Charade (cinta de 1963)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre una cinta de cine estausunidense de l'anyo 1963; ta atros usos, se veiga Charade.

Charade
Títol	Charade
Póster de Charade.
Ficha tecnica
Dirección	Stanley Donen
Aduyant de dirección	Marc Maurette
Dirección artistica	Jean d'Eaubonne
Producción	Stanley Donen
Guión adaptau	Peter Stone
Basau en	The Unsuspecting Wife, relato curto de Peter Stone y Marc Behm (1961)
Musica	Henry Mancini
Fotografía	Charles Lang
Montache	James Clark
Vestuario	Hubert de Givenchy
Maquillache	Alberto De Rossi John O'Gorman
Actors	Cary Grant Audrey Hepburn Walter Matthau James Coburn George Kennedy Ned Glass Jacques Marin Paul Bonifas Dominique Minot
Datos y cifras
País(es)	Estaus Unius
Anyo	1963
Debantadera	5 d'aviento de 1963 Estaus Unius
Chenero(s)	Cine de comedia Cine de romance Cine d'intriga
Durada	113 min.
Idioma(s)	Anglés
Companyías
Productora(s)	Stanley Donen Productions
Distribución	Universal Pictures
Estudio(s)	Studios de Boulogne
Presupuesto	3 millons de dólars
Recauto	13,4 millons de dólars
Informacions en bases de datos especializadas:

Os actors Cary Grant y Audrey Hepburn en una escena d'a cinta.

As actrices Dominique Minot y Audrey Hepburn en una escena d'a cinta.

L'actor James Coburn en una escena d'a cinta.

Os actors Cary Grant y Audrey Hepburn en una escena d'a cinta.

Charade (títol orichinal en anglés, Charada en aragonés, enguerau con iste zaguer títol en Aragón traduciu enta lo castellano) ye una cinta de cine estausunidense de cine de comedia romance y intriga de l'anyo 1963 dirichida y producida por Stanley Donen ta la suya productora Stanley Donen Productions seguntes un guión adaptau de Peter Stone basau en The Unsuspecting Wife, un relato curto d'o mesmo Peter Stone y de Marc Behm de l'anyo 1961. Con una Banda Sonora Orichinal de Henry Mancini (incluyiendo-ie la canción Charade, nominada a l'Oscar a la Millor Canción Orichinal) y una direccion de fotografía de Charles Lang, en l'elenco d'a cinta bi amanixen destacaus actors como Cary Grant, Audrey Hepburn, Walter Matthau, James Coburn, George Kennedy, Ned Glass, Jacques Marin, Paul Bonifas y Dominique Minot.

Argumento

Mientres as suyas vacacions en Megève, en os Alpes franceses, Regina "Reggie" Lampert, una ciudadana estausunidense que treballa como interprete, li diz a la suya amiga Sylvie que piensa esvurciar-se d'o suyo esposo Charles. En ixe inte conoix a Peter Joshua, un atro estausunidense que li parixe escansador.

En rematar as vacanzas y tornar en París, Regina troba lo suyo apartamento vuedo. Un inspector de policía li explica que lo suyo mariu ha vendiu todas las suyas propiedaz y dimpués l'asasinoron cuan marchaba de Paría, y tamién han despareixiu los suyos diners. Nomás li tornan que la chicota bolsa de viache d'o suyo mariu a on nomás bi ha que una carta dirichida a ella, un billet de barco enta Venezuela, cuatre pasaportes con a fotografía d'o difunto pero cadagú d'éls expediu con un nombre diferent, y bellatros articlos personals. En o funeral nomás aparixen tres personas, todas tres sospeitosas, y una d'istas personas mesmo plega a clavar una agulla de cabeza en o cuerpo d'o difunto ta comprobar que sí que ye muerto.

