Araneae
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Araina | ||||||||
 Araina en a suya tiraraina. | ||||||||
| ||||||||
As arainas (Araneae) son uns artropodos queliceratos respiradors d'aire que tienen ueito garras, y quelicers modificatos en catirons capables d'inchectar vereno. As arainas viven en toz os continents fueras de l'Antartida, y s'han establito en cuasi toz os nichos ecolochicos, fueras d'a mar y l'aire. En 2008 s'heban descrito alto u baixo belas 40.000 especies d'araina y 109 familias.[1] Manimenos, existe un debate adintro d'a comunidat cientifica sobre como calerba clasificar toz os cheneros, como contrimostra o feito de que s'haigan publicato mas d'una vintena de clasificacions dende l'anyo 1900.[2]
As arainas tienen a capacidat de producir seda con a cual fan tirarainas, embolican as presas que atrapan en ellas, protechen os suyos refuchios y se deixan levar per l'aire.
En a cultura popular
editarFolklore y mitolochía
editarAs arainas han estau y estan presents en a mitolochía, simbolochía y o folklore de todas as culturas dende l'antiguidat dica l'actualidat. Las arainas s'han utilizau pa representar la paciencia por as suyas tecnicas de caza basadas en teixir rez y asperar a que caiga bella presa, asinas como la maldat per o suyo vereno y la muerte lenta que causa este.
Una d'as leyendas mas antigas ye a historia que conta a competición que levoron a cabo a diosa griega Atenea y a princesa Aracne. Esta fabula estió incorporada a la mitolochía griega muito mas tarde, cuan Ovidio escribió o suyo famoso poema As metamorfosis, entre los anyos 2 y 8.
Ye famosa a representación d'una araina en las Lineas de Nazca y o chugador de fútbol sovietico Lev Yashin, considerau un d'os millors porters de siempre, fue apodau A Araina Negra por vestir siempre de negro y a suya habilidat pa plegar a cualsequier chute a puerta.
En o cine y televisión
editarTanto en o cine como en a televisión, as arainas han estau presents dende fa muitos decenios, especialment en cintas de terror, que s'han serviu d'ellas pa causar espanto entre o publico, especialment entre os cuals tienen aracnofobia. Entre ixas cintas destacan Tarantula de 1955, Kingdom of the Spiders de 1977 protagonizada per William Shatner, Arachnophobia de 1990, Eight Legged Freaks de 2002 u Charlotte's Web de 2006, amás d'as cintas d'Spiderman.
Mazadas
editar- Como veigas garrilargas, ya pues coger o paraguas.[3]
Referencias
editar- ↑ (en) The World Spider Catalog, version 9.5, Norman I. Platnick. American Museum of Natural History
- ↑ (en) F. Foelix: Biology of Spiders Rainer, 1996. Oxford University Press. 198 Madison Ave. NY, New York, 10016 ISBN 0-19-509593-6
- ↑ (es) José Enrique Gargallo Gil:Los refranes meteorológicos en aragonés, en el marco de la paremiología románica, Alazet n°20, 2008, ISSN 0214-7602, p.11-31
