Pornofilm
![](http://upload.wikimedia.org/wikipedia/commons/thumb/a/aa/Porno-Akteure_erhalten_w%C3%A4hrend_eines_Drehs_Regieanweisungen_%28M%C3%BCnchen_2004%29.jpg/220px-Porno-Akteure_erhalten_w%C3%A4hrend_eines_Drehs_Regieanweisungen_%28M%C3%BCnchen_2004%29.jpg)
E Pornofilm isch die audiovisuelli Realisazioon vo dr Pornografii (vom griechische porne ‚Huere‘, graphein ‚schriibe‘) im Medium Film. Pornografii wird vilmol definiert as en ummiddelbari und dütligi Daarstellig vo dr menschlige Sexualidäät und vo de primääre Gschlächtsmerkmol mit dr Absicht, dr Konsumänt sexuell z stimuliere.
In dr kunst- und filmwüsseschaftlige Usenandersetzig isch dä Aasatz zun ere Definizioon umstritte, au wenn s zum Bischbil usgseet, wie wenn d Rächtswüsseschaft uf die Definizioon aagwiise isch. Au d Abgränzig zu Schanerbegriff wie Erotikfilm, Sexfilm oder Softporno brucht s Kriterium vo dr Ummiddelbarkäit und Dütligkäit. S Brobleem isch, ass d Übergäng vo Schaner zu Schaner fliessend si, und mä käini klaare Gränzlinie cha zie.
Pornografischi Film si z Dütschland sit 1975 nüme stroofrächtlig verbote usser dr herte Pornografii, wo sexuelli Gwalt, Zoophilii oder sexuelle Missbruuch vo Chinder daarstellt. Es git aber Jugendschutz-rächtligi Bestimmige, wo zum Bischbil d Wärbig und dr Verchauf reglementiere.
![]() |
Dä Artikel basiert uff ere fräie Übersetzig vum Artikel „Pornofilm“ vu de dütsche Wikipedia. E Liste vu de Autore un Versione isch do z finde. |