Bien luego citan a Regine en l'embaixada d'Estaus Unius, a on se troba con Hamilton Bartholomew, qui li diz que ye l'administrador d'a CIA en la ciudat y li explica que los tres hombres que heban acudiu a lo funeral d'o suyo mariu yeran Herman Scobie, Leopold W. Gideon y Tex Panthollow y que toz tres, amás d'o suyo difunto mariu Charles y de Carson Dyle yeran cinco miembros de l'OSS mientres a Segunda Guerra Mundial y que heban recibiu la misión d'infiltrar-se en o territorio ocupau por os alemans ta entregar a la Resistencia francesa una important cantidat de diners, 250.000 dólars. Tanimientres, en cuentas de cumplir la suya misión os cinco hombres decidioron quedar-se con ixe dinero. Carson morió en una emboscada d'una patrulla alemana y Charles traicionó a los suyos companyers y se quedó todos los diners ta él. Dende alavez, os tres supervivients buscan recuperar os diners, mesmo que lo Gubierno estausunidense. Hamilton Bartholomew li diz a Regine que él creye que Regina tiene ixos diners u que a lo menos en sabe a on se troban, conscient u inconscientment, y que en consecuencia mesmo la suya vida se troba en periglo.

En marchar de l'embaixada, Regina troba una atra vegada a Peter Joshua, qui l'aduya a instalar-se en un hotel. Pero los tres hombres la troban y la visitan por separau, estando cadagún d'él convenciu de que Regina se troba en posesión d'os diners. Herman Scobie mesmo li diz que en realidat Peter ye aliau con éls; cuan Regina li pregunta a Peter, iste li confiesa que él en realidat ye lo chirmán de Carson Dyle, Alexander, y que lo suyo obchectivo ye de trobar a los culpables d'a muerte d'o suyo chirmán y fer-los compareixer debant d'a Chusticia ta que en reciban lo suyo castigo. Bien luego, mientres roz buscan os diners, Herman y Leopold son asasinaus. alavez, Hamilton li diz a Regina que Carson no en teneba pas, de chirmans. Regina s'encara con Peter y iste li diz que en realidat ye Adam Canfield, un ladrón profesional. Encara que sorprendida, Regina encara li fa confianza.

Reggie y Adam marchan enta lo zaguer puesto a on se conoix que Charles yera present mientres que yera vivo, un mercau d'estampetas a l'aire libre. En veyer a Tex, Adam lo sigue, y bien luego toz dos paran cuenta de que Charles gastó los diners en mercar estampetas valuosas y que ixas istampetas se trobaban en o sobre d'a carta que Charles ninviaba a la suya muller. Toz dos tornan ascape en l'hotel nomás ta trobar que lo sobre ha desapareixiu. Antiparte, por a suya cuenta Regine tamién descubre lo valor d'as estampetas d'o sobre, pero s'escayece que los li heba regalau a lo nino d'a suya amiga Sylvie y que iste los ha vendiu en ixe mesmo mercau a un filatelico. Cuan troban a lo filatelico, iste lis diz que yera asperando que plegasen, que sabeba que se tractaba d'una error, y lis torna las valuosas estampetas, amás de decir-les que las tres estampetas valen 250.000 dólars, que chustament ye la cantidat de diners desapareixida.

Cuan Reggie torna con as estampetas en lo suyo hotel troba en la suya cambra lo cuerpo de Tex, asasinau. En os suyos zaguers momentos de vida, Tex ha escrito un nombre, "Dyle". Regina creye alavez que Adam ye qui l'ha asasinau y truca por telefón a Hamilton, qui la cita en o Palais-Royal. Cuan marcha enta la suya cita, Adam la veye y la segundia. Bien luego Reggie se troba encaixada entre Hamilton y Adam. Adam li explica que Hamilton ye en realidat o propio Carson Dyle, qui heba sobreviviu a las suyas feridas luego d'o combate con a patrulla alemana y que dende alavez yera obsesionau con a venganza y con a recuperación d'os diners. Reggie preba de fuyir pero Carson Dyle la persigue, y Adam finalment logra salvar-la.

Cuan a lo día siguient Reggie y Adam plegan en l'embaixada estausunidense ta tornar-lis las estampetas, Adam no i dentra. Cuan Reggie dentra descubrirá qui ye en realidat Adam, que ye Brian Cruikshank, achent d'o Departamento d'o Trasoro d'o Gubierno. Bien luego, Brian li proposa matrimonio a Regina.

Rodache

O rodache d'a cinta de fació en os Studios de Boulogne en a comuna de Boulogne-Billancourt (Francia), con rodache d'exteriors en a ciudat de París.

