Laco de Gostanza
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Laco de Gostanza Bodensee | |
---|---|
![]() O laco de Gostanza. | |
Administración
| |
País | ![]() ![]() ![]() |
Estau | |
Provincia | |
Comarca | |
Municipio | |
Cheografía
| |
Tipo | |
Orichen | |
Superficie | 536 km² km² |
Superficie | ha |
Altaria | 395 m |
Longaria | 63 km km |
Amplaria | 14 km km |
Fondura | 90 m |
Volumen | hm³ |
Fuent | |
Desagüe | |
Desagües |
|
O laco de Gostanza (en alemán Bodensee) ye un laco que se troba en a confluencia d'as buegas d'Alemanya, Austria y Suiza.[1] Con una superficie de 536 km² se tracta d'o tercer laco mas gran d'Europa Central dezaga d'o laco Chinevra y d'o laco Balaton. En a suya redolada viven bellas 2,5 millons de personas estando Gostanza la ciudat mas gran con mas de 83 000 habitants.
O laco se trestalla en tres partis clamadas Obersee, Seerhein y Untersee.
Toponimía
[editar | modificar o codigo]En epoca romana lo laco yera denominau en latín Lacus Raetiae Brigantinus u Lacus Brigantiae prenendo lo suyo nombre d'a mayor ciudat d'o laco alavez: Brigantium (actualment Bregenz).
O nombre actual en alemán Bodensee proviene d'o lugar Bodman. Per unatra parti en as luengas romances (como l'aragonés, lo francés u l'italián) lo nombre actual procede d'o latín Lacus Constantiensis en referencia a la ciudat de Gostanza (en alemán Konstanz).
Islas d'o laco
[editar | modificar o codigo]I hai cuantas islas en o laco. As tres mas grans son:
- a isla de Reichenau: ye la mayor y en ella se troba l'antigo monesterio de Reichenau.
![](http://upload.wikimedia.org/wikipedia/commons/thumb/f/f2/Lindau_Insel_Luftbild3.jpg/250px-Lindau_Insel_Luftbild3.jpg)
- a isla de Lindau ye la segunda mas gran d'o laco y sobre ella se troba la ciudat de Lindau.
- Mainau ye la tercera isla en grandaria y perteneixe a la familia Bernadotte.
A resta d'as islas tienen chiqueta grandaria:
- Triboldingerbohl.
- Mittler (u Langbohl).
- Dominikanerinsel.
- Insel Hoy.
- Wollschweininsel (u Wulesaueninsle).
- As islas Werd.
- Liebesinsel.
Clima
[editar | modificar o codigo]O clima d'o laco Gostanza se carauteriza per temperaturas moderadas. Manimenos, as frecuents boiras en hibierno y l'aire clamau Föhn que puede plegar a causar ondas de cuantos metros d'altaria, ofreix periglo a la navegación.
![](http://upload.wikimedia.org/wikipedia/commons/thumb/f/fc/Foehnwind_am_bodensee.jpg/250px-Foehnwind_am_bodensee.jpg)
Belún tiempo se conchela completament lo laco en un fenomeno clamau Seegfrörne. Se conoixen os que tenioron puesto en os anyos 1077, 1326, 1435, 1573, 1684, 1695, 1795, 1830 y 1963.
Economía
[editar | modificar o codigo]Antis mas a pesca formaba una parti important d'a economía d'a redolada. En l'actualidat a suya importancia ye muito menor. Tot y con tot s'atrapan bellas 1.100 toneladas de peix cada anyada.
O cautivo de vinyals tien gran importancia asinas como lo cautivo d'a mazanera. Cuasi una de cada tres mazanas producidas en Alemanya proceden d'a redolada d'o laco Gostanza.
O turismo tien un enorme desembolique con mas de 70 millons de visitants per anyada.
En a cultura popular
[editar | modificar o codigo]Lo laco ha serviu d'escenario en diversas cintas y series de televisión.
Cintas
[editar | modificar o codigo]- Die Fischerin vom Bodensee (1956).
- Drei Mann in einem Boot (1961).
- Alter Kahn und junge Liebe (1973).
- Das Biest im Bodensee (1999).
- Heirate mir! (1999).
- Probefahrt ins Paradies (1993).
- Lebe kreuz und sterbe quer (1985).
- Ein fliehendes Pferd (2007).
- James Bond: Ein Cuantum Trost (2008).
- Eine dunkle Begierde (2010).
Series de televisión
[editar | modificar o codigo]- Bilderbuch.
- Tatort.
- Sternenfänger.
- Die Toten vom Bodensee.
- WaPo Bodensee.
Bibliografía
[editar | modificar o codigo]- (de) Patrick Brauns: Das Bodensee-ABC. Von Aach bis Zeppelin., Thorbecke, Ostfildern, 2007, ISBN 978-3-7995-0181-1.
Referencias
[editar | modificar o codigo]- ↑ (en) Rolf Zimmermann:A Look at Lake Constance, Konstanz, Germany: Stadler Verlagsgesellschaft, 2004, ISBN 3-7977-0507-7