Rouen
Rouen | |
![]() | |
Verwàltung | |
---|---|
Land | ![]() |
Region | ![]() |
Département | Seine-Maritime (76) - (Präfektur) |
Arrondissement | Rouen (Unterpräfektur) |
Kommünàlverbànd | Métropole Rouen Normandie |
Àmtliga Nàma | Rouen |
Maire | Yvon ROBERT (2014-2020)[1] |
Code Insee | 76540 |
Poschtlaitzàhl | 76000, 76100 |
Iiwohner | |
Iiwohner | 114.083 |
Flech | 21,38 km2 |
Bevelkerungsdicht | 5.078,06 Iiw./km2 |
Làg | |
Koordinate | 49° 26′ 35″ N, 1° 06′ 09″ E / 49.443055555556°N,1.1025°EKoordinate: 49° 26′ 35″ N, 1° 06′ 09″ E / 49.443055555556°N,1.1025°E |
Heche | 10 m |
Website | |
https://rouen.fr/ |
Rouen (IPA [ʁwɑ̃]; im örtliche Français régional au [ʁwã]) isch e Stadt a dr Seine i dr Normandi, sisch di alti Hauptstadt vo dr Normandi un hüt d Hauptstadt vo dr Region Haute-Normandie un em Department Seine-Maritime.
2007 het Rouen e Bevölchrig vo 115.000 Ywohner gha; i de Vorstädt wohne 410.000 Mänsche.
D Jeanne d’Arc isch 1431 uf em Place de la vieux Marché z Rouen verbrannt worre.
Rouen isch unter andrem für syni Kathedrale un syni circa 2.000 Fachwerchhüüser bekannt. Rouen isch für e langi Zit eini vo de gröschte un rychschte Städt vo Europa gsi.
Stadtgschicht
[ändere | Quälltäxt bearbeite]I dr Gegend um Rouen finde sich Spure vonere Bsiidlig wo i s 9. un 6. Johrhundert vor Chrischtus zruggönn. Ab em 5. Johrhundert isch Ackerbau un Viezucht noochgwiise.
Gründet worre isch Rouen vo de Gallier wo d Stadt Ratumacos gnännt hen (Gallisch *rotos (Rad) un *magos (Märit)). Vo de Römer isch d Stadt Rotomagus gnännt worre.
Vo 841 a hen d Wikinger ihri Raubzüg d Seine naa agfange un Rouen plündret. Noochdäm dr französischi Chönig Karl III. de Normanne unter Rollo 911 d Normandi überloo het isch Rouen d Hauptstadt vum Herzogtum Normandi worre.
Am 16. April 1203 isch dr französchi Chönig Phillippe Auguste i Rouen ymarschiert un het d Normandi dodemit a Frankriich anektiert.
![](http://upload.wikimedia.org/wikipedia/commons/thumb/9/9e/SeineMaritimed%C3%A9c2004_131.jpg/220px-SeineMaritimed%C3%A9c2004_131.jpg)
![](http://upload.wikimedia.org/wikipedia/commons/thumb/1/1e/Rouen_1.jpg/220px-Rouen_1.jpg)
Im Mittelalter het z Rouen eini vo de gröschti jüdischi Gmeinde vo Europa gwohnt; circa 6.000 Jude (öber 20 % vo dr Bevölchrig) hen i Rouen gläbt. 1306 isch d jüdischi Gmeinschaft vum Philippe IV le Bel vertriibe worre.
Im Hunderjährige Chrieg isch Rouen vo de Ängländer bsetzt worre; d Jeanne d’Arc isch am 30. Mai 1431 z Rouen vor Gricht gstellt un drno verbrannt worre. 1449 hen d Franzose d Stadt schliessli zruggerobret.
Am Aafang vo dr Renaissance isch Rouen di zweitgröschti Stadt vo Frankriich nooch Paris gsi. D Fischer vo Rouen sin bi uf Neufundland un s baltische Meer go fische.
Syt de 1530er isch d Bevölchrig vo Rouen durch d Reformation beyflusst worre, aber nüt ganz überträte. Für e Zit lang isch Rouen 1562 ganz vo de Hugenote kontrolliert worre.
Nooch dr Bartholomäusnacht het d Stadt d Hugenote ygsperrt und eso versüecht si zschütze. Dr Pöbel isch aber am 20. September i s Gfängnis ybroche un het d Hugenote ermordet.
Während em Prüüsisch-Französische Chrieg vo 1870 isch Rouen vo April bis Juni 1871 vo de Prüüse bsetzt gsi.
Au im Zweite Wältchrieg isch d Stadt vo de Dütschi bsetzt gsi un während dr Schlacht um d Normandi schwer bschädigt worre. Di berüemti Kathedral isch durch d Bombardments fascht zerstört worre.
Sproch
[ändere | Quälltäxt bearbeite]Di traditionali Sproch vo Rouen isch s Normännische, e Langues d'oil. De Dialäkt vo dr Gegend um Rouen (s Cauchois) stoht scho lycht im Übergang zum Pikardische.
Hüt wird wie im gröschte Deil vo dr Normandi numme no e regionali Umgangssproch gsproche, s Français régional.
Sehenswürdichkeite
[ändere | Quälltäxt bearbeite]- s Musée des beaux-arts isch s Kunstmuseum vun dr Stadt
- s Musée maritime fluvial et portuaire isch s maritime Museum vun dr Stadt, s handelt vo dr Gschicht vum Hafe un dr Schiffsfahrt.
Vercheer
[ändere | Quälltäxt bearbeite]S git zwo Metrolinie z Rouen, ihri Längi isch 15,7 km.
Partnerstädt
[ändere | Quälltäxt bearbeite]Rouen isch e Partnerstadt vo:
- Hannover (Dütschland)
- Norwich (Grossbritannie)
- Ningbo (China)
- Salerno (Italie)
- Wejherowo (Pole)
- Uelzen (Dütschland)
Ekschterni Syte
[ändere | Quälltäxt bearbeite]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
Fuessnote
[ändere | Quälltäxt bearbeite]- ↑ Liste des maires au 25 avril 2014 (data.gouv.fr)