Elenco

Actor	Papel	Notas
Cary Grant	Brian Cruikshank (alias Peter Joshua, Alexander Dyle y Adam Canfield)
Audrey Hepburn	Regina "Reggie" Lampert
Walter Matthau	Carson Dyle (alias Hamilton Bartholomew)
James Coburn	Tex Panthollow
George Kennedy	Herman Scobie
Dominique Minot	Sylvie Gaudet
Ned Glass	Leopold W. Gideon
Jacques Marin	Inspector de policía Edouard Grandpierre
Paul Bonifas	Mr. Felix
Thomas Chelimsky	Jean-Louis Gaudet
Marc Arian	Pasachero d'o metro	No acreditau
Claudine Berg	Sirvienta	No acreditau
Marcel Bernier	Taxista	No acreditau
Georges Billy	Hombre en o mercau d'estampetas	No acreditau
Albert Daumergue	Hombre en o mercau d'estampetas	No acreditau
Raoul Delfosse	Taxista	No acreditau
Lucien Desagneaux	Paseyant en o chardín publico	No acreditau
Stanley Donen	Hombre en l'ascensor	No acreditau
Colin Drake	Hamilton Bartholomew	No acreditau
Mel Ferrer	Hombre que fuma un petillo en a sala de fiestas	No acreditau
Jean Gold	Hombre qui escribe en a terraza d'a cafetería	No acreditau
Chantal Goya	Extra	No acreditau
Clément Harari	Turista alemán	No acreditau
Monte Landis	Mayestro de Ceremonias en "Les Black Sheep Club"	No acreditau
Bernard Musson	Recepcionista de l'hotel	No acreditau
Antonio Passalia	Representant d'Italia en EURESCO	No acreditau
Jacques Préboist	Vendedor de chelaus	No acreditau
Peter Stone	Hombre en l'ascensor / Voz d'o marine	No acreditau
Anthony Stuart	Representant d'o Reino Uniu en EURESCO	No acreditau
Michel Thomass	Chofer de l'embaxaidor	No acreditau
André Tomasi	Pasachero d'o metro	No acreditau
Roger Trapp	Emplegau d'a funeraria	No acreditau
Louis Viret	Emplegau d'o metro	No acreditau

Premios

Premio	Calendata	Edición	Categoría	Premiau	Notas
Premios Oscar	1964	36ena edición	Nominada a l'Oscar a la Millor Canción Orichinal	Charade, de Henry Mancini (musica) y Johnny Mercer (letra)
Premios BAFTA	1965	36ena edición	BAFTA a la Millor Actriz Britanica	Audrey Hepburn
	1965	36ena edición	Nominau a lo BAFTA a lo Millor Actor Forano	Cary Grant
Premios David de Donatello	1964	9ena edición	Premio Targa d'Oro	Charade
Premios Edgar Allan Poe	1964	?	Edgar Allan Poe a lo Millor Guión	Peter Stone
Premios Globos d'Oro	1964	21ena edición	Nominau a lo Globo d'Oro a lo Millor Actor de Musical u Comedia	Cary Grant
	1964	21ena edición	Nominada a lo Globo d'Oro a la Millor Actriz de Musical u Comedia	Audrey Hepburn
Premios Laurel	1964	?	Nominau a lo Laurel a la Millor Comedia	Charade	3a posición
	1964	?	Nominau a lo Laurel a lo Millor Actor de Comedia	Cary Grant	2a posición
	1964	?	Nominada a lo Laurel a la Millor Actriz de Comedia	Audrey Hepburn	3a posición
	1964	?	Nominada a lo Laurel a la Millor Canción	Charade, de Henry Mancini (musica) y Johnny Mercer (letra)	5ena posición

Se veiga tamién

• Cine en 1963.
• Cintas de 1963.

Vinclos externos

• Se veigan as imáchens de Commons sobre Charade.
• (en) Charade en Internet Movie Database.
• (en) / (es) Charade en FilmAffinity.
• (en) Charade en Rotten Tomatoes.
• (en) Charade en TCM Movie Database.
• (en) Charade en AllMovie.

• Datos: Q496266
• Multimedia: Charade (film) / Q496266