Alquibla
L'alquibla ye como se conoixe a dirección u orientación enta a on cal fer a pregaria islamica. A lo principio a fe islamica adrezaba a pregaria enta Cherusalem, pero dende a Echira, s'adrezó enta A Meca. A la sura II, versiclo 144, de l'Alcorán se diz "...Faremos que te chires enta una dirección que te satisfaiga. Chira o tuyo rostro enta a Mesquita Sagrata. En cualsiquier puesto on sigaz, chirar o rostro enta ella..."
Esta dirección senyala a ciutat d'a Meca, y mes concretament a Kaba, que se troba a la mesquita d'al-Haram. Tamién s'ha discutito que puesto concreto d'a Kaba ye o punto exacto on de feito se centra tot o mundo islamico.
Esta practica fa que totas as mesquitas sigan orientatas enta l'alquibla. Dentro d'a mesquita, a dirección exacta vien indicata por mihrab que ye situato a lo muro de l'alquibla.
Vinclos externos
[editar | modificar o codigo]- (en) Localizador de l'alquibla.
- (en) Localizador bis.
