Maurice Garin

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Maurice Garin
O ciclista valdostán Maurice Garin en 1897.
Información personal
Nombre	Maurice Garin
Embotada	Petit ramoneur u petit ramoneur italien
Calendata de naiximiento	3 de marzo de 1871
Puesto de naiximiento	Arvier (Val d'Aosta, Italia)
Calendata de muerte	19 de febrero de 1957
Puesto de muerte	Lens (Paso de Calais, Francia)
Esporte	Ciclismo
Información d'equipo
Disciplina	Carretera
Papel	Ciclista
Grans victorias
Ganador d'a clasificación cheneral d'o Tour de Francia de 1903. - Ganador d'a París-Roubaix en 1897 y 1898.

Maurice Garin, naixiu d'Arvier (Val d'Aosta, Italia) o 3 de marzo de 1871 y muerto en Lens (Paso de Calais, Francia) lo 19 de febrero de 1957, estió un ciclista valdostán naturalizau francés.

Entre atras victorias en o ciclismo, destaca por haber estato o primer ganador d'o Tour de Francia, en 1903. Ganó tamién o Tour de Francia de 1904, encara que os cuatro primers d'a clasificación cheneral, él, Lucien Pothier, su chirmán César Garin y Hippolyte Aucouturier son descualificaus 4 meses dimpués de rematar a cursa.

Carrera profesional

Naixito d'Italia, Garin se naturalizó ciudadán francés en 1901. Antis d'estar ciclista estió esfollinador, por lo que la suya embotada estió petit ramoneur u petit ramoneur italien ("chicot esfollinador" u "chicot desfollinador italiano", en francés). Dende a suya victoria en o Tour de Francia de 1903, nomás s'emplegó a primer embotada.

Ganó tamién o Tour de Francia de 1904, encara que os cuatro primers d'a clasificación cheneral, él, Lucien Pothier, su chirmán César Garin y Hippolyte Aucouturier son descualificaus 4 meses dimpués de rematarla cursa, por testimonios seguntes él mesmo poco fiables, y a victoria correspondió asinas a o cinqueno clasificau Henri Cornet. Os descalificaus estioron sancionados sin poder participar mientres un periodo de dos anyos en o Tour. Suspensa a suya participación en o ciclismo, se retiró ta Lens, en o Paso de Calais, a on teneba un taller de reparación de bicicletas.

Dimpués d'a Segunda Guerra Mundial creyó un equipo, clamau Garin que portaba as colors royo y blanco, cal destacar que lo neerlandés Piet Van Est ganó la Burdeos-París en 1950 y 1952 con o suyo equipo.

Murió en Lens o 19 de febrero de 1957 y a suya memoria encara perdura en esta villa d'o norte de Francia, que metió o suyo nombre a o velodromo local. En 2003 coincidindo con o centenario d'a suya victoria en o Tour de Francia, una carrera de Maubeuge estió renombrada en a suya memoria.

Palmarés

1893 : Dinant-Namur-Dinant
1893 : 800 kilometros de París (en pista)
1894 : 24 horas de Lidje (en pista)
1894 : Premio d'Avesnes-sur-Helpe
1894 : París-Sant-Maloù
1895 : 24 horas d'as Artes Liberal de París (en pista)
1895 : Gwengamp-Montroulez-Gwengamp
1895 : Recordman d'o mundo d'os 500 km por carretera dezaga d'entrenador: 15 h 02' 32", entre o 3 y o 4 de febrero
1896 : París-Le Mans
1896 : París-Mons
1896 : Lidje-Thuin
1896 : 3º en a París-Roubaix 1896
1897 : París-Roubaix 1897
1897 : París-Royan
1897 : París-Cabourg
1897 : Tourcoing-Béthune-Tourcoing
1898 : Paris-Roubaix 1898

Con o suyo masachista y o suyo fillo en 1903.

1898 : Tourcoing-Béthune-Tourcoing
1898 : Valenciennes-Nouvion-Valenciennes
1898 : Douai-Doullens-Douai
1898 : 50 km d'Ostende (en pista)
1898 : 2º en a Bordeus-París
1899 : 3º en a Bordeus-París
1899 : 3º en o Bol d'Or (en pista)
1900 : 2º en a Bordeus-París
1900 : 2º en o Bol d'Or
1900 : 3º en a París-Roubaix 1900
1901 : París-Brest-París
1902 : Bordeus-Paris
1903 : Tour de Francia 1903 (amás de cuatre victorias d'etapa)
1904 : Tour de Francia 1904, descalificau chunto a atros corredors 4 meses dimpués de rematada a cursa por trapazas, con testimonios poco creyibles seguntes él. Garin negó os feitos tota a suya vida. (2 victorias d'etapa).

Predecesor: Creyación d'a cursa	Tour de Francia 1903	Succesor: Henri Cornet
Predecesor: Maurice Garin	París-Roubaix 1897 y 1898	Succesor: Albert Champion

Datos: Q273842
Multimedia: Maurice Garin / Q273842