o cual ye adherito, y externament en a parti mas posterior (mas inferior, en o caso d'os animals con marcha bipeda, como l'hombre) d'a cara ventral de l'abdomen. En l'hombre y belatros mamifers, se troba chusto por dencima d'o escroto, de manera que por a parti superior superior sale de l'abdomen mientres que por a inferior lo fa d'o escroto.
En os mamifers ye erectil y conduce a uretra dica l'exterior, ta asinas permitir a expulsión tanto d'a orina -en a micción-, como d'o esperma, en a echaculación. A mas a mas, en estato d'erección, fa posible o coito.
Ye l'equivalent embrionario d'o clitoris femenín, ya que os dos provienen d'a mesma estructura embrionaria que se diferencia en un organo u en l'atro en función d'a carga hormonal que marca a presencia d'os cromosomas sexuals d'o masclo u d'a fembra.
Referencias
[editar | modificar o codigo]- ↑ (an)/(es) Juan Moneva y Puyol: Vocabulario de Aragón. Edición y estudio de José Luis Aliaga, Xordica Editorial, ISBN 978-84-88920-97-3, 2004, p.270
- ↑ (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
Partis d'o cuerpo humán | |||||||||||
---|---|---|---|---|---|---|---|---|---|---|---|
|