Aceite d'oliva
L'aceite d'oliva[nota 1] ye una aceite vechetal d'uso mas que mas culinario. S'obtiene d'o fruito d'a olivera (Olea europaea), dito oliva.[1] Cuasi a tercera parti d'a polpa d'a oliva ye aceite. Por ista razón, dende l'Antigüidat s'ha quitau facilment con una simpla presión exercida por un molín. En Aragón as instalacions a on se quita l'aceite reciben o nombre d'almozaras.[2] Amás d'o culinario, l'aceite d'oliva tamién s'ha emplegau pa atros usos diversos como cosmetica, medicina, relichión y como combustible pa as lampas d'aceite.
Aceite en Aragón
[editar | modificar o codigo]En Aragón existen tres denominacions d'orichen d'aceite d'oliva:
- DOP Aceite d'o Baixo Aragón: incluye municipios d'as comarcas d'Andorra-Sierra d'Arcos, Baixo Aragón, Baixo Aragón-Casp, Campo de Belchit, Cuencas Meneras, Matarranya, Martín Baixo, Mayestrato y Ribera Baixa d'Ebro.
- DOP Aceite d'o Semontano: incluye municipios d'as comarcas de Cinca Meya, Monegros, Plana de Uesca, Ribagorza, Semontano de Balbastro y Sobrarbe.
- DOP Aceite Sierra de Moncayo: incluye municipios d'as comarcas de Campo de Borcha y Tarazona y Moncayo.
Notas
[editar | modificar o codigo]- ↑ U tamién azaite d'oliva, olio d'oliva u oli d'oliva
Referencias
[editar | modificar o codigo]- ↑ (es) "Enciclopedia del Aceite de Oliva". Jesús Ávila Granados. Planeta. 1.ª edición. Barcelona, 2000 ISBN 8408035428
- ↑ (en) On Food and Cooking: The Science and Lore of the Kitchen. Harold McGee. Ed. Scribner. Nueva York, 2004. ISBN 0684800012. Pach. 896
| Control d'autoridaz |
|
|---|
