Hierba
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Iste articlo tracta sobre a hierba como forma d'as plantas herbacias. Ta o material feito de hierbas que s'emplega como alimento animal, se veiga Feno.
Una hierba (pronunciau /'jerba/, como "yerba"; d'o latín <HERBA) u planta herbacia ye cualsiquier planta pertenecient a una especie no lenyosa, con una altaria comprendida d'entre bels centimetros y no mas d'1,5 metros aproximadament. Cuan una planta presenta ixas caracteristicas, se diz que tiene port herbacio.
![](http://upload.wikimedia.org/wikipedia/commons/thumb/9/90/Conyza_canadensis_2005.08.11_16.31.04.jpg/200px-Conyza_canadensis_2005.08.11_16.31.04.jpg)
A mayor parte de a biodiversidat de plantas superiors que i ha en o planeta Tierra son especies no lenyosas que pueden decir-se hierbas. En bels climas y ecosistemas terrestres representan un porcentache elevadismo d'as plantas presents, por o que a suya importancia ye cabal.
Anque no ye una condición decisiva ta considerar que una planta ye hierba, muitas d'as especies que popularment se conoix asinas son anyals u bianyals y cumplen o suyo ciclo biolochico en una anyada. A sobén creixen vivament en os meses d'oraches favorables, pero se les ixecan as partes aerias en a estación mas cruda, no quedando sique as estructuras soterranias de resistencia (radices, bulbos u tuberclos) que les permiten tornar a brostar cuan as condicions tornan a estar favorables.
Bellas especies, con un ciclo estrictament anyal, creixen, fan a florada, fructifican y mueren en semanas u meses, adintro d'una mesma anyada. En istos casos, os percullos que amaneixen a la siguient estación de creiximiento son os nuevos piez, naixius de simients, que pertenecen a la siguient cheneración.