Sowal no Pangcah
O sowal no Pangcah/ O sowal no 'Amis, Pangcah ato 'Amis malecaday to.
![](http://upload.wikimedia.org/wikipedia/commons/thumb/f/f3/Formosan_languages.png/220px-Formosan_languages.png)
O Sowal no Pangcah (kuwaping a sowal:阿美語) hananay i, o Pangcah a sowal.
Ira ko ’alomanay to tamdaw a Pangcah i Taywan.
Tangasa to i 2015 a mihcaan i, ira to ko 108200 a tamdaw somowalay to Sowal no Pangcah i hkal ma^min.
Finacadan a sowal 族語
[mikawit | o yin-se-ma no pisinanot]Yo hofoc saho kako, o matengilay no mako a ngiha o sowal no ina, aniniay a wawa i, o sowal nangra maemin to o no holam ko sowal, caay to pisano’Amis to sowal no ina, saka, lahedaw lahedaw sato ko caciyaw no ’Amis. O sowal no ’Amis anini matiya o mamalahedaw to, ano caho ka pisano ’Amis ko wawa ita i, o mamalahedaw to ko sowal no ’Amis, nawhani, to’as to’as sato ko mato’asay, o mamisiayaayaw aca tonika mamalahedaw ko sowal no ’Amis. Saka ira ko pinapina ko niharatengan no mako to palowad to sowal no ’Amis.
I kiwkay micikeroh to sowal no finacadan 族語在教會推動
[mikawit | o yin-se-ma no pisinanot]Matatahic ato kiwkay a palowad to parana’an a pinanaman to sowal iayaw i, tayni i Taywan mipatenakay to sowal no Pangcah a mipatenakay to Yincomin, pakayni toni Roma a tilid, mitilid to tilid no Yincomin, ta coyaken ningra ko fangcalay codad a misano ’Amis, tahamatini, ’aloman ho ko i niyro’ay a kiwkay ira ho ko no ’Amisay a fangcalay codad. Tadalimela ko i niyaro’ay a kiwkay palowad to sowal no kasafinacadan a sowal, anini sato mafalic to ko kasamihecaan, lasawad lasawad sato ko malitengay, o aniniay sato a kaemangay, awa:ay to ko faloco’ nangra a sapinananam to sowal no ’Amis, mahapingan no mita ko anini ko kiwkay, ca:ay to ka caciyaw to no Pangcah a sowal, saka to nanay mipalowad koya mipatenakay a foksi, kalalok a pasifana’ to sowal, to marayray ko sowal no mita o Pangcah.
I kiwkay i, o kasasowalan no ’Amis to sowal no ’Amis a kaitiraan, o sa’opo no kiwkay malo kasasowalan to sowal no ’Amis. i kiwkay i manga’ay a malo pitengilan, kasasowalan a kaitiraan. Matiya o pitengil to kimad, pinanaman no wawa, kasa’opoan no mato’asay, mae^min sa a misano ’Amis, Ano misa’osi to Sesiw, minanam to radiw, sa^heto han misano ’Amis, ano samihecamiheca han a minanam, caka tongal tongal sato ko fana’ a misano ’Amis. Saka, manga’ay a matatahic to kiwkay a minanam to sowal no ’Amis.
i loma’ a misatapang a pasifana’ to sowal 家庭開始做起
[mikawit | o yin-se-ma no pisinanot]O nanay no faloco’ i,
nanay o pinanaman i loma’ ito, caay to ka ipapotal, nawhani, aniniay minanamay tona sowal saheto o ka^mangay a wawa, O pinanam i, deng aca i mitilidan, tahira sato i loma’ ono kawping to ko sowal nangra, ano tayra ko singsi i parod no loma’ pasifana’ to sowal i, polong no paro no loma’ ma^emin minanam to sowal no ’Amis, o akong, o ama, o mama, o ina ato wawa, pakafana’en ko polong no paro no loma’ a tamdaw, kacifaloco’ a palowad miparayray to sowal no ’Amis, o tadamanay a demakan ko nini , kasomowal to no ’Amis i loma’ ko niyah, pa’icelen ko wawa i loma’ ato i niyaro’ a misano ’Amis.
o pinanam to sowal a kaitiraan.語言巢
[mikawit | o yin-se-ma no pisinanot]Mafana’ kita to nika ratar no Mawlico hananay a tamdaw, misaicel a mipalowad to 「pinanaman」. Ci faloco’ cangra a palowad to pinanam no wawa i ayaw no picomod to pitilid i, misatapang to a pasifana’ to sowal nangra, tada makapah ko heci nangra a pasifana’ to wawa. Pakay ni i loma’ ato yociing a miliayaw to pitilidan ko pasifana’ to wawa i, malaheci to nangra ko makapahay a pinanam. Aniani i Taywan misaicel to a mipatireng to「pinanaman to sowal a kaitiraan」 maaraw no mita malaheci to a mapalawad kona demak. Itini tona pinanaman i, nanay o pasifana’ to wawa manga’ay ko mato’asay a minanam. O aniniay a ina ato mama, caay to kasomowal to no ’Amis, pakaso^lin kita ano malacecay ko pinanam no ina no mama ato wawa i, O wawa wawa to no mita, ano i cowacowa to, i pitilidan to, i kiwkay to, i loma’ manga’ay to macacawi to mato’asay a misano ’Amis.
o singsi ato minanamay 師徒制
[mikawit | o yin-se-ma no pisinanot]Ono mato’asay a micodad, o singsi aca ato cecay aca ko minanamay, anca o masaopaay minanamay, i laday no ’orip anca o demak no serangawan a minanm to sowal no Pangcah. O matiniay a pinanam, manga’ay patakaraw ko sapinanaman ato ci’icel ko minanamay a mato’asy, manga’ay marayray ko sowal to fana’ ato tangen.
Sakipapotal pinanaman no ka’emangay to sowal 校外的兒童族語課程
[mikawit | o yin-se-ma no pisinanot]O papotalay no pitilidan ko nihaenan, tinako syako, niyaro’, safelawan, kiwkay, midemak to sakisowal no niyah pinanam ato pikihatiyah, malo sakaira no ka’emangay kasasipiini ato minaman niyah a sowal. Matiniay a pipalalan matongal ko kafana’an no ka’emangay minanam to sowal, macikeroh ko laloma’an ato syakay mikihatiya picokeran.
paherek a sowal 結語
[mikawit | o yin-se-ma no pisinanot]Palacecayen ko loma’, niyaro, kiwkay ato masamaanay a kasaopoan a malacecay mipalowad to sowal no Amis, patirengen no mita ko pitengilan, kasasowalan, pisaosian, pitilidan a kaitiraan. Minanam to sowal, ira aca kasasowalan to sowal, ano caka somowal caay to kananam a caciyaw to no Pangcah, mangalef caay katanestes ko sowal.
a | ae | b | c | d | dh | dj | dr | e | é | f | g | h | hl | i | ɨ | j | k | l | lh | lj | lr | m | n | ng | o | oe | p | q | R | r | ṟ | S | s | sh | t | th | tj | tr | u | ʉ | v | w | x | y | z | ' | ^ | |
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Sowal no Pangcah | a | t͡s | d, ð, ɬ | e | b, f, v | ħ | i | k | ɾ | m | n | ŋ | o | p | r | s | t | u | w | x | j | ʡ | ʔ |