Lunetas de sol
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
![](http://upload.wikimedia.org/wikipedia/commons/thumb/0/08/Mezmay%2C_Sports_sunglasses%2C_Russia.jpg/300px-Mezmay%2C_Sports_sunglasses%2C_Russia.jpg)
As lunetas de sol son un tipo de lunetas protectoras disenyadas pa evitar que a luz solar y atros tipos de luz visible d'alta enerchía danyen u molesten a os uellos.[1] A vegadas proporcionan corrección como as lunetas convencionals.
Optica
[editar | modificar o codigo]Dende un punto de vista optica se mira de que as lunetas de sol bloqueyen a luz molesta y perchudicial como a luz ultravioleta, en condicions de luz intensa sin distorsionar a imachen, u mesmo emponderar a percepción y a nitidez d'ista.
Pa minimizar a distorsión cromatica, que podría ser periglosa por eixemplo, en adugar, as lentes se gosan fabricar de color grisa, verda u marrón. Istas dos zagueras son particularment recomendables, ya que amás amilloran o contraste d'a imachen. As grisas ni amilloran o contraste ni distorsionan a color. As amariellas y naranchas son as que más amilloran o contraste pero distorsionan as colors, lo mesmo que sucede con as royas que son más que más recomendables en condicions d'escasa luz. As lentes se fabrican de vidre, policarbonato, metacrilato u CR-39. As de vidre tienen as millors qualidatz opticas y de resistencia a las rayas pero son frachils y pesadas. Muitas lunetas de sol se fabrican con filtros polarizadors que eliminan parti d'os reflexos de superficies brilantes amillorando a percepción visual.
También s'usan lunetas protectoras pa muitos treballos y aplicacions tecnicas como a soldadura por arco, a on s'emplegan lunetas y cascos que protechen d'a intensa luz y as emisions ultravioleta que emite l'arco electrico. Tamién en ambitos a on s'emplega luz láser de cierta potencia como cirurchía se fan servir lunetas que bloqueyan a lonchitut d'onda d'o láser pa evitar os danyos d'exposicions accidentals.
Referencias
[editar | modificar o codigo]- ↑ (en) UV Protection - Sunglasses Shopping Guide. American Optometric Association
Se veiga tamién
[editar | modificar o codigo]Se veigan as imáchens de Commons sobre as lunetas de sol.
- Ray-Ban Aviator