Lasieso
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Iste articlo ye sobre un lugar d'o municipio de Samianigo. Pa atros usos se veiga Lasieso (desambigación).
| Lasieso | |
| Lugar d'Aragón | |
 | |
| Entidat • País • Provincia • Comarca • Municipio |
Lugar Aragón.svg){kind=small} UescaAlto Galligo Samianigo |
| Partiu chudicial | Chaca |
| Población • Total |
10 hab. (2016) |
| Altaria • Meyana |
721 m. |
| Distancia • 44 km |
enta Uesca |
| Codigo postal | 22621 |
| Parroquial • Diocesi • Arcipestrau • Parroquia |
Chaca Samianigo Sant Pero |
| Coordenadas | |
Lasieso ye un lugar d'a provincia de Uesca situato en o municipio de Samianigo, en l'Alto Galligo, cerca d'a confluencia d'os ríos Galligo y Guarga.
Entre os suyos edificios, aliniatos toz arredol d'a carrera prencipal, destacan a ilesia de Sant Pero, casa Estaún, casa Cirujano u a casa-patio d'os Allué.
O lexico aragonés d'intrés etnografico de Lasieso se conoix relativament bien por figurar esta localidat en l'ALEANR con a sigla Hu 110.[1]
Toponimia
[editar | modificar o codigo]Se creye que o nombre de Lasieso promana d'o latín SESSUS (población) u d'un nombre de persona latín LASIO.[2]
Demografía
[editar | modificar o codigo]Teneba a la fin d'o sieglo XV 6 fuegos. A mitat d'o sieglo XIX yeran 19 os suyos habitants y en 1981 encara en yeran 51. En 2016 a suya población ye nomás de 10 habitants.
| 1981 | 2001 | 2004 | 2016 |
|---|---|---|---|
| 51 | 17 | 16 | 10 |
Puestos d'intrés
[editar | modificar o codigo]A ilesia de Sant Pero de Lasieso, una ilesia adedicada a Sant Pero en estilo romanico que fa parte d'as ilesias de Sarrablo y que ye la ilesia parroquial d'o lugar.[3] Exteriorment l'edificio, en piedra picada chicota (menos en a suya torre y en a parte ma baixa d'a nau, que son de tamanyo normal), parixe estar formau por dos naus pero que en realidat nomás en tien que una sola nau con una cambra adosada baixo la suya torre y a on se i dentra dende la nau prencipal; a la ilesia se i dentra a traviés d'un arco de meyo punto.[4]
Referencias
[editar | modificar o codigo]- ↑ (es) Manuel Alvar: Atlas lingüístico y etnográfico de Aragón, Navarra y Rioja. Institución Fernando el Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo I, Lamina 3, Mapa nº 3.
- ↑ (es) Daniel Lerín Cristóbal, Teresa Tiñena Abril:Toponimia de la Baja Guarguera, Comarca Alto Gállego, 2006, ISBN 84-934262-3-7, p.38
- ↑ (es) Parroquias del Arciprestazgo de Sabiñánigo en o sitio web d'a Diocesi de Chaca.
- ↑ (es) Iglesia de San Pedro de Lasieso en o sitio web d'o Sistema de Información del Patrimonio Cultural Aragonés.
Vinclos externos
[editar | modificar o codigo]
