Federación

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una federación (d'o latín fœdus, "pauto") ye un estau independient formato por cuantas rechions autonomas, libres y soberanas, (a sobén clamatas "estaus"), unitas por un gubierno central ("federal"). En una federación, o estatus autonomo d'os estaus ye reconoixito por una constitución propia y no puede estar alterato por una decisión unilateral d'o gubierno central. As federacions a ormino se forman por alcuerdo entre os estaus soberanos, anque cheneralment no'n tienen o dreito a la seccesión de manera unilateral.

Constitución politica

A forma de gubierno u a estructura constitucional d'a federación se clama federalismo. Iste sistema de gubierno divide o poder constitucionalment entre l'autoridat central y as unidaz politicas (estaus u provincias) parcialment autonomas. Istos dos rans de gubierno son independients, pero comparten a sobiranía.

A sobiranía d'os estaus miembros d'una federación no ye pas ilimitata, ya que ceden ciertos poders economicos y dreitos a lo gubierno central; perdendo prencipalment o poder de controlar os afers y as relacions con os países foranos de manera autonoma, asinas como lo suyo estatus internacional como entidat politica independient, anque bi'n ha d'excepcions.

A diferencia d'atros estaus con divisions territorials autonomas como os estaus rechionals, os estaus que forman una federación cedioron bellas atribucions politicas ta la federación, mientres que en os estaus rechionals ye o gubierno central qui cede bellas atribucions ta las rechions autonomas y conserva o dreito a retirar-las. O gubierno federal, por tanto, no bi tiene o dreito a intervenir, de forma unilateral, en o gubierno d'as entidaz que forman a federación. Manimenos, bi'n ha d'excepcions como ye o caso d'a federación d'Archentina, an que o gubierno federal ha intervenito en diversas provincias.

Formación historica d'as federacions

Historicament, bellas federacions han surtito d'un alcuerdo entre estaus deseparatos u independients dende feba poco, ta resolver problemas comuns, ta dar-se esfensa mutua, u por cuestions economicas, como ha estau lo caso d'os Estaus Unius, Suiza, Canadá y Australia.

Una vegata que os estaus han decidito ingresar u fer parte d'una federación, o dreito a la secesión ha estau historicament un tema controvertito, que ha ocasionato graves guerras cebils, como estió lo caso d'os estaus Confederatos d'America en os Estaus Unius, u de Texas y a Republica de Yucatán en Mexico.

Forma de gubierno d'as federacions

O federalismo pueder surtir adintro d'una monarquía constitucional, como Canadá u Australia, u adintro d'un gubierno republicano, como os Estaus Unius, Alemanya u Mexico (un concepto que ye conoixito como republica federal).

Se veiga tamién

Datos: Q43702
Multimedia: Federación / Q43702