Uruguay

	República Oriental del Uruguay; Republik Öschtlich vom Uruguay
{{{ARTIKEL-FLAGGE}}}	{{{ARTIKEL-WAPPEN}}}
	Wahlspruch: Libertad o Muerte
Amtsspraach	Spanisch
Hauptstadt	Montevideo
Staatsoberhaupt und Regierigschef	Luis Alberto Lacalle Pou
Flächi	176'220 km²
Iiwohnerzahl	3'314'466 (Stand Juni 2006)
Bevölkerigsdichti	18,8 Iiwohner pro km²
Bruttoinlandsprodukt	22'951 Mio. US$ (85.)
Bruttoinlandsprodukt pro Iiwohner	7'172 US$ (63.)
Human Development Index	0,852 (46.)
Währig	Uruguayischer Peso
Unabhängigkeit	1825 (international anerkannt 1828)
Nationalhimne	Orientales, la Patria o la tumba
Nationalfiirtig	25. August
Zitzone	UTC –3
Kfz-Kennzeiche	ROU
Internet-TLD	.uy
Vorwahl	+598

Uruguay (amtlich República Oriental del Uruguay, alemannisch: Republik Öschtlich vom Uruguay) isch en Schtaat z Südamerika zwüsche Brasilien und Argentinien. D Hauptstadt isch Montevideo. Wil d Region frühener e Schpanischi Kolonii isch gsi, schwätzt me z Uruguay au hüt no Schpanisch.

De Name

S Land het sin Name vom Fluss Uruguay, wo im Weschte d Landesgränz bildet. Im vollschtändige Landesname wird des dütlich, wills als des Land deffiniirt wird, wo im Oschte vom Fluss Uruguay ligt. De Name Uruguay chunnt us de Sproch vo de Guarani, de Uriiwohner vo dere südamerikanische Region. D Interpretation vom Wort variirt:

Fluss vo de bunte Vögel (meint de Juan Zorrilla de San Martín)
Schneggfluss („arugua” = Schnegg, „y” = Wasser)
Fluss vom Uruland (meint de Felix de Azara: „Urú” = Name vo eme Vogel, „gua” = Land, „y” = Wasser)
Fluss vo de Essensbringer (Lucas Marton)

Geografii

Uruguay isch näbe Suriname s zweitchleinst Land vu Südamerika; zwar isch au Französisch-Guayana chleiner, isch allerdings kei uuabhängige Staat, sundern e Übberseegebiet vu Frankriich. Näbem fruchtbare Flachland in de Umgebig vum Meer gitt's zwei wälleartigi Gebirgszüg: d Cuchilla de Haedo, wu sich im mittlere Deil vu Uruguay vu Norde noch Süde ziehn, un d Cuchilla de Grande im Oste. De höchst Punkt isch de Cerro Catedral mit 514 Meter. Im Norde gönn d Hügel in di Brasilianischi Hochebeni übber.

Gwässer

Im Süde bis Südweste isch de 300 Killometer lang Río de la Plata. Er isch eigentlig de Zämmefluss vum Fluss Uruguay un em Paraná, erreicht e Breiti vu bis zu 250 Meter un fließt in de Atlantisch Ozean. De zweit groß Fluss, de Río Negro, chunnt vu Brasilie un verlauft vu dört us quer durch s Land, bis er an de Westgränze in de Uruguay fließt.

Zwüsche Cabo Polonio un Punta del Este herrsche sandigi Meerufer vor, wu zahlriichi chleineri Bücht un Laguune hänn. Sälle Landesdeil wird als Riviera vu Uruguay bezeichnet.

Chliima

Uruguay hät e subtropischs, füüchts Chliima; d Temperatuure sin im Summer mäßig warm, d Winter sin niderschlagsriich, d Temperatuure sinke abber fast nie unter de Gfierpunkt. Wäge de diefe Lag isch Uruguay aafällig für e schnälli Veränderig vum Wätter, sodass zum Bispil de Pampero, e Wind us de argentiinische Pampa, chalti Luft bringe cha.

Flora un Fauna, Umwältschutz

Uruguay isch prägt vu de Pampa un ihre Palmewälder, wu allerdings durch d'Landwirtschaft mittlerwiili zruckdrängt wore sin un hauptsächlig no um Castillos, Chuy, Paso de los Toros un de Río Negro z finde sin. Am hüfigste isch d'Butiapalme (Butia yatay), wu 10-12 Meter hoch wird. Ihri Some were als Würzstoff für s Nationalgedränk, de Mate-Tee, bruucht, während us de Frücht alkoholischi Gedränk un Honig gwunne were.

Uugfähr dräi Prozänt vu Uruguay isch vu Wald bedeckt. Wu d Vegetation blibe isch, herrsche dichti, subtropischi Wälder vor. Iiheimischi Tierarte sin u. a. de Pampashirsch, de Graumazama (e Spießhirsch) un s Wasserschwein. De gröscht Deil vu denne Dier läbe, genau wie di meiste Vögel, entlang de Flüss.

Uruguay hät wenig Nationalparks, defür gitt's entlang em Meer un de Flüss viili Natuurschutzgebiet. Sälli sin meistens im Bsitz vu de Ramsar-Konvention.

Weblingg

Commons: Uruguay – Album mit Multimediadateie

Schtaats Website
Website vom uruguayische Tourismusministerium (spanisch, portugisisch und englisch)
Website vu de Östriichisch-Uruguayische Gsellschaft (englisch)