Capital (economía)
- Iste articlo ye sobre o capital economico. ta atros usos, se veiga capital.
Capital tien cuantos significatos relacionatos con a economía, as finanzas y a contabilidat. En as finanzas y a contabilidat, o capital se refiere, cheneralment, a la riqueza financiera, especialment aquella que s'emplega ta prencipiar u mantener un negocio. A lo prencipio, se suposa que existen atros tipos de capital, como lo capital fisico, que son alquiritos, por meyo de diners u de capital financiero.
En a economía clasica, o capital ye un d'os tres factors de producción; os atros son a tierra (materias primas) y a mano d'obra (treballo). Os biens son capital si tienen as siguients caracteristicas:
- Pueden estar utilizatos en a producción d'atros biens
- Son creyatos por os humans, en contraste con a "tierra" que se refiere a los recursos naturals como los minerals y os puestos cheograficos
- No s'emplega a l'inte en o proceso de producción, a diferencia d'a materia prima u d'os biens intermeyos.
A tercera caracteristica no siempre la emplegan os economistas. L'economista clasico David Ricardo emplegaba ista definición ta referir-se a lo termin de capital fixo, mientres que encluyiba la materia prima y os productos intermeyos como parti d'o que clamaba o "capital en circulación".
Datos: Q8137
Multimedia: Capital (economics) / Q8137
